ISENDLALELO SOBULUNGISWA BOKUBUYISANA. Ngokuqalana neenselela ihlelo lezobulungiswa kobulelesi begodu nokutjhugululwa kokulawulwa kobulungiswa, i-Justice Crime Prevention and Security Cluster (JCPS) yamukele indlela yoBulungiswa bokubuyisana ngezizathu ezimbalwa okufaka hlangana iphuzu lokobana zoBulungiswa bokubuyisana zisebenzisa iindlela zendabuko zokusombulula ubulelesi, ithathela ekambisweni yangaphakathi neyangaphandle kwehlelo lezobulungiswa lobulelesi, kufaka hlangana iindlela zendabuko zokusombulula ubulungiswa i- (“non-state forms of ordering and justice”). Kukhona okufanako hlangana noBulungiswa bokubuyisana kunye nobulungiswa obenziwa ma-Afrika emakhotho womphakathi nawendabuko okuthole ukuthabelwa eendaweni zemadorobheni kumaforamu afana namakomiti weentrada kunye namakhotho wabantu. Kilokho-ke, imithetho yamacala kunye nendlela kwenzeka ngakhona kuqinisekisa imigomo yokuhlonipha isithunzi somuntu kunye namahlelo anjengetjhuguluko (nanyana ifakwe ngokungemthetho ehlelweni lobulungiswa bezobulelesi), kusize umleyo womthethomgomo wezomthetho wehlelo lezobulungiswa. Ihlelo lokuhlawulisa lanjenganje, elilihlelo lokujezisa abantu ngemilandu abayenzileko kubonakala kunemiphumela emincani, ngakho-ke kufuneka indlela eyahlukileko yokuqalana nemilandu.
