N9ox5 ᐃᒡᓗᓕᕆᔩᑦ ᓄᓇᓕᓐᓂ

ᐊᖏᖃᑎᒌᒍᑦ ᓄᓇᓕᓐᓂ ᐃᒡᓗᓕᕆᔨᒃᑯᑦ ᐱᓇᓱᐊᒐᖏᑕ ᐊᐅᓚᑕᐅᓂᖏᓐᓄᑦ ᐊᒻᒪ ᑲᔪᓯᑎᑕᐅᓂᖏᓐᓄᑦ

ᐅᑯᓄᓐᖓ

ᓄᓇᕘᒥ ᐃᒡᓗᓕᕆᔨᖅᔪᐊᒃᑯᑦ

- ᐊᒻᒪ -

N9ox5 ᐃᒡᓗᓕᕆᔩᑦ ᓄᓇᓕᓐᓂ

ᑎᑎᖅᑲᐃᑦ ᐃᓗᓕᖏᑦ:

1. ᐊᖏᖃᑎᒌᒍᑎᒃ ᐊᐅᓚᑦᑎᓂᕐᒥᒃ ᐊᒻᒪ ᑲᔪᓯᑎᑦᑎᓂᕐᒥᒃ ᐃᓄᓕᒫᖅᓯᐅᑎᓄᑦ ᐃᒡᓗᓄᑦ ᐱᓇᓱᐊᒐᕐᓂᑦ

2. ᓇᓗᓇᐃᔭᐅᑦ ᐃ: ᐃᒡᓗᓂᑦ ᐃᑲᔫᑎᖃᖅᑎᑕᓂᑦ ᐊᑐᖅᑐᐊᖅᑕᐅᔪᓄᑦ ᐱᓇᓱᐊᒐᐃᑦ

3. ᓇᓗᓇᐃᔭᐅᑦ ᐅ: ᓄᓇᕘᑉ ᒐᕙᒪᒃᑯᖏᓐᓄᑦ ᐃᖅᑲᓇᐃᔭᖅᑎᓄᑦ ᐃᒡᓗᖃᖅᑎᑦᑎᓂᕐᒥᒃ ᐊᑐᐊᒐᖅ

4. ᐅᐃᒍᖓ 1: ᐱᖁᑎᑦ-ᐃᒡᓗᐃᑦ

5. ᐅᐃᒍᖓ 2: ᐱᖁᑎᑦ-ᓯᕐᓗᐊᑦ, ᓴᓇᕖᑦ ᐊᒻᒪᓗ/ᐃᒻᒪᖃᓗ ᑎᑎᕋᕐᕖᑦ

6. ᐅᐃᒍᖓ 3: ᑕᒪᐃᓐᓄᑦ ᑐᑭᑖᕈᑎᑦ

7. ᐅᐃᒍᖓ 4: ᐅᓂᒃᑳᓕᐅᖃᑦᑕᕆᐊᖃᕐᓂᖅ

ᐊᖏᖃᑎᒌᒍᑦ ᓄᓇᓕᓐᓂ ᐃᒡᓗᓕᕆᔨᒃᑯᑦ ᐱᓇᓱᐊᒐᖏᑕ ᐊᐅᓚᑕᐅᓂᖏᓐᓄᑦ ᐊᒻᒪ ᑲᔪᓯᑎᑕᐅᓂᖏᓐᓄᑦ

ᐅᓇ ᐊᖏᖃᑎᒌᒍᑦ (ᐊᖏᖃᑎᒌᒍᑎᓪᓚᑦᑖᖅ) ᐅᓪᓗᖃᖅᑎᑕᐅᕗᖅ      ᑕᖅᑭᖓ       , 2006

ᐅᑯᓄᓐᖓ:

ᓄᓇᕘᒥ ᐃᒡᓗᓕᕆᔨᖅᔪᐊᒃᑯᓐᓄᑦ

ᐱᓐᖑᖅᑎᑕᐅᓯᒪᔪᑦ

ᓄᓇᕘᒥ ᐃᒡᓗᓕᕆᔨᖅᔪᐊᒃᑯᓐᓂᑦ ᒪᓕᒐᐅᑉ ᐊᑖᑎᒍᑦ

(‘ᐃᒡᓗᓕᕆᔨᖅᔪᐊᒃᑯᑦ’)

- ᐊᒻᒪᓗ -

ᓇᓪᓕᐊᑦ ᐃᒡᓗᓕᕆᔩᑦ ᓄᓇᓕᓐᓂ

ᓴᓴᐃᔭᑎᓐᖑᖅᑎᑕᐅᓯᒪᔪᖅ ᓴᓴᐃᔭᑎᓄᑦ ᒪᓕᒐᖅᑎᒍᑦ ᓄᓇᕘᒥ

(‘ᑎᒥᐅᔪᖅ’)

1. ᐊᐅᓚᑦᑎᒍᓐᓇᐅᑎᑦ

ᓯᒃᓯᐊᓐ 32ᖓᓂ ᓄᓇᕘᒥ ᐃᒡᓗᓕᕆᔨ3Jᐊᒃᑯᓐᓂᑦ ᒪᓕᒐᐅᑉ ᐊᑖᓂ, ᐋᖅᑭᒋᐊᖅᑕᐅᓂᖃᕐᓂᖓᑎᒍᑦ, ᐃᒡᓗᓕᕆᔨᖅᔪᐊᒃᑯᑦ ᐊᖏᖃᑎᒌᓕᐅᕈᓐᓇᖅᐳᑦ ᑎᒥᐅᔪᒥᒃ ᐊᐅᓚᑦᑎᓂᐊᕐᓂᕐᒥᒃ ᐃᒡᓗᓂᑦ. ᓯᒃᓯᐊᓐ 46 ᐊᑖᓂ, ᒥᓂᔅᑕ ᑐᓂᓯᔪᓐᓇᖅᐳᖅ ᑎᒥᐅᔪᒥ ᐱᔪᓐᓇᕐᓂᐅᔪᓂᑦ, ᐊᐅᓚᓂᐅᔪᓂᑦ ᐊᒻᒪ ᐱᓕᕆᐊᒃᓴᓂᑦ ᐊᐅᓚᑦᑎᓂᕐᒥᒃ ᐊᒻᒪ ᑲᔪᓯᑎᑦᑎᓂᕐᒥᒃ ᐃᒡᓗᓂᑦ ᐊᖏᖃᑎᒌᒍᑎᐅᑉ ᐊᑖᑎᒍᑦ.

2. ᑐᓐᖓᕕᒋᔭᐃᔪᐃᑦ

ᑎᒥᐅᔪᖅ ᐊᖏᖅᐳᖅ ᐊᑐᐃᓐᓇᕈᐃᓂᐊᕐᓗᑎᑦ ᐃᒡᓗᓕᕆᔨᖅᔪᐊᒃᑯᑦ ᐃᒡᓗᓕᕆᔾᔪᑎᖏᓐᓂᑦ ᓄᓇᓕᓐᓂ ᓄᓇᖃᖅᑐᓄᑦ. ᑕᒪᒃᑯᐊᓗ ᐃᒡᓗᓕᕆᔾᔪᑎᑦ ᐅᑯᓂᓐᖓ ᑐᓐᖓᕕᖃᖅᐳᑦ:

ᐃ) ᐃᓄᓕᒫᖅᓯᐅᑎᓄᑦ ᐃᒡᓗᖃᖅᑎᑕᐅᔪᑦ ᐃᑲᔪᖅᑕᐅᔪᒃᓴᐅᕗᑦ ᐱᔭᕆᐊᖃᖅᑕᖏᑦ ᒪᓕᒃᑕᐅᓗᑎᑦ. ᐃᒡᓗᓕᕆᔨᖅᔪᐊᒃᑯᑦ ᒫᓐᓇ ᐱᒋᐊᖃᓪᓚᑦᑖᖅᑐᓄᑦ ᐋᖅᑭᒃᓯᒪᔭᖓᑦ ᓇᓗᓇᐃᔭᕈᑕᐅᓂᐊᖅᐳᖅ ᐃᒡᓗᒥᐅᖃᑎᒌᑦ ᐃᒡᓗᖃᖅᑎᑕᐅᓂᒃᑯᑦ ᐃᑲᔪᖅᑕᐅᔭᕆᐊᖃᕐᓂᖏᓐᓂᑦ.

ᐅ) ᐃᓄᓕᒫᖅᓯᐅᑎᓄᑦ ᐃᒡᓗᓄᑦ ᐃᑲᔫᑎᑦ ᓯᐊᒻᒪᑎᑕᐅᕙᓐᓂᐊᖅᐳᑦ ᐃᒡᓗᓕᕆᔾᔪᐊᒃᑯᑦ ᐃᒡᓗᖃᖅᑎᑕᐅᔪᓂᑦ ᓂᕈᐊᖃᑦᑕᕈᓯᖏᑦ ᑐᓐᖓᕕᒋᔭᐅᓗᑎᑦ ᑕᒪᐃᓐᓅᓕᖓᓂᖓ ᐊᒻᒪ ᐃᓄᓕᒫᓅᓕᖓᓂᖓ.

ᐊ) ᐃᒡᓗᓕᒫᑦ ᑲᒪᒋᔭᐅᓂᖃᖅᐸᓐᓂᐊᖅᐳᑦ ᐃᒡᓗᓂᑦ ᑲᒪᒋᔭᐅᔭᕆᐊᖃᕐᓂᕐᒧᑦ ᐋᖅᑭᒃᓯᒪᔪᑦ ᐊᖑᒻᒪᑎᒋᐊᖅᑕᐅᓗᑎᑦ ᓇᓗᓇᐃᖅᑕᐅᓯᒪᔪᑦ ᐃᒡᓗᓕᕆᔨᖅᔪᐊᒃᑯᑦ ᑲᒪᖃᑦᑕᓂᕐᒧᑦ ᐊᐅᓚᑦᑎᓂᕐᒥᒃ ᐊᓪᓚᑦᑕᐅᕝᕕᖓᓂ ᐆᒧᖓ ᐊᖏᖃᑎᒌᒍᒻᒧᑦ ᐃᓚᖃᓯᐅᔾᔭᐅᓯᒪᔪᖅ.

ᐱ) ᓄᓇᕗᑦ ᒐᕙᒪᒃᑯᑦ ᐃᖅᑲᓇᐃᔭᖅᑎᖏᓐᓄᑦ ᐃᒡᓗᐃᑦ ᓯᐊᒻᒪᑎᖅᑕᐅᔪᒃᓴᐅᕗᑦ ᐃᒡᓗᓕᕆᔨᖅᔪᐊᒃᑯᓐᓄᑦ ᒪᓕᓪᓗᑎᑦ ᓄᓇᕗᑦ ᒐᕙᒪᒃᑯᑦ ᐃᖅᑲᓇᐃᔭᖅᑎᓄᑦ ᐃᒡᓗᖃᖅᑎᑦᑎᓂᕐᒥᒃ ᐊᑐᐊᒐᖅ ᒪᓕᒃᑕᐅᓗᓂ, ᓇᓗᓇᐃᔭᐅᑦ ᐅ-ᒥ.

ᐳ) ᑮᓇᐅᔭᓕᒫᑦ ᓯᐊᒻᒪᑎᖅᑕᐅᔪᑦ ᐃᒡᓗᖃᖅᑎᑦᑎᓂᕐᒧᑦ ᐊᑐᖅᑕᐅᔪᒃᓴᐅᕗᑦ ᑭᓯᐊᓂ ᐃᒡᓗᓕᕆᔾᔪᑎᓄᑦ.

3. ᐅᓪᓗᖏᑦ ᐊᒻᒪ ᑲᔪᓯᒃᑲᓐᓂᖅᑎᑕᐅᓂᖓᓄᑦ ᐋᔩᖃᑎᒌᓐᓂᖅ

ᐃ) ᐅᓇ ᐊᖏᖃᑎᒌᒍᑦ ᐊᑐᓕᕐᓂᐊᖅᐳᖅ ᐊᑎᓕᐅᖅᑕᐅᑐᐊᖅᐸᑦ ᐊᒻᒪᓗ ᐱᒋᐊᕐᓗᓂ ᐄᐳᕈ 200X-ᒥ ᐃᓱᓕᓐᓂᖃᕐᓗᓂ ᓯᒃᓯᐊᓐ

12 ᒪᓕᒃᑕᐅᓗᓂ ᐊᖏᖃᑎᒌᒍᑎᒥ ᐅᕙᓂ. ᐊᖏᖃᑎᒌᒍᒻᒧᑦ, ᐊᕐᕌᒍᑕᒫᑦ ᓇᓪᓕᐅᓂᖅᓯᐅᕐᓂᖃᖅᐸᓐᓂᐊᖅᐳᖅ ᐅᓪᓗᖅ ᓯᕗᓪᓕᖅ ᑮᓇᐅᔭᓕᕆᓂᐅᑉ ᐊᕐᕌᒍᖓᓂ, ᐄᐳᕈ 1ᖑᕌᖓᑦ.

ᐅ) ᓇᓗᓇᐃᔭᐅᑎᑦ, ᐅᐃᒍᓯᒪᔪᐃᑦ ᐊᔾᔨᒌᓐᖏᑦᑐᓪᓗ ᑎᑎᖅᑲᐃᑦ ᓇᓗᓇᐃᖅᑕᐅᔪᑦ ᑕᕝᕙᓂ ᐊᖏᖃᑎᒌᒍᒻᒥ ᐋᖅᑭᒋᐊᖅᑕᐅᔪᓐᓇᖅᐳᑦ ᖃᑯᑎᒃᑯᑦ ᐃᒡᓗᓕᕆᔨᖅᔪᐊᒃᑯᓐᓄᑦ. ᐃᒡᓗᓕᕆᔨᖅᔪᐊᒃᑯᑦ ᑐᓂᓯᕙᓐᓂᐊᖅᐳᑦ ᑎᒥᐅᔪᒧᑦ ᐊᓯᔾᔨᖅᑕᐅᔪᑦ ᓇᓕᖅᑲᖏᓐᓂᑦ.

ᐊ) ᐅᓇ ᐊᖏᖃᑎᒌᒍᑦ ᐋᖅᑭᒋᐊᖅᑕᐅᔪᓐᓇᖅᐳᖅ ᐊᓯᔾᔨᖅᑕᐅᓗᓂᓘᓐᓃᑦ, ᐱᓇᒍ ᓇᓗᓇᐃᖅᓯᒪᓂᖓᑎᒍᑦ 3(ᐅ)-ᒥ ᐊᖏᖃᑎᒌᖑᓕᐊᖑᒃᑲᓐᓂᖅᑐᑎᒋᑦ, ᑎᑎᕋᖅᑕᐅᓯᒪᔪᒃᑯᑦ ᐊᑎᓕᐅᖅᑕᐅᓯᒪᔪᒥᒃ ᑕᒪᒡr` ᓐᓄᑦ ᐊᖏᖃᑎᒌᓕᐅᖅᑐᓄᑦ.

4. ᐱᓕᕆᐊᒃᓴᐃᑦ ᐱᔭᕆᐊᖃᖅᑐᐃᓪᓗ

ᐃ) ᑎᒥᐅᔪᖅ ᐊᖏᖅᐳᖅ ᐃᒪᓐᓇᒃ:

(I) ᐃᒡᓗᓕᕆᔾᔪᑎᖃᖅᑎᑦᑎᓂᕐᒥᒃ ᐊᖓᖃᑎᒌᒍᑦ ᐅᓇ ᒪᓕᓪᓗᒍ, ᓇᓗᓇᐃᔭᐅᑎᖏᓪᓗ ᐅᐃᒍᖏᓪᓗ ᐊᓯᖏᓪᓗ ᖃᓄᐃᖁᔭᐅᓯᒪᑐᐃᓐᓇᕆᐊᓖᒃ ᐃᒡᓗᓕᕆᔨᖅᔪᐊᒃᑯᓐᓄᑦ;

(II) ᐃᒡᓗᓕᕆᔨᖅᔪᐊᒃᑯᓐᓂᑦ ᐃᑲᔪᕐᓗᑎᑦ ᐱᔪᓐᓇᕐᓂᑎᒍᑦ, ᓇᒻᒥᓂᖅ ᐃᒡᓗᖃᖅᑎᑦᑎᒍᑎᓂᑦ ᓄᓇᓕᖓᓐᓂ;

(III) ᐃᒡᓗᓕᕆᔨᖅᔪᐊᒃᑯᑦ ᐃᓱᒪᓕᐅᕈᑎᒃᓴᓂᑦ ᐅᖃᐅᓯᒃᓴᓂᓪᓗ ᑐᓂᓯᖃᑦᑕᖁᓪᓗᒋᑦ ᓄᓇᓕᓐᓂᒃ ᓄᓇᖃᖅᑐᖁᑎᖏᓐᓂᓪᓗ ᐃᒡᓗᓕᕆᔾᔪᑕᐅᔪᓄᐊᖓᔪᓂᑦ ᑎᒥᐅᔪᒥᒃ ᐊᒻᒪ ᐃᒡᓗᓕᕆᔨᖅᔪᐊᒃᑯᓐᓂᑦ;

(IV) ᓇᓗᓇᕈᓐᓃᖅᑎᑕᐅᖁᓪᓗᒍ ᐃᒡᓗᖃᖅᑎᑕᐅᔪᓄᐊᖓᔪᓕᒫᑦ ᐊᒻᒪ ᐃᒡᓗᓕᕆᔨᖅᔪᐊᒃᑯᓐᓄᐊᖓᔪᓕᒫᑦ ᒪᓕᖁᓪᓗᒋᑦ ᐊᑐᐃᓐᓇᖃᕐᓂᕐᒧᑦ ᑐᓴᒐᒃᓴᓂᑦ ᐊᒻᒪ ᓴᐳᔾᔨᓂᕐᒥᒃ ᓇᒻᒥᓂᕆᔭᐅᔪᓂᑦ ᒪᓕᒐᕐᒥᒃ ᐊᒻᒪᓗ ᐋᖅᑭᒋᐊᕈᑎᖏᓐᓂᑦ ᑭᖑᓂᐊᒍᑦ ᒪᓕᒐᓐᖑᖅᑎᑕᐅᔪᓪᓘᓐᓃᑦ ᑭᖑᕝᕖᑎᑕᐅᔪᑦ;

(V) ᒪᓕᒐᑎᒍᑦ ᓴᓴᐃᔭᑎᐅᔾᔪᑎᖓᑦ ᒪᑭᒪᐃᓐᓇᑦᑎᐊᖏᓐᓇᖁᓪᓗᒍ. ᐅ) ᐃᒡᓗᓕᕆᔨᖅᔪᐊᒃᑯᑦ ᐊᖏᖅᐳᖅ ᐃᒪᓐᓇᒃ:

(I) ᑎᒥᐅᔪᒥᒃ ᐊᐅᓚᒍᑎᒃᓴᓂᑦ ᑲᒪᓂᕐᒧᓪᓗ ᑮᓇᐅᔭᖃᖅᑎᑕᐅᖁᓪᓗᒋᑦ ᒪᓕᓪᓗᑎᑦ ᐃᒡᓗᓕᕆᔨᖅᔪᐊᒃᑯᑦ ᓄᓇᓕᓐᓂ ᐃᒡᓗᓕᕆᔨᓂᑦ ᑮᓇᐅᔭᖃᖅᑎᑦᑎᓂᕐᒧᑦ ᓈᓴᐅᓯᖅᓱᖅᑕᐅᒍᓯᖓᑦ;

(II) ᑎᒥᐅᔪᖅ ᐱᓕᒻᒪᖅᓴᐃᓂᕐᒧᑦ ᐊᒻᒪ ᐃᑲᔪᖅᑕᐅᓂᕐᒧᑦ ᐱᕕᒃᓴᖃᖅᑎᑕᐅᖁᓪᓗᒋᑦ;

(III) ᐃᒡᓗᖃᖅᑎᑕᐅᔪᓄᑦ ᑐᓴᒐᒃᓴᐃᑦ ᐱᔭᐅᔪᑦ ᑎᒥᐅᔪᒥᒃ ᒪᓕᒋᐊᖃᖅᑎᑕᐅᓗᑎᑦ ᐊᑐᐃᓐᓇᖃᕐᓂᕐᒧᑦ ᑐᓴᒐᒃᓴᓂᑦ ᐊᒻᒪ ᓴᐳᔾᔨᓂᕐᒥᒃ ᓇᒻᒥᓂᕆᔭᐅᔪᓂᑦ ᒪᓕᒐᕐᒥᒃ ᐊᒻᒪᓗ ᐋᖅᑭᒋᐊᕈᑎᖏᓐᓂᑦ ᑭᖑᓂᐊᒍᑦ ᒪᓕᒐᓐᖑᖅᑎᑕᐅᔪᓪᓘᓐᓃᑦ ᑭᖑᕝᕖᑎᑕᐅᔪᑦ.

5. ᑕᒪᐃᓐᓅᓕᖓᔪᑎᒍᑦ ᑮᓇᐅᔭᓂᑦ ᐅᓂᒃᑳᓕᐅᖃᑦᑕᕐᓂᖅ

ᐃ) ᑎᒥᐅᔪᖅ ᐊᓪᓚᒃᓯᒪᔪᖁᑎᖃᖅᑐᒃᓴᐅᕗᖅ ᓇᓗᓇᐃᔭᕐᕕᓐᓂᓪᓗ ᑮᓇᐅᔭᓂᑦ ᒪᑯᓂᓐᖓᓕᒫᖅ ᑮᓇᐅᔭᑎᒍᑦ ᐊᑐᖅᑕᐅᔪᓂᑦ ᐊᖏᖃᑎᒌᒍᒻᒧᑦ ᐅᕗᖓ ᑐᕌᖓᔪᓂᑦ.

ᐅ) ᑎᒥᐅᔪᖅ ᖃᖓᓕᒫᒃᑯᑦ ᒪᓕᒃᑐᒃᓴᐅᕗᑦ ᑕᒪᐃᓐᓅᓕᖓᔪᓂᑦ ᑮᓇᐅᔭᓕᕆᔾᔪᓯᕐᓂᑦ ᐋᖅᑭᓱᖅᑕᐅᓯᒪᔪᓂᓪᓗ.

ᐅ) ᐃᒡᓗᓕᕆᔨᖅᔪᐊᒃᑯᑦ ᕿᒥᕐᕈᒋᐊᖅᑐᕈᓐᓇᖅᐳᑦ ᑮᓇᐅᔭᓂᑦ ᐊᓪᓚᑦᑕᐅᓯᒪᔪᓕᒫᓂᑦ ᐊᖏᖃᑎᒌᒍᒻᒧᑦ ᐆᒧᖓ ᑐᕌᖓᔪᓂᑦ ᖃᐅᔨᒃᑲᐃᓂᖃᓚᐅᕐᓗᑎᑦ ᐃᑲᕐᕋᓂᑦ 24ᓂᑦ ᓯᕗᓂᐊᒍᑦ ᑎᒥᐅᔫᑉ ᐊᖓᔪᖅᑳᖓᓐᓂᒃ.

ᐱ) ᑎᒥᐅᔪᖅ ᐅᓂᒃᑳᓂᑦ ᑐᓂᓯᔪᒃᓴᐅᕗᖅ ᓇᓗᓇᐃᖅᑕᐅᓯᒪᔪᓂᑦ ᐅᐃᒍᖅ 4ᒥ ᐃᒡᓗᓕᕆᔨᖅᔪᐊᒃᑯᓐᓄᑦ ᐱᕕᒃᓴᓂᑦ ᐋᖅᑭᒃᑕᐅᓯᒪᔪᓂᑦ ᐅᐃᒍᖅ 4ᒥ ᐆᒧᖓ ᐊᖏᖃᑎᒌᒍᑎᒦᑦᑐᒥ.

ᐅ) ᑎᒥᐅᔪᖅ ᑐᓂᓯᔪᒃᓴᐅᕗᖅ ᐃᒡᓗᓕᕆᔨᖅᔪᐊᒃᑯᓐᓄᑦ ᑎᑎᕋᕆᐊᓐᖓᖅᑕᓂᑦ ᖃᐅᔨᓴᖅᑕᐅᓯᒪᔪᓂᑦ ᑮᓇᐅᔭᐃᑦ ᐅᓂᒃᑳᖏᓐᓂᑦ ᑎᒥᐅᑉ ᓯᓚᑖᓂᒃ ᖃᐅᔨᓴᖅᑎᒧᑦ ᐊᖏᖅᑕᐅᓯᒪᔪᒧᑦ ᐃᒡᓗᓕᕆᔨᖅᔪᐊᒃᑯᓐᓄᑦ ᓴᓇᓐᓇᐅᔫᑉ ᓯᕗᓪᓕᖅᐹᖓ ᑎᑭᑉᐸᑦ ᔫᓂ 7 ᑭᖑᓂᐊᓂ ᐊᕐᕌᒍᑕᒫᑦ ᐊᒻᒪᓗ ᐊᖏᖅᑕᐅᓯᒪᔪᓂᑦ ᖃᐅᔨᓴᖅᑕᐅᓯᒪᔪᓂᓪᓗ ᑮᓇᐅᔭᐃᑦ ᐅᓂᒃᑳᖏᓐᓂᑦ ᑭᖑᕙᕐᓂᖃᓐᖏᑦᑐᓂᑦ ᐅᓪᓗᐃᑦ 120 ᐅᖓᑖᓂ ᐄᐳᕈ 1ᒥᓂᒃ. ᖃᐅᔨᓴᖅᑕᐅᔪᑦ ᐱᔭᐅᔭᕆᐊᖃᖅᐳᑦ ᒪᓕᓪᓗᒋᑦ ᐃᒡᓗᓕᕆᔨᖅᔪᐊᒃᑯᑦ ᑐᑭᑖᕈᑎᖏᑦ ᖃᐅᔨᓴᐃᓂᕐᒥᒃ ᐃᓄᓕᒫᓄᑦ ᐃᒡᓗᓕᕆᔨᐅᔪᓂᑦ [ᐅᐃᒍᖅ 3] ᐊᓯᖏᓪᓘᓐᓃᑦ ᑐᑭᑖᕈᑎᓕᐊᖑᓯᒪᔪᑦ ᐊᖏᖅᑕᐅᓯᒪᔪᑦ, ᓯᕗᓂᐊᓂ, ᑮᓇᐅᔭᓂᑦ ᐊᐅᓚᑦᑎᔨᒻᒪᕆᐅᔪᒧᑦ ᐃᒡᓗᓕᕆᔨᖅᔪᐊᒃᑯᓐᓄᑦ.

6. ᒪᓕᒐᐃᑦ, ᐊᑐᐊᒐᐃᑦ ᐊᒻᒪ ᐊᖏᖃᑎᒌᒍᑕᐅᓯᒪᔪᑦ

ᑎᒥᐅᔪᖅ ᒪᓕᒋᐊᖃᖅᐳᖅ ᑲᓇᑕᓕᒫᒥ ᐊᒻᒪ ᓄᓇᕘᒥ ᒐᕙᒪᑎᒃᑯᑦ ᒪᓕᒐᓕᐊᖑᓯᒪᔪᓂᑦ ᐊᒻᒪ ᐊᑐᐊᒐᓕᐊᖑᓯᒪᔪᓂᑦ.

7. ᐃᖅᑲᓇᐃᔭᖅᑎᓂᑦ ᐊᐅᓚᑦᑎᓂᖅ

ᐃ) ᑎᒥᐅᔪᖅ ᓇᓗᓇᐃᖅᓯᒍᓐᓇᖅᐳᖅ ᐃᖅᑲᓇᐃᔭᖅᑎᖏᑕ ᐃᖅᑲᓇᐃᔭᕐᓂᕆᔭᖏᓐᓂᑦ ᐊᖏᖃᑎᒌᑎᒍᑦ ᐋᔩᖃᑎᖃᓚᐅᖅᑎᓪᓗᒋᑦ ᑭᒡᒐᖅᑐᐃᔨᖏᓐᓂᑦ (ᐃᖅᑲᓇᐃᔭᖅᑎᓄᑦ ᑲᑐᔾᔨᖃᑎᒌᑦ).

ᐅ) ᐃᖅᑲᓇᐃᔭᖅᑎᓂᑦ ᐊᖏᖃᑎᒌᒍᑎᒃ ᑎᒥᐅᔪᒧᑦ ᐊᖏᕈᑕᐅᔪᖅ ᖄᖏᐅᑎᔭᕆᐊᖃᓐᖏᓚᖅ ᑮᓇᐅᔭᖅᑖᕆᕙᒃᑕᖏᓐᓂᑦ ᐃᒡᓗᓕᕆᔨᖅᔪᐊᒃᑯᑦ ᓄᓇᓕᓐᓂ ᐃᒡᓗᓕᕆᔨᒃᑯᓐᓄᑦ ᑮᓇᐅᔭᖃᖅᑎᑦᑎᓂᕐᒥᒃ ᓈᓴᐅᓯᖅᓱᖅᑕᐅᓂᖓᑎᒍᑦ.

ᐊ) ᑎᒥᐅᔪᖅ ᐊᖏᖅᐳᖅ ᐃᖅᑲᓇᐃᔭᖅᑎᒥᓂᑦ ᐱᓕᕆᓂᐊᕐᓗᑎᑦ ᐃᒡᓗᓕᕆᔨᖅᔪᐊᒃᑯᑦ ᐊᓪᓚᒃᓯᒪᔪᖁᑎᖓ ᒪᓕᓪᓗᒍ ᓄᓇᓕᓐᓂ ᐃᒡᓗᓕᕆᔨᒃᑯᓐᓄᑦ ᐃᖅᑲᓇᐃᔭᖅᑎᓄᑦ [ᐅᐃᒍᖅ 3] ᐱᓇᒍ ᐃᖅᑲᓇᐃᔭᖅᑎᓄᑦ ᐊᓪᓚᒃᓯᒪᔪᖅ ᖄᖅᑕᐅᔪᒥᓂᐅᑉᐸᑦ

ᐃᖅᑲᓇᐃᔭᖅᑎᓄᑦ ᐊᖏᖃᑎᒌᒍᑎᒧᑦ.

ᐅ) ᐃᒡᓗᓕᕆᔨᖅᔪᐊᒃᑯᑦ ᑲᒪᔭᕆᐊᖃᖅᐳᑦ ᓄᓇᓕᓐᓂ ᐃᒡᓗᓕᕆᔨᒃᑯᑦ ᐃᖅᑲᓇᐃᔭᖅᑎᓄᑦ ᐊᓪᓚᒃᓯᒪᔪᒥᒃ ᐊᒻᒪᓗ, ᖃᑯᑎᒃᑯᑦ, ᐋᖅᑭᒋᐊᕐᓗᒍ. ᐃᒡᓗᓕᕆᔨᖅᔪᐊᒃᑯᑦ ᑎᒥᐅᔪᒥᒃ ᑐᓂᓯᓂᐊᖅᐳᑦ ᐊᓯᔾᔨᖅᑕᐅᔪᑦ ᓇᓕᖅᑲᖏᓐᓂᑦ.

8. ᓂᐅᕕᖃᑦᑕᕐᓂᖅ

ᐱᔨᑦᑎᕋᐅᑎᓄᑦ ᐊᑐᖅᑐᓄᓪᓗ ᐊᑭᓕᐅᑕᐅᔪᑦᔪᑦ ᑎᒥᐅᔪᒧᑦ ᒪᓕᒋᐊᖃᖅᐳᑦ ᓄᓇᕗᑦ ᒐᕙᒪᒃᑯᑦ ᑳᓐᑐᕌᒃᑎᑦᑎᓂᕐᒧᑦ ᐃᓕᖅᑯᓯᖏᓐᓄᑦ ᐊᑐᐊᒐᖓᓂᒃ ᐊᒻᒪ ᓄᓇᕗᑦ ᒐᕙᒪᒃᑯᑦ ᓄᓇᕘᒥ ᓇᖕᒥᓂᖃᖅᑐᓂᒃ ᐃᑲᔫᑎ [ᐅᐃᒍᖅ 3], ᐋᖅᑭᒋᐊᖅᑕᐅᕙᓐᓂᖏᑦ ᖃᑯᑎᒃᑯᑦ ᒪᓕᓪᓗᒋᑦ.

9. ᓇᓪᓕᐅᒃᑯᒫᖃᕐᓂᖅ

ᐃ) ᐃᒡᓗᓕᕆᔨᖅᔪᐊᒃᑯᑦ ᑎᒥᐅᔪᒥᒃ ᓇᓪᓕᐅᒃᑯᒫᖃᓯᐅᔾᔭᐅᑎᑦᑎᓂᐊᖅᐳᑦ ᓄᓇᕗᑦ ᒐᕙᒪᒃᑯᑦ ᓇᓪᓕᐅᒃᑯᒫᖓᓂ ᐊᒻᒪᓗ ᐱᖁᑎᓄᑦ ᓇᓪᓕᐅᒃᑯᒫᖓᓂ.

ᐅ) ᐃᒡᓗᓕᕆᔨᖅᔪᐊᒃᑯᑦ ᖃᕆᓴᐅᔭᒃᑯᑦ ᐊᓪᓚᑦᑕᐅᓯᒪᑎᑦᑎᓂᐊᖅᐳᑦ ᓄᓇᒃᑰᔫᓂᑦ ᐋᑐᖅᑕᐅᔪᓂᑦ ᑎᒥᐅᔪᒧᑦ ᐊᒻᒪᓗ ᓇᓪᓕᐅᒃᑯᒫᖃᖅᑎᑦᑎᓗᑎᑦ ᑕᒪᒃᑯᓄᓐᖓ ᓄᓇᒃᑰᔫᓄᑦ.

ᐊ) ᑎᒥᐅᔪᖅ ᐃᖅᑲᓇᐃᔭᖅᑎᓄᑦ ᐋᓐᓂᖅᑐᓕᕆᓂᕐᒧᑦ ᓇᓪᓕᐅᒃᑯᒫᖃᖅᑎᑦᑎᓂᐊᖅᐳᑦ ᐃᖅᑲᓇᐃᔭᖅᑎᓕᒫᖏᓐᓄᑦ ᐱᔭᕆᐊᖃᖅᑎᑕᐅᔪᑦ ᓄᓇᕘᒥ ᒪᓕᓪᓗᒋᑦ.

ᐱ) ᑎᒥᐅᔪᖅ ᑐᓂᓯᕙᓐᓂᐊᖅᐳᖅ ᓇᓗᓇᐃᔭᐅᑎᓂᑦ ᓇᓪᓕᐅᒃᑯᒫᖃᕐᓂᕐᒥᒃ ᐃᒡᓗᓕᕆᔨᖅᔪᐊᒃᑯᓐᓄᑦ ᑐᒃᓯᕋᐅᑕᐅᒑᖓᑕ ᐊᒻᒪ ᓇᓪᓕᐅᒃᑯᒫᖃᑦᑎᐊᖏᓐᓇᕐᓗᑎᑦ ᖃᖓᓕᒫᒃᑯᑦ.

ᐳ) ᑎᒥᐅᔪᖅ ᖃᖓᓕᒫᒃᑯᑦ ᒪᓕᒃᑐᒃᓴᐅᕗᑦ ᑕᒪᐃᓐᓅᓕᖓᔪᓂᑦ ᑮᓇᐅᔭᓕᕆᔾᔪᓯᕐᓂᑦ ᐋᖅᑭᓱᖅᑕᐅᓯᒪᔪᓂᓪᓗ.

10. ᑎᒥᐅᔪᒥᒃ ᖃᐅᔨᓴᐃᓂᖅ

ᐃ) ᐃᒡᓗᓕᕆᔨᖅᔪᐊᒃᑯᑦ ᖃᐅᔨᓴᖃᑦᑕᕐᓂᐊᖅᐳᑦ ᑎᒥᐅᔪᒥᒃ ᐊᕐᕌᒎᒃ ᒪᕐᕉᒃ ᐊᓂᒍ`Czt4 ᓇᐅᒃᑯᓘᓐᓃᑦ ᐱᔭᕆᐊᖃᕌᖓᑦ.

ᐅ) ᑎᒥᐅᔫᑉ ᐊᐅᓚᓂᖏᑦ ᖃᐅᔨᓴᖅᑕᐅᕙᓐᓂᐊᖅᐳᑦ ᒪᓕᑦᑎᐊᕋᓗᐊᕐᒪᖔᑕ ᐱᔭᕆᐊᖃᖅᑐᓂᑦ ᐱᕕᖃᖅᑎᑕᐅᔪᓂᓪᓗ ᑕᕝᕘᓇ ᐊᖏᖃᑎᒌᑎᒍᑦ ᐊᒻᒪᓗ ᐅᑯᓇᓂ:

(I) ᐃᒡᓗᖃᖅᑎᑕᐅᔪᓕᕆᓂᕐᒥ

(II) ᑮᓇᐅᔭᓕᕆᓂᕐᒥ

(III) ᐃᓛᒃᑰᖓᔪᖅᓯᐅᑎᓂᑦ

(IV) ᑎᑎᕋᕐᕕᓕᕆᓂᕐᒥ

(V) ᐊᐅᓚᑦᑎᓂᕐᒥ

ᐅ) ᐃᒡᓗᓕᕆᔨ3Jxᒃᑯᑦ ᑐᓂᓯᕙᓐᓂᐊᖅᐳᑦ ᑎᒥᐅᔪᒧᑦ ᖃᐅᔨᓴᕐᓂᖓᑕ ᓇᓕᖅᑲᖓᓂᒃ ᐊᒻᒪ ᑲᑎᖃᑎᖃᕐᓗᑎᑦ ᑎᒥᐅᔪᒥᒃ ᐅᖃᖃᑎᖃᕐᓗᑎᑦ ᐃᒡᓗᓕᕆᔨᖅᔪᐊᒃᑯ ᐊᑐᓕᖁᔭᖏᓐᓂᑦ.

11. ᐱᖁᑎᓂᑦ ᐱᖃᕐᓂᕋᐃᓂᖅ

ᐃ) ᐱᖁᑎᓕᒫᑦ ᐅᐃᒍᖅ 1-ᒥᑦᑐᑦ, ᖃᑯᑎᒃᑯᑦ ᐋᖅᑭᒋᐊᖅᑕᐅᓂᖓᑎᒍᑦ, ᐱᒋᔭᐅᖏᓐᓇᕐᓂᐊᖅᐳᑦ ᐃᒡᓗᓕᕆᔨᖅᔪᐊᒃᑯᓐᓄᑦ ᐊᒻᒪᓗ ᑯᐃᓐ ᐃᓕᓴᐱᒧᑦ ᒪᓕᓪᓗᒍ ᓯᒃᓯᐊᓐ 9(3) ᓄᓇᕘᒥ ᐃᒡᓗᓕᕆᔨᖅᔪᐊᒃᑯᓐᓄᑦ ᒪᓕᒐᖅ.

ᐅ) ᐱᓕᕆᐊᒃᓴᓕᕆᓂᖅ ᐃᓱᓕᓐᓂᕈᓂ, ᐱᖁᑎᓕᒫᑦ ᐊᑐᖅᑐᒃᓴᐃᓪᓗ ᐊᒥᐊᒃᑯᔪᐃᑦ ᐱᓕᕆᐊᒃᓴᑎᒍᑦ ᐱᔭᐅᔪᒥᓂᕐᓂᑦ ᐅᑎᖅᑎᑕᐅᔪᒃᓴᐅᕗᑦ ᐃᒡᓗᓕᕆᔨᖅᔪᐊᒃᑯᓐᓄᑦ.

12. ᓄᖅᑲᑎᑦᑎᓂᖅ ᐊᒻᒪ ᖃᐅᔨᓴᖅᑕᐅᓂᖃᕐᓂᖅ

ᐃ) ᓇᓕq4 ᐊᑎᓕᐅᖃᑕᐅᔫᒃ ᓄᖅᑲᖅᑎᑦᑎᔪᓐᓇᖅᐳᑦ ᐆᒥᖓ ᐊᖏᕈᑎᒥᒃ ᖃᖓᑐᐃᓐᓇᒃᑯᑦ, ᐱᔾᔪᑎᖃᓐᖏᓪᓗᑎᑦ, ᖃᐅᔨᒃᑲᐃᓂᖃᓚᐅᕐᓗᑎᑦ ᑕᖅᑭᓂᑦ ᐱᖓᓱᓂᒃ ᓯᕕᑭᓛᒥᒃ ᐊᐃᑉᐹᓄᑦ ᐊᑎᓕᐅᖃᑕᐅᓯᒪᔪᒧᑦ.

ᐅ) ᑎᒥᐅᔪᖅ ᖃᖓᓕᒫᒃᑯᑦ ᒪᓕᒃᑐᒃᓴᐅᕗᑦ ᑕᒪᐃᓐᓅᓕᖓᔪᓂᑦ ᑮᓇᐅᔭᓕᕆᔾᔪᓯᕐᓂᑦ ᐋᖅᑭᓱᖅᑕᐅᓯᒪᔪᓂᓪᓗ.

(I) ᐊᐅᓚᑦᑎᔨᒥᒃ ᑎᒃᑯᐊᖅᑕᐅᔪᖃᓕᕋᔭᖅᐳᖅ ᒥᓂᔅᑕᒧᑦ ᑲᒪᒋᔭᓕᒻᒧᑦ ᐃᒡᓗᓕᕆᔨᖅᔪᐊᒃᑯᓐᓂᑦ ᑎᒥᐅᔪᒧᑦ ᐱᓕᕆᐊᒃᓴᐅᓚᐅᖅᑐᓂᑦ ᑲᒪᒋᔭᐅᓚᐅᖅᑐᓂᓪᓗ ᑎᒍᓯᓂᐊᖅᑐᒥᒃ.

ᐅ) ᒥᓂᔅᑕ ᑲᒪᒋᔭᓕᒃ ᐃᒡᓗᓕᕆᔨᖅᔪᐊᒃᑯᓐᓂᑦ ᐃᓱᒪᖃᕈᓂ ᑎᒥᐅᔪᖅ ᐱᓐᖏᓗᐊᕐᓂᖓᓂᒃ ᐃᒡᓗᓕᕆᓂᕐᒥᒃ ᑕᒪᑐᒨᓇ ᐊᖏᖃᑎᒌᑎᒍᑦ ᒥᓂᔅᑕ ᑎᓕᐅᕆᔪᓐᓇᖅᐳᖅ ᐃᒡᓗᓕᕆᔨᖅᔪᐊᒃᑯᓐᓂᑦ ᐃᒪᓐᓇᒃ:

(I) ᐅᓇ ᐊᖏᖃᑎᒌᒍᑦ ᓄᖅᑲᖅᑎᑕᐅᖁᓪᓗᒍ ᖃᐅᔨᒃᑲᐃᖏᓪᓗᑎᑦ ᐊᒻᒪᓗ ᐊᐅᓚᑦᑎᔨᒥᒃ ᑎᒃᑯᐊᖅᓯᓗᑎᑦ ᑎᒥᐅᔪᒧᑦ ᐱᓕᕆᐊᒃᓴᐅᓚᐅᖅᑐᓂᑦ ᑲᒪᒋᔭᐅᓚᐅᖅᑐᓂᓪᓗ ᑎᒍᓯᓂᐊᖅᑐᒥᒃ; ᐅᕝᕙᓘᓐᓃᑦ

(II) ᖃᐅᔨᒃᑲᐃᓗᓂ ᑎᒥᐅᔪᒧᑦ ᖃᐅᔨᓴᖅᑕᐅᓯᒪᓂᐊᕐᓂᖓᓂᒃ ᐱᕕᒃᓴᒥᒃ ᓇᓗᓇᐃᖅᑕᐅᔪᒥᒃ, ᑕᐃᒃᓱᒪᐅᓪᓗ ᐃᓗᐊᓂ ᑎᒥᐅᔪᖅ ᖃᓄᖅᑑᕆᐊᖃᕋᔭᖅᑐᓂ ᒥᓂᔅᑕᐅᑉ ᓈᒻᒪᒋᔭᖓᓄᑦ, ᐃᓗᐊᓐᖏᓕᐅᕈᑎᓂᑦ ᓇᓗᓇᐃᖅᑕᐅᓯᒪᔪᓂᒃ ᒥᓂᔅᑕᒧᑦ, ᐊᖏᖃᑎᒌᒍᑕᐅᒃᑲᓂᖅᑐᓂᓗ ᐃᒪᓐᓇᒃ:

1. ᖃᐅᔨᓴᖅᑕᐅᓂᕐᒥ ᐃᒡᓗᓕᕆᔨᖅᔪᐊᒃᑯᑦ ᐊᒻᒪ ᑎᒥᐅᔪᖅ ᑲᔪᓰᓐᓇᕐᓂᐊᖅᐳᑦ ᐊᖏᖃᑎᒌᒍᑎᒥᒃ;

2. ᐃᒡᓗᓕᕆᔨᖅᔪᐊᒃᑯᑦ ᑎᓕᐅᕆᓂᐊᖅᐳᑦ ᑎᒥᐅᔪᒥᒃ ᐃᓗᐊᓐᖏᓕᐅᕈᑕᐅᔪᑦ ᐋᖅᑭᑦᑕᐅᓂᒃᓴᖏᓐᓄᑦ ᓇᓗᓇᐃᖅᑕᐅᓯᒪᔪᓂᑦ ᒥᓂᔅᑕᒧᑦ;

3. ᖃᐅᔨᓴᖅᑕᐅᓂᕐᒥᓗ, ᒥᓂᔅᑕ ᐱᔭᕆᐊᖃᕋᓱᒋᒍᓂᐅᒃ ᓄᖅᑲᖅᑎᑦᑎᔪᓐᓇᖅᐳᖅ ᐊᖏᖃᑎᒌᒍᒻᒥᒃ ᖃᐅᔨᒃᑲᐃᖏᓪᓗᓂ;

4. ᖃᐅᔨᓴᕐᓂᐅᑉ ᐃᓱᐊᓂ ᑎᒥᐅᔪᖅ ᐋᖅᑭᒋᐊᕆᓯᒪᓐᖏᒃᑯᑎᑦ ᐃᓗᐊᓐᖏᓕᐅᕈᑕᐅᔪᓂᑦ ᓈᒻᒪᒋᔭᒥᒃ ᒥᓂᔅᑕᒧᑦ, ᖃᐅᔨᓴᖅᑕᐅᓂᖓ ᐃᓚᒋᐊᖅᑕᐅᔪᓐᓇᖅᐳᖅ ᐅᕝᕙᓘᓐᓃᑦ ᐊᖏᖃᑎᒌᒍᑦ ᓄᖅᑲᖅᑎᑕᐅᓗᓂ ᐊᒻᒪ ᐊᐅᓚᑦᑎᔨᒥᒃ ᑎᒃᑯᐊᖅᑕᐅᔪᖃᓕᕐᓗᓂ.

13. ᓄᖅᑲᖓᑎᑦᑎᓂᖅ

ᐃ) ᐊᖏᖃᑎᒌᒍᑦ ᐅᓄᓇ ᓄᖅᑲᖓᑲᐃᓐᓇᖅᑎᑕᐅᔪᓐᓇᖅᐳᖅ ᐊᒻᒪ ᐊᐅᓚᑦᑎᔨᒥᒃ ᑎᒃᑯᐊᖅᑕᐅᔪᖃᕐᓗᓂ ᑎᒍᓯᖓᔭᖅᑐᒥᒃ ᑲᒪᒋᔭᐅᔭᕆᐊᖃᖅᑎᑕᐅᔪᓂᑦ ᐊᖏᖃᑎᒌᒍᑎᑎᒍᑦ, ᓇᓗᓇᐃᔭᐅᑎᖏᑎᒍᑦ ᐊᒻᒪ ᐅᐃᒍᖏᑎᒍᑦ, ᐊᑕᖏᕐᓗᒋᑦ ᐃᓚᖓᒍᓪᓘᓐᓃᑦ, ᖃᐅᔨᒃᑲᐃᖏᓪᓗᑎᑦ ᐃᒡᓗᓕᕆᔨᖅᔪᐊᒃᑯ ᐊᒻᒪ ᒥᓂᔅᑕ ᐃᓱᒪᖃᖅᐸᑕ ᓱᕋᒃᑕᐅᔪᖃᓗᐊᖅᑐᒥᓂᐅᓂᖓᓂᑦ ᐊᖏᖃᑎᒌᒍᑎᒃ, ᐊᖏᖃᑎᒌᒍᑎᐅᑉ ᓇᓗᓇᐃᔭᐅᑎᖏᓐᓂᑦ ᐅᐃᒍᖏᓐᓂᓪᓘᓐᓃᑦ.

ᐅ) ᐊᖏᖃᑎᒌᒍᑎᒧᑦ hᕋᒃᑕᐅᔪᖃᓗᐊᕋᔭᖅᐳᖅ ᐅᑯᐊ ᐱᖃᓯᐅᔾᔭᐅᓗᑎᑦ:

(I) ᑮᓇᐅᔭᐃᑦ ᐊᐅᓚᑕᐅᓂᖏᓐᓂᑦ ᐱᖃᑕᐅᓗᑎᑦ ᓴᓪᓗᓂᒃᑯᑦ, ᑎᓪᓕᓂᒃᑯᑦ ᐊᑐᕐᓂᕐᓗᓐᓂᒃᑯᓪᓘᓐᓃᑦ ᑮᓇᐅᔭᓂᑦ ᐱᖃᓯᐅᔾᔭᐅᓗᓂ ᑕᐃᒫᒍᓐᖏᑦᑐᖅ ᐊᒡᒍᑐᖅᑕᐅᓂᖏᓐᓂᑦ;

(II) ᐃᓚᐃᓐᓈᕐᓂᒃᑯᑦ ᐃᓕᖅᑯᓯᕐᓂᑦ ᐋᖅᑮᒍᑎᓂᓪᓘᓐᓃᑦ ᐊᑲᐅᓐᖏᓕᐅᕈᑎᖃᕐᓗᑎᑦ ᑭᓱᑐᐃᓐᓇᕐᒥᒃ, ᐱᖃᓯᐅᑎᓗᒋᑦ ᐃᒡᓗᖃᖅᑎᑕᐅᔪᓂᑦ ᓂᕈᐊᖃᑦᑕᕐᓂᕐᒥᒃ, ᐃᒡᓗᓂᑦ ᑐᓂᐅᖅᑲᐃᓂᕐᒥᒃ, ᐃᖅᑲᓇᐃᔭᖅᑎᓂᑦ ᐊᐅᓚᑦᑎᓂᕐᒥᒃ ᐊᒻᒪᓗ ᓂᐅᕕᖃᑦᑕᕐᓂᕐᒥᒃ ᐱᔨᑦᑎᕋᐅᑎᓂᑦ ᐊᒻᒪ ᐊᑐᖅᑐᒃᓴᓂᑦ;

(III) ᖃᓄᐃᓘᕈᑕᐅᔪᑦ ᐱᓐᖏᓐᓂᐅᔪᓪᓘᓐᓃᑦ ᓲᕐᓗ ᐃᒪᓐᓇᐃᑎᑦᑎᓗᑎᑦ ᐅᓗᕆᐊᓇᖅᑐᒦᑎᑕᐅᓗᑎᑦ ᐃᒡᓗᖃᖅᑎᑕᐅᔪᑦ, ᐱᖁᑎᑦ ᐊᖏᔫᑎᑦ ᐊᑐᕈᓐᓃᖅᓵᓕᓗᐊᕐᓂᖏᑦ ᐅᕝᕙᓘᓐᓃᑦ ᐊᑭᑦᑐᕈᑕᐅᓗᐊᖅᑐᓂᑦ ᐃᒡᓗᓕᕆᔨᖅᔪᐊᒃᑯᓐᓄᑦ;

(IV) ᓯᖁᒥᑦᑎᓂᕐᒥᒃ ᑲᓇᑕᓕᒫᒧᑦ ᓄᓇᕘᒧᓘᓐᓃᑦ ᒪᓕᒐᕐᓂᑦ ᐅᕝᕙᓘᓐᓃᑦ ᐃᒡᓗᓕᕆᔨᖅᔪᐊᒃᑦ ᐱᓕᕆᐊᖏᓐᓄᑦ ᐊᖏᖃᑎᒌᒍᑏᑦ ᐃᓗᓕᖏᓐᓂᑦ;

(V) ᑲᓇᑕᒥ ᐱᕋᔭᓐᓂᕐᒧᑦ ᒪᓕᒐᖓᓂᒃ ᓯᖁᒥᒃᓯᔪᓂᑦ ᖃᓄᑐᐃᓐᓇᖅ ᐊᑐᖅᑕᐅᔪᓂᑦ.

ᐊ) ᑕᖅᑭᒃ ᐱᖓᓱᑦ (3) ᑎᒃᑯᐊᖅᑕᐅᓂᖓᑕ ᐃᓗᐊᓂ, ᐊᐅᓚᑦᑎᔨ ᕿᒥᕐᕈᓂᐊᖅᐳᖅ ᑎᒥᐅᔫᑉ ᖃᓄᐃᓕᖓᓕᕐᓂᖓᓂᒃ ᐊᒻᒪ ᐊᑐᓕᒐᒃᓴᓕᐅᕐᓗᓂ ᓄᖅᑲᖓᑲᐃᓐᓇᖅᑎᑦᑎᓂᐅᑉ ᐃᓱᓕᓐᓂᖓᓂᒃ, ᐋᖅᑭᒋᐊᖅᑕᐅᓂᖓᓂᒃ ᐅᕝᕙᓘᓐᓃᑦ ᑲᔪᓰᓐᓇᖅᑎᑕᐅᓂᖓᓂᒃ.

(VI) ᑎᒥᐅᔪᖅ ᑐᓂᔭᐅᓂᐊᖅᐳᖅ ᐃᒡᓗᕆᔨᖅᔪᐊᒃᑯᓐᓂᑦ ᐊᐅᓚᑦᑎᔨᐅᑉ ᐅᓂᒃᑳᖓᑕ ᓇᓕᖅᑲᖓᓂᒃ ᐊᑐᓕᖁᔭᖏᓐᓂᑦ;

(VII) ᑎᒥᐅᔪᖅ ᑲᑎᒪᖃᑎᖃᕈᓐᓇᖅᐳᖅ ᐃᒡᓗᓕᕆᖅᔪᐊᒃᑯᓐᓂᑦ ᐅᖃᖃᑎᖃᕐᓂᐊᕐᓗᑎᑦ ᐊᐅᓚᑦᑎᔨᐅᑉ ᐊᑐᓕᖁᔭᖏᓐᓂᑦ ᐅᓪᓗᐃᑦ 30 ᐃᓗᐊᓂ ᑎᒥᐅᔫᑉ ᑐᓂᔭᐅᓯᒪᓂᖓᓂᒃ ᐊᐅᓚᑦᑎᔨᐅᑉ ᐊᑐᓕᖁᔭᖏᓐᓂᑦ.

ᐱ) ᐊᐅᓚᑦᑎᔨ ᑎᒃᑯᐊᖅᑕᐅᑐᐊᖅᐸᑦ, ᑎᒥᐅᔪᖅ ᑐᓂᓯᓂᐊᖅᐳᖅ ᐊᐅᓚᑦᑎᔨᒧᑦ ᐊᓪᓚᑦᑕᐅᓯᒪᔪᓕᒫᓂᑦ, ᐱᖁᑎᓕᒫᓂᑦ ᐊᑐᖅᑐᒃᓴᖁᑎᓕᒫᓂᓪᓗ ᑎᒍᒥᐊᖅᑕᐅᔪᓂᑦ ᑎᒥᐅᔪᒧᑦ ᑳᓐᑐᕌᑉ ᑲᔪᓰᓐᓇᖅᑎᑕᐅᓂᒃᓴᖓᓄᑦ.

14. ᑎᒥᐅᔪᒧᑦ ᐋᖅᑭᒍᑕᐅᔪᑦ

ᐃ) ᑎᒥᐅᔪᖅ ᐃᓱᒪᖃᕈᓂ ᐃᒡᓗᓕᕆᔨᖅᔪᐊᒃfᑦ ᐊᖑᒻᒪᑎᓯᒪᓐᖏᓐᓇᓱᒋᓗᓂᒋᑦ ᑲᒪᒋᔭᕆᐊᖃᖅᑕᒥᓂᑦ ᐊᖏᖃᑎᒌᒍᑎᐅᑉ ᐊᑖᓂ, ᑎᒥᐅᔪᖅ, ᑎᑎᖅᑲᑎᒍᑦ ᖃᐅᔨᒃᑲᐃᒍᑎᑎᒍᑦ ᐃᒡᓗᓕᕆᔨᖅᔪᐊᒃᑯᑦ ᐊᐅᓚᑦᑎᔨᖓᓐᓄᑦ ᐊᕕᑦᑐᖅᓯᒪᔪᓄᑦ ᓇᓗᓇᐃᖅᓯᔪᓐᓇᖅᐳᖅ

ᐃᒡᓗᕆᔨᖅᔪᐊᒃᑯᓐᓂᑦ ᐃᓱᒫᓘᑎᒥᓂᑦ ᐊᒻᒪ ᐋᖅᑮᓗᑎᑦ ᑲᑎᒪᖃᑎᖃᕐᓂᒃᓴᒥᒃ ᐃᒡᓗᓕᕆᔨᖅᔪᐊᒃᑯᓐᓂᑦ ᖃᓄᖅᑑᕈᑎᒃᓴᓂᑦ ᐅᖃᖃᑎᖃᕐᓂᐊᕐᓗᑎᑦ.

(I) ᑲᑎᒪᒐᔭᖅᐳᑦ ᐅᓪᓗᐃᑦ 45 ᐃᓗᐊᓂ ᐃᒡᓗᓕᕆᔨᖅᔪᐊᒃᑯᑦ ᖃᐅᔨᒃᑲᖅᑕᐅᓯᒪᓂᖓᑕ ᑎᑎᖅᑲᒃᑯᑦ ᑎᒥᐅᔫᑉ ᐃᓱᒫᓘᑎᖏᓐᓂᑦ.

(II) ᐅᓪᓗᐃᑦ 30 ᖄᖏᓚᐅᖅᑎᓐᓇᒋᑦ ᑲᑎᒪᓚᐅᕐᓂᖓᑕ ᑭᖑᓂᐊᒍᑦ, ᐃᒡᓗᓕᕆᔨᖅᔪᐊᒃᑯᑦ ᑭᐅᓂᐊᖅᐳᑦ ᑎᒥᐅᔪᒧᑦ. ᐅ) ᐊᖏᖃᑎᒌᒍᓐᓇᓐᖏᑉᐸᑎᒃ ᑎᒥᐅᔪᖅ ᐊᒻᒪ ᐃᒡᓗᓕᕆᔨᖅᔪᐊᒃᑯᑦ, ᑎᒥᐅᔪᖅ ᑐᓐᓂᕆᔪᓐᓇᖅᐳᖅ ᑕᒪᑐᒥᓐᖓ

ᐃᒡᓗᓕᕆᔨᖅᔪᐊᒃᑯᑦ ᐊᖓᔪᖅᑳᒻᒪᕆᖓᓐᓄᑦ. ᐊᖓᔪᖅᑳᒻᒪᕆᐅᑉᓗ ᐋᖅᑭᒃᑕᖓ ᑭᖑᓪᓕᖅᐹᖑᓕᕋᔭᖅᐳᖅ.

15. ᐱᑕᖃᕈᓐᓃᖅᑎᑦᑎᓂᖅ

ᐃ) ᑕᒪᑐᒪᐅᑉ ᐊᖏᖃᑎᒌᒍᑎᐅᑉ ᓄᖅᑲᖅᑎᑕᐅᓂᖓ, ᑎᒥᐅᔪᖅ ᐃᒪᐃᑲᐅᑎᒋᓂᐊᖅᐳᖅ:

(I) ᑐᓂᓯᓗᑎᑦ ᒫᓐᓇᓐᓂᓴᕐᓂᑦ ᑮᓇᐅᔭᐃᑦ ᐅᓂᒃᑳᖏᓐᓂᑦ ᐃᒡᓗᓕᕆᔨᖅᔪᐊᒃᑯᓐᓄᑦ ᐊᒻᒪ ᓇᓗᓇᐃᖅᓯᓗᑎᑦ ᐱᖁᑎᓕᒫᓂᑦ ᐊᒻᒪ ᑮᓇᐅᔭᑎᒍᑦ ᐊᖏᕈᑕᐅᓯᒪᔪᓕᒫᓂᑦ;

(II) ᐅᑎᖅᑎᑦᑎᓗᑎᑦ ᐊᑐᓐᖏᑦᑐᓕᒫᓂᑦ ᑮᓇᐅᔭᓂᑦ;

(III) ᐅᑎᖅᑎᑦᑎᓗᑎᑦ ᐃᒡᓗᓕᕆᔨᖅᔪᐊᒃᑯᓐᓄᑦ ᐱᖁᑎᓕᒫᓂᑦ ᖃᐃᑕᐅᓯᒪᔪᒥᓂᕐᓂᑦ ᐃᒡᓗᓕᕆᔨᖅᔪᐊᒃᑯᓐᓂᑦ ᐅᕝᕙᓘᓐᓃᑦ ᐱᔭᐅᔪᒥᓂᕐᓂᑦ ᐊᐅᓚᑦᑎᓂᖏᑎᒍᑦ ᐃᒡᓗᓕᕆᔾᔪᑎᓂᑦ;

(IV) ᐅᑎᖅᑎᑦᑎᓗᑎᑦ ᐊᒥᐊᒃ`ᑯᔪᓂᑦ ᐊᑐᖅᑐᒃᓴᓂᑦ, ᐊᑐᖅᑕᐅᓯᒪᓐᖏᑦᑐᓂᑦ ᑮᓇᐅᔭᓂᑦ ᐊᕝᕙᓘᓐᓃᑦ ᑕᒪᒡᒌᓐᓂᒃ ᐃᒡᓗᓕᕆᔨᖅᔪᐊᒃᑯᑦ ᐊᔾᔨᒋᐸᓗᒐᓱᒋᔭᖏᑦ ᑮᓇᐅᔭᖃᖅᑎᑦᑎᒋᐊᓐᖓᖅᑎᓪᓗᒋᑦ ᐅᕝᕙᓘᓐᓃᑦ ᐱᔭᐅᔪᒥᓂᕐᓂᑦ ᐊᐅᓚᑦᑎᓂᕐᖏᑎᒍᑦ ᐃᒡᓗᓕᕆᔾᔪᑎᓂᑦ; ᐊᒻᒪᓗ

(V) ᑐᓂᓯᓗᑎᑦ ᐊᑐᐃᓐᓇᕈᐃᑎᑦᑎᓗᑎᓪᓘᓐᓃᑦ ᐃᒡᓗᓕᕆᔨᖅᔪᐊᒃᑯᓐᓄᑦ ᑎᑎᖅᑲᓕᒫᓂᑦ, ᐊᓪᓚᑦᑕᐅᓯᒪᔪᓕᒫᓂᑦ ᐱᓯᒪᔭᐅᔪᓂᑦ ᑎᒥᐅᔪᒧᑦ ᐊᐅᓚᑦᑎᓂᖏᓐᓄᑦ ᐃᒡᓗᓕᕆᔾᔪᑎᓂᑦ ᐊᑐᕆᐊᖃᕐᓂᐊᖅᑐᓂᑦ ᑲᔪᓯᑎᑕᐅᓂᖏᓐᓄᑦ ᐃᒡᓗᓕᕆᔨᖅᔪᐊᒃᑯᓐᓄᑦ.

16. ᖃᐅᔨᒃᑲᐃᓂᖅ

ᐃ) ᖃᐅᔨᒃᑲᐃᒍᑎᓕᒫᑦ, ᑎᓕᐅᕈᑎᓕᒫᑦ ᖃᐅᔨᒋᐊᕐᓃᓪᓘᓐᓃᑦ ᓇᒃᓯᐅᔾᔭᐅᔪᒃᓴᐅᕗᑦ ᐊᑎᓕᐅᖅᑕᐅᒋᐊᓕᒃᑯᑦ ᑎᑎᖅᑲᓂᐊᕐᕕᑎᒍᑦ ᐅᕝᕙᓘᓐᓂᑦ ᓱᒃᑯᔫᒃᑰᖅᑕᐅᓗᑎ;

ᐃᒡᓗᓕᕆᔨᖅᔪᐊᒃᑯᓅᖓᑉᐸᑕ: ᐊᕕᑦᑐᖅᓯᒪᔪᓂ ᐊᖓᔪᖅᑳ ᓄᓇᕘᒥ ᐃᒡᓗᓕᕆᔨᖅᔪᐊᒃᑯᑦ

er6`bl7u ᐊᕕᑦᑐᖅᓯᒪᔪᓂ ᑎᑎᕋᕐᕕᒃ ᑎᑎᖅᑲᒃᑯᕕᒃ: 155

r8zw5, ᓄᓇᕘᒥ, X0A 0C0

ᐅᖃᓘᑖ: (867) 897-3654

ᓱᒃᑲᔫᒃᑰᕈᑖ: (867) 897-3669

ᑎᒥᐅᔪᒧᐊᖓᑉᐸᑦ: ᐃᒡᓗᓕᕆᔨᒃᑯᑦ ᐊᖓᔪᖅᑳᖓᑦ XXX ᐃᒡᓗᓕᕆᔨᒃᑯᑦ ᑎᑎᖅᑲᒃᑯᕕᒃ XX

xsJw5g6, ᓄᓇᕘᒥ, X0A XXX

ᐅᖃᓘᑖ: (867) XXX-XXXX

ᓱᒃᑲᔫᒃᑰᕈᑖ: (867) XXX-XXXX

7

ᐅ) ᖃᐅᔨᒃᑲᖅᑕᐅᓯᒪiᕋᖅᑕᐅᒐᔭᖅᐳᑦ ᐃᒪᓐᓇᐃᑉᐸᑕ:

(I) ᐅᓪᓗᓴᐃᓐᓇᕐᒥ ᑎᒥᑦᑎᒍᑦ ᓇᒃᓯᐅᔾᔭᐅᑉᐸᑦ ᐅᕝᕙᓘᓐᓃᑦ ᓱᒃᑲᔫᒃᑯᑦ ᐊᐅᓪᓚᖅᑎᑕᐅᑉᐸᑦ ᐊᒻᒪᓗ ᓇᒃᓯᐅᔾᔨᕕᐅᔪᖅ ᐱᔪᒥᓂᐅᓂᖓᓂ ᓇᓗᓇᐃᖅᓯᑉᐸᑦ 3:00ᒧᐊᓚᐅᖅᑎᓐᓇᒍ ᓄᓇᓕᐅᑉ ᐅᓪᓗᖓᓂ; ᐅᕝᕙᓘᓐᓃᑦ

(II) ᐅᓪᓗᐃᑦ ᖁᓖᑦ ᑭᖑᓂᐊᒍᑦ ᑎᑎᖅᑲᑎᒍᑦ ᐊᑎᓕᐅᖅᑕᐅᔭᕆᐊᓕᒃᑯᑦ ᓇᒃᓯᐅᔾᔭᐅᓐᓂᖅᐸᑦ.

17. ᑕᒪᐃᓐᓅᓕᖓᔪᑦ ᐊᒻᒪ ᖃᓄᐃᑦᑕᕆᐊᓖᑦ

ᐃ) ᐅᓇ ᐊᖏᖃᑎᒌᒍᑦ ᓇᓗᓇᐃᔭᐅᑎᖏᓪᓗ ᐊᒻᒪ ᐅᐃᒍᖏᑦ ᐊᓯᔾᔨᖅᑕᐅᔪᓐᓇᖅᐳᑦ ᖃᓄᐃᓕᖓᔭᕆᐊᖃᖅᑐᑦ ᐊᖏᖃᑎᒌᒍᑎᒋᔭᐅᔪᓂᑦ ᐃᒡᓗᓕᕆᔨᖅᔪᐊᒃᑯᓐᓄᑦ ᑲᓇᑕᒥ ᐃᒡᓗᓕᕆᔨᖅᔪᐊᒃᑯᓐᓂᑦ ᐊᓯᔾᔨᕐᓂᖅᐸᑕ ᐅᕝᕙᓘᓐᓃᑦ ᑎᓕᐅᖅᑕᐅᓂᒃᑯᑦ ᓄᓇᕗᑦ ᒐᕙᒪᒃᑯᑦ ᓯᕗᓕᖅᑎᖏᓐᓄᑦ. ᑎᒥᐅᔪᖅ ᐋᖅᑭᒋᐊᕆᒍᓐᓇᖅᐳᖅ ᐱᓕᕆᐊᕆᔭᒥᓂᑦ ᑕᖅᑮᑦ ᐱᖓᓱᑦ ᐃᓗᐊᓂ ᖃᐅᔨᒃᑲᖅᑕᐅᓂᖓᓂᒃ ᑕᒪᒃᑯᓂᓐᖓ ᐊᓯᔾᔨᖅᑐᓂᑦ.

ᐅ) ᑎᒥᐅᔪᖅ ᑐᓐᓂᕆᔪᓐᓇᖅᐳᖅ ᐱᓕᕆᐊᕆᔭᕆᐊᖃᖅᑕᒥᓂᑦ ᑖᒃᓱᒪᐅᑉ ᐊᖏᖃᑎᒌᒍᑎᐅᑉ ᐊᒻᒪ ᓇᓗᓇᐃᔭᐅᑎᖏᑕ ᐊᑖᓂ ᑭᓯᐊᓂ ᓯᕗᓂᐊᓂ ᐊᖏᖅᑕᐅᓯᒪᓗᑎᑦ ᑎᑎᖅᑲᑎᒍᑦ ᐃᒡᓗᓕᕆᔨᖅᔪᐊᒃᑯᓐᓄᑦ.

ᐊᑎᓕᐅᖅᑐᖅ ᐊᒻᒪ ᓇᕿᑦᑕᖅᑕᐅᔪᖅ ᓄᓇᕘᒥ ᐃᒡᓗᓕᕆᔨᖅᔪᐊᒃᑯᓐᓄᑦ

ᐊᑎᓕᐅᖅᑐᖅ ᐊᒻᒪ ᓇᕿᑦᑕᖅᑕᐅᔪᖅ ᐅᕙᓂ ᓄᓇᓕᓐᓂ ᐃᒡᓗᓕᕆᔨᒃᑯᓐᓄᑦ

ᐅᓪᓗᖓᓂ ᑕᖅᑭᖓᓂ      , 2006 ᐅᓪᓗᖓᓂ ᑕᖅᑭᖓᓂ      , 2006

ᐊᐅᓚᑦᑎᔨ ᐃᒃᓯᕙᐅᑕᖅ, ᑲᑎᒪᔨᓄᑦ

ᑮᓇᐅᔭᓕᕆᔨ ᐃᒡᓗᓕᕆᔨᒃᑯᑦ ᐊᖓᔪᖅᑳᖓᑦ

ᓇᓗᓇᐃᖅᓯᔪᖅ ᓇᓗᓇᐃᖅᓯᔪᖅ

ᓇᓗᓇᐃᔭᐅᑦ ᐃ:

ᐃᑲᔫᓯᐊᑎᒍᑦ ᐃᒡᓗᓂᑦ ᐊᑐᖅᑐᐊᒐᐃᑦ

ᐃᖃᔫᓯᐊᑎᒍᑦ ᐃᒡᓗᓂᑦ ᐊᑐᖅᑐᒐᐃᑦ ᐃᑲᔫᑕᐅᔪᒫᓐᓂᐊᖅᓯᒪᕗᑦ ᓄᓇᓕᓐᓂ ᓄᓇᖃᖅᑐᑦ ᐃᒡᓗᖃᑦᑎᐊᕈᓐᓇᖁᓪᓗᒋᑦ ᐊᑦᑕᓇᓐᖏᑦᑐᓂᑦ ᐊᒻᒪ ᓈᒻᒪᑦᑐᓂᑦ, ᐊᖏᓂᖃᕐᓗᑎᓪᓗ ᓈᒻᒪᑦᑐᓂᑦ ᐊᒻᒪᓗ ᐊᑭᖃᕐᓗᑎᑦ ᓈᒻᒪᑦᑐᒥᒃ ᐊᑐᖅᑐᐊᖅᑐᓄᑦ. ᐃᑲᔫᑎᑦ ᐃᒪᓐᓇᐅᕙᑉᐳᑦ ᑮᓇᐅᔭᖅᑖᖑᔪᑦ ᑐᓐᖓᕕᒋᔭᐅᓪᓗᑎᑦ ᐊᒻᒪᓗ ᐃᒡᓗᐃᑦ ᐊᑐᐃᓐᓇᐅᔪᑦ ᐱᔭᕆᖃᖅᑐᕐᓗ ᑐᓐᖓᕕᒋᔭᐅᓪᓗᓂ. ᑕᒪᑐᒨᓇ ᐊᖏᖃᑎᒌᑎᒍᑦ ᐃᑲᔫᓯᐊᑎᒍᑦ ᐃᒡᓗᓂᑦ ᐊᑐᖅᑐᐊᒐᐃᑦ ᐅᑯᓂᓐᖓ ᐱᖃᓯᐅᑎᕗᑦ:

ᐃ) ᐃᒡᓗᓂᑦ ᐊᑐᖅᑐᐊᒐᐃᑦ;

ᐅ) ᐊᑐᖅᑐᐊᕈᑎᓄᑦ ᐃᓚᒋᐊᕈᑎᑦ; ᐊ) ᓄᑖᖑᕆᐊᕈᑎᑦ ᐱᐅᓯᒋᐊᕈᑎᓪᓗ;

ᐱ) ᐊᑐᖅᑐᓄᑦ ᐊᑭᓖᓂᕐᒧᑦ ᐱᓇᓱᐊᒐᖅ; ᐳ) ᓇᒻᒥᓂᖅ ᐃᒡᓗᑖᖅᐸᓪᓕᐊᒍᑎᒃ; ᐊᒻᒪᓗ ᐸ) ᑲᒪᒋᔭᐅᕙᒃᑐᓂᑦ ᐊᐅᓚᑦᑎᒍᑎᑦ

1. ᐊᑕᖏᐅᒪᔪᑦ ᐱᓕᕆᐊᒃᓴᐃᑦ ᑲᒪᒋᔭᐅᔭᕆᐊᓖᓪᓗ

ᑎᒥᐅᔪᖅ ᐊᖏᖅᐳᖅ:

ᐃ) ᐊᐅᓚᑦᑎᓗᑎᑦ ᐃᒡᓗᓂᑦ ᐊᒻᒪᓗ ᓯᕐᓗᐊᓂᑦ, ᓴᓇᕕᓐᓂᑦ ᐊᒻᒪᓗ/ᐃᒻᒪᖃᓗ ᑎᑎᕋᕐᕕᓐᓂᑦ (ᐱᓕᕆᕖᑦ) ᑐᓂᔭᐅᓯᒪᔪᑦ ᑕᒪᑐᒨᓇ ᐊᖏᖃᑎᒌᑎᒍᑦ ᓇᓗᓇᐃᔭᖅᑕᐅᓯᒪᔪᑦ ᐅᐃᒍᖅ 1 ᐊᒻᒪ 2-ᒥ ᐋᖅᑭᒋᐊᖅᑕᐅᖃᑦᑕᕐᓂᖏᑦ ᖃᑯᑎᒃᑯᑦ ᒪᓕᓪᓗᒋᑦ;

ᐅ) ᐊᐅᓚᑦᑎᓗᑎᑦ ᐃᒡᓗᓕᒫᓂᑦ ᑐᓂᔭᐅᔪᑦ ᐊᑐᖅᑐᐊᕐᓂᕐᒧᑦ ᐃᓚᒋᐊᕈᑎᐅᑉ ᐊᑖᒍᑦ;

ᐊ) ᑲᒪᒋᔭᖃᖅᐸᓪᓗᑎᑦ ᐃᒡᓗᓕᒫᓂᑦ ᐃᑲᔫᓯᐊᑎᒍᑦ ᐃᒡᓗᓂᑦ ᐊᑐᖅgᐊᒐᐃᑦ ᐃᓗᐊᓂ, ᐊᒻᒪᓗ ᐱᓕᕆᕕᓕᒫᓂᑦ ᐊᓯᖏᓐᓂᓪᓗ ᐱᖁᑎᓂᑦ, ᒪᓕᓪᓗᑎᑦ ᑲᒪᒋᔭᐅᔪᓂᑦ ᐊᐅᓚᑦᑎᒍᑎᒥᒃ, ᐋᖅᑭᒋᐊᖅᑕᐅᖃᑦᑕᕐᓂᖓ ᖃᑯᑎᒃᑯᑦ ᒪᓕᓪᓗᒋᑦ;

ᐱ) ᑐᓂᐅᖅᑲᐃᕙᓪᓗᑎᑦ ᐃᒡᓗᓂᑦ ᑭᓯᐊᓂ ᐱᔭᕆᐊᖃᖅᑐᑎᒍᑦ ᓇᓗᓇᐃᖅᑕᐅᓯᒪᔪᑦ ᐃᒡᓗᓕᕆᔨᖅᔪᐊᒃᑯᑦ ᐃᒡᓗᓂᑦ ᐊᑐᖅᑐᐊᒐᓂᑦ ᑐᓐᓂᐅᖅᑲᖅᑕᐅᓂᖏᓐᓄᑦ ᐃᓕᖅᑯᓯᖅᑎᒍᑦ, ᐋᖅᑭᒋᐊᖅᑕᐅᖃᑦᑕᕐᓂᖓ ᖃᑯᑎᒃᑯᑦ ᒪᓕᓪᓗᒋᑦ;

ᐳ) ᖃᐅᔨᓴᖅᐸᓪᓗᑎᑦ ᐊᑭᓖᑎᑦᑎᕙᓪᓗᑎᓪᓗ ᒪᓕᑦᑕᐅᓗᓂ ᐊᖏᖅᑕᐅᓯᒪᔪᖅ ᓄᓇᕘᒥ ᐃᓄᓕᒫᓄᑦ ᐊᑐᖅᑐᐊᒐᐃᑦ ᐊᑭᖏᑦ ᐊᒻᒪᓗ ᐊᑭᓖᑎᑦᑎᓂᖅ ᐃᓄᓕᒫᓄᑦ ᐊᑐᖅᑐᐊᒐᐃᑦ ᐊᒻᒪ ᐊᑐᖅᑐᐊᖅᑎᑕᐅᔪᖅ ᓱᖃᒃᓯᒪᔭᖏᑦ ᐊᑭᓕᒃᓴᖏᓪᓗ ᐊᑐᐊᒐᖅ ᐊᒻᒪᓗ ᒪᓕᑦᑕᕆᐊᓖᑦ ᐋᖅᑭᒋᐊᖅᑕᐅᖃᑦᑕᕐᓂᖏᑦ ᖃᑯᑎᒃᑯᑦ ᒪᓕᓪᓗᒋᑦ, ᐊᒻᒪᓗ ᒪᓕᑦᑕᐅᓕᑎᑦ ᐊᑐᖅᑐᐊᖅᑎᑦᑎᓂᕐᒧᑦ ᑎᑎᕋᖅᑕᐅᓯᒪᔪᑦ ᓄᓇᓕᓐᓂ ᐊᑐᖅᑐᐊᖅᑐᓄᑦ ᒪᓕᒐᖅ ᒪᓕᓪᓗᒋᑦ;

ᐸ) ᐃᑲᔪᖃᑕᐅᓗᑎᑦ ᓴᖅᑭᖅᑕᐅᑎᓪᓗᒋᑦ ᓇᒻᒥᓂᖅ ᐃᒡᓗᖃᖅᑎᑦᑎᒍᑎᑦ;

ᑎ) ᐊᑭᓖᕙᓪᓗᑎᑦ ᑖᒃᓰᔭᖅᑕᐅᔭᕆᐊᖃᖅᑐᓕᒫᓂᑦ ᐊᒻᒪ ᐊᑐᖅᑐᓄᑦ ᐊᑭᓕᐅᑎᓕᒫᓂᑦ ᐃᒡᓗᓄᑦ ᐊᒻᒪ ᐱᓕᕆᕕᓐᓄᑦ ᐃᑲᔫᓯᐊᑎᒍᑦ ᐃᒡᓗᓂᑦ ᐊᑐᖅᑐᐊᒐᐃᑦ ᐱᔪᓂᑦ;

ᑐ) ᑲᔪᓯᑎᑦᑎᓗᑎᑦ ᓄᑖᖑᕆᐊᕆᓂᕐᒧᑦ ᐊᒻᒪ ᐱᐅᓯᑎᒋᐊᕐᓂᒧᑦ ᐱᓴNᓱᐊᒐᕐᒥᒃ ᐊᓯᖏᓐᓂᓪᓗ ᐃᓄᓕᒫᓄᑦ ᓱᕋᒃᓯᒪᔪᖅᓯᐅᕐᓂᕐᒧᑦ ᐱᓇᓱᐊᒐᕐᓄᑦ ᐊᑐᐃᓐᓇᐅᔪᓂᑦ ᑮᓇᐅᔭᓂᑦ;

ᑕ) ᐊᐅᓚᑦᑎᓗᑎᑦ ᐆᒻᒪᖅᑯᑎᓄᑦ ᐊᑐᖅᐸᒃᑐᓄᑦ ᐊᑭᓖᖃᑦᑕᓂᕐᒥᑦ ᐱᓇᓱᐊᒐᕐᒥᒃ ᐃᓄᓕᒫᓄᑦ ᐃᒡᓗᓄᑦ;

ᑭ) ᐊᑭᓖᕙᓪᓗᑎᑦ ᐃᖅᑲᓇᐃᔭᖅᑎᖃᕐᓂᕐᒧᑦ, ᐊᑐᖅᑐᓄᑦ ᐊᒻᒪ ᑎᑭᑎᑦᑎᖃᑦᑕᕐᓂᕐᒧᑦ ᐊᑭᓕᐅᑎᓂᑦ ᐊᖏᖃᑎᒌᒍᒻᒧᑦ ᐱᔪᓂᑦ; ᐊᒻᒪᓗ

ᑯ) ᒪᓕᓪᓗᑎᑦ ᐃᑲᔫᓯᐊᑎᒍᑦ ᐃᒡᓗᓂᑦ ᐊᑐᖅᑐᐊᒐᐃᑦ ᐊᑐᐊᒐᖏᓐᓂᑦ, ᑐᑭᓕᐊᕈᑎᖏᓐᓂᑦ ᐊᒻᒪ ᐃᓕᖅᑯᓯᖏᓐᓂᑦ ᐅᕙᓂ ᓇᓗᓇᐃᔭᐅᑎᒥ ᓇᓗᓇᐃᖅᑕᐅᓯᒪᔪᑦ ᐊᒻᒪᓗ ᑎᑎᖅᑲᓂ ᐊᒻᒪ ᐅᖃᓕᒫᒐᕐᓂ ᓇᓗᓇᐃᖅᑕᐅᓯᒪᔪᓂ ᐅᐃᒍᖅ 3-ᒥ, ᐋᖅᑭᒋᐊᖅᑕᐅᖃᑦᑕᕐᓂᖏᑦ ᖃᑯᑎᒃᑯᑦ ᒪᓕᓪᓗᒋᑦ.

ᐃᒡᓗᓕᕆᔨᖅᔪᐊᒃᑯᑦ ᐊᖏᖅᐳᑦ:

ᐃ) ᑐᓂᓯᖃᑦᑕᕐᓂᐊᕐᓗᑎᑦ ᑮᓇᐅᔭᓂᑦ ᑎᒥᐅᔪᒧᑦ ᐊᐅᓚᑦᑎᒍᑎᓂᑦ ᐃᑲᔫᓯᐊᑎᒍᑦ ᐃᒡᓗᓂᑦ ᐊᑐᖅᑐᐊᒐᕐᓂᑦ

ᓇᓗᓇᐃᖅᑕᐅᓯᒪᓂᖓ ᒪᓕᓪᓗᒍ ᐅᕙᓂ ᓇᓗᓇᐃᔭᐅᒻᒥ; ᐊᒻᒪᓗ

ᐅ) ᑎᒥᐅᔪᒧᑦ ᑐᓂᓯᓗᑎᑦ ᐱᓇᓱᐊᒐᐃᑦ ᐊᑐᐊᒐᖏᓐᓂᑦ ᑐᑭᓕᐊᕈᑎᖏᓐᓂᓪᓗ ᓇᓗᓇᐃᖅᑕᐅᓯᒪᔪᑦ ᐅᐃᒍᖅ 3-ᒥ

ᓴᖅᑭᖅᑎᑦᑎᒍᑎᓂᑦ ᐃᑲᔫᓯᐊᑎᒍᑦ ᐃᒡᓗᓂᑦ ᐊᑐᖅᑐᐊᒐᕐᓂᑦ.

2. ᐱᖁᑎᓂᑦ ᐊᐅᓚᑦᑎᓂᖅ

ᐃ) ᑎᒥᐅᔪᖅ ᑲᒪᖃᑦᑕᕐᓂᐊᖅᐳᖅ ᐃᒡᓗᓕᒫᓂᑦ ᐱᓕᕆᕕᓕᒫᓂᓪᓗ ᐊᑯᓂᐅᔪᒥᒃ ᒪᑭᒪᔪᓐᓇᖁᓪᓗᒋᑦ ᐊᒻᒪ ᐊᑐᖅᑕᐅᑯᑖᕈᓐᓇᖁᓪᓗᒋᑦ.

ᐅ) ᑎᒥᐅᔪᖅ ᐊᖏᖅᐳᖅ ᓂᐅᕕᐅᑎᖃᖅᑎᑦᑎᖁᓪᓗᒋᑦ ᐱᖁᑎᓪᓚᑦᑖᓂᑦ, ᓇᓗᓇᐃᖅᑕᐅᓯᒪᔪᖅ ᐅᐃᒍᖅ 1 ᐊᒻᒪ 2-ᒥ ᑭᓯᐊᓂ ᑎᑎᕋᖅᓯᒪᔪᑎᒍᑦ ᐊᖏᖅᑕᐅᓯᒪᓗᑎᑦ ᐃᒡᓗᓕᕆᔨᖅᔪᐊᒃᑯᓐᓂᑦ. ᑎᒥᐅᔪᖅ ᐊᑐᓕᒐᒃᓴᓕᐅᕈᓐᓇᖅᐳᖅ ᐃᒡᓗᓕᕆᔨᖅᔪᐊᒃᑯᓐᓄᑦ ᑕᒪᒃᑯᐊ ᓂᐅᕕᐅᑕᐅᓂᒃᓴᖏᑕ ᐃᓕᖅᑯᓯᒃᓴᖏᓐᓂᑦ.

ᐊ) ᑎᒥᐅᔪᖅ ᐃᒡᓗᓕᕆᔨᖅᔪᐊᒃᑯᓐᓂᒥᐅᑕᐅᔪᓂᑦ ᖃᐅᔨᓴᕆᐊᕈᓐᓇᖅᑎᑦᑎᓂᐊᖅᐳᖅ ᐱᖁᑎᓂᑦ. ᐊᑐᓕᒐᒃᓴᓕᐊᖑᔪᑦ ᖃᓄᖅᑑᕈᑎᒃᓴᓕᐊᖑᔪᓪᓘᓐᓃᑦ ᑕᒪᒃᑯᓄᖓ ᐱᖁᑎᓄᑦ ᑲᔪᓯᓂᐊᖅᐳᑦ ᐅᖃᖃᑎᒌᓚᐅᕐᓗᑎᑦ ᐃᒡᓗᓕᕆᔨᖅᔪᐊᒃᑯᓐᓂᑦ.

3. ᑮᓇᐅᔭᖃᖅᑎᑕᐅᓂᖅ ᐊᒻᒪ ᑮᓇᐅᔭᖅᑐᕈᑎᒃᓴᐃᑦ

ᐃ) ᑎᒥᐅᔪᖅ ᐊᑭᓕᖅᑕᐅᖃᑦᑕᕐᓂᐅᖅᐳᖅ ᑕᖅᑭᑕᒫᑦ (ᐊᐅᓚᒍᑎᓂᒃ) ᑐᓐᖓᕕᖃᖅᑐᓂᑦ ᐊᖏᖃᑎᒌᒍᑕᐅᓯᒪᔪᒥᑦ ᑮᓇᐅᔭᐃᑦ ᐅᓪᓗᖅᓯᐅᑎᒃᓴᖓᓂᒃ.

ᐅ) ᑮᓇᐅᔭᖅᑐᕈᑎᒃᓴᓕᐅᕐᓂᐊᖅᐳᑦ ᐊᑐᕐᓗᑎᑦ ᓈᓴᐅᑎᓂᑦ ᐊᒻᒪ ᐋᖅᑭᒃᓯᒪᔪᓂᑦ ᐊᕐᕌᒍᑕᒫᑦ ᓄᓇᓕᓕᒫᓄᑦ ᐃᒡᓗᓕᕆᔨᖅᔪᐊᒃᑯᓐᓄᑦ.

ᐊ) ᑮᓇᐅᔭᖅᑐᕈᑎᒃᓴᐃᑦ ᑮᓇᐅᔭᖃᖅᑎᑦᑎᒍᑕᐅᓂᐊᖅᐳᑦ ᐊᑭᓕᐅᑎᓄᑦ ᐊᖏᖃᑎᒌᒍᑎᓂᑦ ᑲᓇᑕᒥ ᐃᒡᓗᓕᕆᔨᖅᔪᐊᒃᑯᓐᓂᑦ ᐊᒻᒪᓗ ᐃᓛᒃᑰᖅᑐᓂᑦ ᐱᓇᓱᐊᒐᕐᓄᑦ ᐃᒡᓗᓕᕆᔨᖅᔪᐊᒃᑯᓐᓃᖔᖅᑐᓂᑦ.

ᐱ) ᑎᒥᐅᔪᖅ ᐊᑭᓕᕆᐊᓕᓐᓂᑦ ᓯᕗᓪᓕᐅᔾᔭᐅᔪᒃᓴᓂᑦ ᐋᖅᑮᔪᓐᓇᖅᐳᑦ ᐃᒡᓗᓕᕆᔾᔪᑎᒥᓄᑦ ᑐᑭᓕᐊᕈᑎᑦ ᐃᓗᐊᓂ ᐋᖅᑭᒃᑕᐅᓯᒪᔪᓂ ᐊᒻᒪᓗ ᐊᑐᖅᑐᒃᓴᓂᑦ ᖃᐃᑕᐅᓯᒪᔪᓂᑦ ᐃᒡᓗᓕᕆᔨᖅᔪᐊᒃᑯᓐᓄᑦ.

ᐳ) ᑮᓇᐅᔭᐃᑦ ᖃᐃᑕᐅᔪᑦ ᐊᑐᖅᑕᐅᔭᕆᐊᖃᖅᐳᑦ ᑭᓯᐊᓂ ᐃᒡᓗᓕᕆᔾᔪᑎᓄᑦ. ᑮᓇᐅᔭᐃᑦ ᖃᐃᑕᐅᔪᑦ ᐊᑭᑐᔪᖅᑐᕈᑎᓄᑦ ᐊᑐᖅᑕᐅᔭᕆᐊᖃᖅᐳᑦ ᑭᓯᐊᓂ ᐊᑭᑐᔫᑎᓄᑦ ᓇᓗᓇᐃᖅᑕᐅᓯᒪᔪᓄᑦ.

ᐸ) ᑎᒥᐅᔪᖅ ᑲᔪᓯᑎᑦᑎᓯᒪᓐᓂᕈᓂ ᐃᑲᔫᓯᐊᑎᒍᑦ ᐃᒡᓗᓂᑦ ᐊᑐᖅᑐᐊᒐᕐᓂᑦ ᐋᖅᑭᒃᑕᐅᓯᒪᔪᑦ ᒪᓕᓪᓗᒋᑦ ᐊᒻᒪ ᐊᐅᓚᔾᔪᑎᓄᑦ ᐊᒥᐊᒃᑯᖃᕐᓂᕈᑎᑦ, ᑎᒥᐅᔪᖅ ᐱᓯᒪᑦᑎᔪᓐᓇᖅᐳᖅ ᐊᑕᖏᕐᓗᒋᑦ (100%ᒥᒃ) ᐊᑐᒃᑲᓐᓂᕐᓂᐊᕐᓗᒋᑦ ᐊᕐᕌᒍᓄᑦ ᑭᖑᓂᐊᒍᑦ. ᐊᒥᐊᒃᑯᔪᐃᑦ ᐊᑐᖅᓯᒪᓐᖏᑦᑑᒐᔭᖅᐳᑦ ᐊᐅᓚᒍᑎᓄᑦ ᑮᓇᐅᔭᖅᑐᕈᑎᒃᓴᓂᑦ ᓇᓗᓇᐃᖅᑕᐅᓯᒪᔪᑦ ᐊᕐᕌᒍᑕᒫᑦ ᖃᐅᔨᓴᖅᑕᐅᓂᐅᔪᒥᒃ.

ᑎ) ᐊᑭᓕᒃᓴᖃᓕᕐᓂᐅᔪᑦ ᓄᐃᔪᑦ ᐊᑭᓕᐅᑎᖃᓗᐊᕐᓂᑯᒧᑦ ᓴᖅᑭᑎᑦᑎᓂᕐᒥᒃ ᐃᓄᓕᒫᓄᑦ ᐃᒡᓗᓕᕆᔾᔪᑎᓂᑦ ᑲᒪᒋᔭᐅᔭᕆᐊᖃᖅᐳᑦ ᑎᒥᐅᔪᒧᑦ. ᑭᓯᐊᓂᓕ, ᐃᒡᓗᓕᕆᔨᖅᔪᐊᒃᑯᑦ ᐊᑐᖅᑐᐊᖅᑎᑦᑎᔪᓐᓇᖅᐳᑦ, ᐃᓱᒪᒋᔭᒥᓂᑦ, ᐊᑭᓕᒃᓴᓕᐊᖑᔪᖅ ᐊᑭᓕᖅᑕᐅᒍᓐᓇᖁᓪᓗᒍ ᐸᕐᓇᐅᑎᓕᐅᓚᐅᖅᑎᓪᓗᒋᑦ ᐊᑭᓕᒃᓴᓕᐊᒥᒃ ᐅᑎᑦᑎᓂᐊᕐᓂᒃᓴᒥᒃ ᐅᖃᖃᑎᖃᓚᐅᖅᑎᓪᓗᒋᑦ ᐃᒡᓗᓕᕆᔨᖅᔪᐊᒃᑯᓐᓂᑦ.

ᑐ) ᐊᑭᓕᒃᓴᓕᐊᑦ ᐊᒻᒪ ᐊᒥᐊᒃᑯᐃᑦ ᓄᐃᔪᑦ ᐊᐅᓚᑕᐅᒐᒃᓴᐅᓐᖏᑦᑐᓂᑦ ᐊᑭᓕᐅᑎᓂᑦ ᓴᖅᑭᑎᑦᑎᓂᕐᒥᒃ ᐃᓄᓕᒫᓄᑦ ᐃᒡᓗᓕᕆᔾᔪᑎᓂᑦ ᑲᒪᒋᔭᐅᔭᕆᐊᖃᖅᐳᑦ ᐃᒡᓗᓕᕆᔨᖅᔪᐊᒃᑯᓐᓄᑦ ᐊᓯᐊᒍᑦ ᐊᖏᖃᑎᒌᒍᑎᒥᒃ ᐋᖅᑭᒃᓯᒪᔪᖃᓐᖏᑉᐸᑦ. ᑕᒪᒃᑯᐊ ᐊᑭᓕᒃᓴᓕᐊᖑᓂᑯᐃᑦ ᐊᑭᓕᖅᑕᐅᓂᐊᖅᐳᑦ ᐃᒡᓗᓕᕆᔨᖅᔪᐊᒃᑯᓐᓄᑦ ᐊᒻᒪ ᐊᒥᐊᒃᑯᔪᓕᒫᑦ ᐅᑎᖅᑐᒃᓴᐅᑕᐅᕗᑦ ᐃᒡᓗᓕᕆᔨᖅᔪᐊᒃᑯᓐᓄᑦ ᒪᓕᓪᓗᒍ ᐊᕐᕌᒍᑕᒫᑦ ᖃᐅᔨᓴᕐᓂᐅᔪᖅ.

4. ᐊᑭᓕᐅᑕᐅᔪᑦ ᐊᑐᖅᑐᐊᕈᑎᓂᑦ

ᐊᑐᖅᑐᐊᕈᑎᑦ ᓇᓗᓇᐃᖅᑕᐅᕙᓐᓂᐊᖅᐳᑦ ᑐᓐᖓᕕᒋᓗᒍ ᒫᓐᓇᐅᔪᖅ ᐊᖏᖅᑕᐅᓯᒪᔪᖅ ᓄᓇᕘᒧᑦ ᐊᑐᖅᑐᐊᕈᑎᑦ ᐊᑭᖏᑦ. ᓇᓗᓇᐃᖅᑕᐅᔪᑦ ᐊᑭᑭᓪᓕᒋᐊᕈᔾᔭᐅᔪᑦ (ᐊᑐᖅᑐᐊᒐᐃᑦ ᒥᑭᓪᓕᒋᐊᖅᑕᐅᓂᖏᑦ ᐊᖏᓛᖑᒍᓐᓇᖅᑐᓂᑦ) ᑐᓐᖓᕕᖃᕆᐊᖃᖅᐳᑦ ᑮᓇᐅᔭᖅᑖᖑᕙᒃᑐᓂᑦ ᓇᓗᓇᐃᖅᑕᐅᓯᒪᔪᓂᑦ.

ᐃ) ᑎᒥᐅᔪᖅ ᐊᑭᓖᑎᑦᑎᖃᑦᑕᕆᐊᖃᖅᑎᑕᐅᕗᖅ ᐊᑐᖅᑐᐊᕈᑎᓂᑦ ᒪᓕᓪᓗᒋᑦ ᐊᑭᓖᑎᑦᑎᒍᑎᑦ ᐃᓄᓕᒫᓄᑦ ᐃᒡᓗᓂᑦ ᐊᑐᖅᑐᐊᕈᑎᓂᑦ ᐊᒻᒪ ᐊᑐᖅᑐᐊᖅᑐᑦ ᓱᕋᐃᓂᕐᒧᑦ ᐊᑭᓕᒃᓴᖃᕐᓂᕐᒧᓪᓗ ᐊᑐᐊᒐᕐᒥᒃ ᐊᒻᒪ ᑐᑭᓕᐊᕈᑎᓂᑦ.

ᐅ) ᐊᑐᖅᑐᐊᕈᑎᑦ ᐊᑭᓕᖅᑕᐅᔭᕆᐊᓖᑦ ᐊᒻᒪ ᐊᑭᓕᖅᑕᐅᔪᖅ ᑕᒪᑐᒨᓇ ᐊᖏᖃᑎᒌᒍᑎᑎᒍᑦ ᑎᒥᐅᔪᒧᑦ ᐱᖁᑎᒋᔭᐅᓇᕋᖅᑕᐅᕗᑦ. ᐊ) ᐊᑐᖅᑐᐊᕈᑎᓄᑦ ᑮᓇᐅᔭᖅᑖᑦ ᓇᓗᓇᐃᖅᑕᐅᕙᓐᓂᐊᖅᐳᑦ ᓇᓗᓇᐃᖅᑕᐅᓗᑎᑦ ᐊᑐᖅᑐᐊᕈᑎᑦ ᐱᔭᐅᔪᑦ ᑲᓇᑕᒥ

ᐃᒡᓗᓕᕆᔨᖅᔪᐊᒃᑯᓐᓂᑦ ᑲᑐᔾᔭᐅᖃᑕᐅᔪᓄᑦ ᐃᒡᓗᓄᑦ ᐊᒻᒪᓗ ᐃᒡᓗᓄᑦ ᐃᒡᓗᓕᕆᔨᖅᔪᐊᒃᑯᓐᓄᑐᐊᖅ ᐊᑭᓕᖅᓱᖅᑕᐅᔪᓄᑦ.

5. ᐊᐅᓚᑦᑎᓂᖅ ᐊᑭᓕᖅᑕᐅᔪᓐᓇᖏᑦᑐᓂᑦ ᐊᑭᓕᒃᓴᓂᑦ

ᐃ) ᑎᒥᐅᔪᖅ ᐸᕐᓇᐅᑎᓕᐅᖃᑦᑕᕆᐊᖃᖅᐳᖅ ᐊᑭᓖᑎᑦᑎᖃᑦᑕᕐᓂᕐᒥᒃ ᐊᑐᖅᑐᐊᒐᓂᑦ, ᐊᑐᖅᑐᐊᖅᑎᓄᑦ ᓱᕋᐃᓂᕐᒧᑦ ᐊᓯᖏᓐᓂᓪᓗ ᐊᑭᓕᕆᐊᓕᓐᓂᑦ, ᐊᓯᐊᑎᒍᑦ ᐊᑭᓕᖅᑕᐅᔪᓐᓇᖏᓐiᕋᖅᑕᐅᔪᓂᑦ.

ᐅ) ᐃᒡᓗᓕᕆᔨᖅᔪᐊᒃᑯᑦ ᑮᓇᐅᔭᖃᖅᑎᑦᑎᓂᐊᖅᐳᑦ ᑎᒥᐅᔪᒥᒃ ᐊᑭᓕᖅᑕᐅᔪᓐᓇᐃᓕᔪᓂᑦ ᑮᓇᐅᔭᖃᕐᕕᒻᒥᒃ. (ᐊᖏᖅᑕᐅᓯᒪᔪᖅ ᑮᓇᐅᔭᖅᑐᕈᑎᒃᓴᖅ ᑐᓐᖓᕕᖃᖅᐳᖅ ᐊᑐᖅᑐᐊᕈᑎᓄᑦ ᑮᓇᐅᔭᖅᑖᒃᓴᓂᑦ ᓄᓇᓕᓐᓂ ᐃᒡᓗᓕᕆᔨᒃᑯᑦ ᓇᓚᐅᒃᓵᖅᓯᒪᔭᖏᓐᓂᑦ ᐊᑐᖅᑐᐊᕈᑎᑦ ᓇᓗᓇᐃᖅᑕᐅᓯᒪᓂᖏᓐᓂᑦ ᐊᕐᕌᒍᒧᑦ ᐊᑐᖅᑐᒧᑦ, ᐃᓚᓐᖓᕐᓗᒍ 3% ᐱᕕᒃᓴᖅ ᐊᑭᓕᖅᑕᐅᔪᓐᓇᐃᓕᔪᓂᑦ ᐊᑭᓕᒃᓴᓂᑦ.

6. ᓄᑖᓂᑦ ᐊᒻᒪ ᑕᐅᖅᓰᒍᑎᓂᑦ ᐃᒡᓗᒃᓴᖅᑖᕐᓂᖅ

ᐃ) ᐃᒡᓗᓕᕆᔨᖅᔪᐊᒃᑯᑦ ᑐᓂᓯᓂᐊᖅᐳᖅ ᑎᒥᐅᔪᒧᑦ ᑐᓴᒐᒃᓴᓂᑦ ᐊᒻᒪ ᐅᖃᖃᑎᖃᕐᓗᑎᑦ ᐊᒻᒪ ᑐᓴᕈᒪᓂᐊᕐᓗᑎᑦ ᓄᑖᓂᑦ ᐊᒻᒪ ᑕᐅᖅᓰᒍᑎᓂᑦ ᓇᒻᒥᓂᒃᓴᓂᑦ ᐊᒻᒪ ᐊᑐᖅᑐᐊᒐᒃᓴᓂᑦ ᐃᒡᓗᓂᑦ ᐃᓚᔭᐅᓂᐊᖅᑐᓂᑦ ᐊᑐᖅᑐᐊᒐᐅᔪᓄᑦ ᐃᒡᓗᓄᑦ.

ᐅ) ᑎᒥᐅᔪᖅ ᐊᖏᖅᐳᖅ ᓄᐊᑦᑎᓂᐊᕐᓗᑎᑦ ᐊᒻᒪ ᑐᓂᓯᓗᑎᑦ ᑐᓴᒐᒃᓴᓂᑦ ᐃᒡᓗᓕᕆᔨᖅᔪᐊᒃᑯᓐᓄᑦ ᒫᓐᓇᐅᔪᖅ ᐱᔭᕆᐊᖃᖅᑐᓂᑦ ᐃᒡᓗᓂᑦ ᐊᑐᖅᑐᐊᖅᑎᑕᒥᓄᑦ ᐊᒻᒪ ᑐᒃᓯᕋᖅᑐᓄᑦ.

7. ᑲᒪᒋᔭᐅᓂᕐᒧᑦ ᐋᖅᑭᒃᓯᒪᔪᑦ

ᐃ) ᑎᒥᐅᔪᖅ ᓱᕋᒃᓯᒪᔪᓕᕆᕙᓐᓂᐊᖅᐳᖅ ᐱᔨᑦᑎᕋᕐᓗᓂᓗ ᐃᒡᓗᓄᑦ ᐋᖅᑭᒃᑕᐅᓯᒪᔪᑦ ᐊᑐᕐᓗᒋᑦ, ᓯᕗᓪᓕᐅᔪᒃᓴᐅᔪᑦ ᐊᒻᒪ ᐅᓪᓗᖅᓯᐅᑎᑦ ᑲᒪᒋᔭᖃᕐᓂᕐᒧᑦ ᐊᐅᓚᑦᑎᒍᑎᓃᑦᑐᓂᑦ;

ᐅ) ᑎᒥᐅᔪᖅ ᐊᑐᓂ ᑲᒪᒋᔭᖃᕐᓂᕐᒧᑦ ᐊᓪᓚᑦᑕᐅᕝᕕᖃᕐᓂᐊᖅᐳᖅ ᐃᒡᓗᓄᑦ, ᐊᑐᐃᓐᓇᐅᓂᐊᖅᑐᑎᓪᓗ ᕿᒥᕐᕈᔭᐅᔪᓐᓇᕐᓗᑎᑦ ᐃᒡᓗᓕᕆᔨᖅᔪᐊᒃᑯᓐᓄᑦ ᖃᐅᔨᒃᑲᖅᑕᐅᓚᐅᖅᑎᓪᓗᒋᑦ.

ᐊ) ᑎᒥᐅᔪᖅ ᑐᓂᓯᕙᓐᓂᐊᖅᐳᖅ ᐃᒡᓗᓕᕆᔨᖅᔪᐊᒃᑯᓐᓄᑦ ᐊᕐᕌᒍᑕᒫᑦ ᐃᒡᓗᐃᑦ ᖃkᐃᓕᖓᓂᖏᑕ ᓇᓗᓇᐃᔭᖅᑕᐅᓂᖏᑕ ᐅᓂᒃᑳᒥᒃ, ᑲᒪᒋᔭᐅᓂᕐᒧᑦ ᐱᓕᕆᓂᕐᒧᑦ ᐅᓂᒃᑳᒥᒃ ᐊᒻᒪᓗ ᐃᒡᓗᐃᑦ ᐊᑐᓂ ᐅᓂᒃᑳᒥᒃ ᓇᓗᓇᐃᖅᑕᐅᓯᒪᔪᑦ ᑲᒪᒋᔭᐅᓂᕐᒧᑦ ᐊᐅᓚᑦᑎᓂᕐᒧᑦ ᐅᖃᓕᒫᒐᕐᒥ.

ᐱ) ᑎᒥᐅᔪᖅ ᖃᐅᔨᓴᕆᐊᖅᐸᓐᓂᐊᖅᐳᖅ ᐃᒡᓗᓕᒫᓂᑦ ᐊᕐᕌᒍᑕᒫᑦ. ᐃᒡᓗᓕᕆᔨᖅᔪᐊᒃᑯᑦ ᓂᕈᐊᖅᓯᕙᓐᓂᐊᖅᐳᑦ ᐃᒡᓗᐃᑦ ᐃᓚᖏᓐᓂᑦ ᐊᑐᓂ ᓄᓇᓕᓐᓂ ᐊᕐᕌᒍᑕᒫᑦ ᐊᑕᐅᓯᐊᕐᓗᑎᑦ ᒪᓕᒃᑕᐅᑦᑎᐊᕋᓗᐊᕐᒪᖔᑕ ᑲᒪᒋᔭᖃᕐᓂᕐᒧᑦ ᐋᖅᑭᒃᑕᐅᓯᒪᔪᑦ.

8. ᐃᒡᓗᖃᖅᑎᑕᐅᔪᓄᑦ ᓱᕋᖅᑕᐅᓂᑯᐃᑦ

ᐃ) ᐊᐅᓚᑦᑎᓗᑎᑦ ᑎᒥᐅᔪᖅ ᓱᕋᖅᓯᒪᔪᓕᕆᕙᓐᓂᐊᖅᐳᖅ ᐃᒡᓗᓂᑦ ᓱᕋᒃᑕᐅᓂᑯᒥᓂᕐᓂᑦ ᐃᒡᓗᖃᖅᑎᑕᐅᔪᓄᑦ.

ᐅ) ᑎᒥᐅᔪᖅ ᒪᓕᑉᐸᓐᓂᐊᖅᐳᖅ ᐊᑭᓃᑎᑦᑎᓂᕐᒧᑦ ᐃᓄᓕᒫᓄᑦ ᐃᒡᓗᓂᑦ ᐊᑐᖅᑐᐊᑦᑎᑦᑎi3u4 ᐊ7m ᐊᑐᑦᑐᐊᑦᑐᒧᑦ ᑐᕋᒃᑕᐅᓂᑯᓂᑦ ᐊᑭᓕᒃᓴᓂᑦ ᐊᑐᐊᒐᕐᒥᒃ ᐊᑭᓖᑎᑦᑎᓂᕐᒥᒃ ᓱᕋᒃᓯᒪᔪᓕᕆᔭᐅᔪᓂᑦ ᐃᒡᓗᖃᖅᑎᑕᐅᔪᓄᑦ ᓱᕋᒃᑕᐅᓂᑯᓂᑦ.

9. ᐃᒡᓗᖃᖅᑎᑕᐅᔪᒃᓴᓂᑦ ᓂᕈᐊᖅᓯᓂᖅ

ᐃ) ᑎᒥᐅᔪᖅ ᐊᑐᖃᑦᑕᕐᓂᐊᖅᐳᖅ ᐊᑐᖅᑐᐊᒐᕐᓂᑦ ᐃᒡᓗᓂᑦ ᐊᒡᒍᖅᑐᐃᓂᕐᒧᑦ ᐃᓕᖅᑯᓯᕐᒥᒃ, ᐋᖅᑭᒋᐊᖅᑕᐅᖃᑦᑕᕐᓂᖓ ᖃᑯᑎᒃᑯᑦ ᒪᓕᓪᓗᒍ, ᑐᓂᐅᖅᑲᐃᓕᕌᖓᑕ ᐃᒡᓗᓂᑦ.

ᐅ) ᑎᒥᐅᔪᖅ ᐊᓪᓚᒃᓯᒪᔪᖁᑎᖃᕐᓂᐊᖅᐅᖅ ᓇᓗᓇᐃᔭᐅᑎᓂᓪᓗ ᑕᑕᑎᕆᐊᓕᓐᓂᑦ ᑐᒃᓯᕋᖅᑐᓕᒫᓄᑦ ᐊᒻᒪ ᐋᖅᑭᒃᑕᐅJᓕᒫᓄᑦ ᒪᓕᓪᓗᒍ ᓇᓗᓇᐃᔭᑦ ᐃ, 11 (ᐊ).

ᐊ) ᑎᒥᐅᔪᖅ ᐊᑐᓂ ᐊᑐᖅᑐᐊᖅᑎᓂᑦ ᐊᓪᓚᑦᑕᐅᕝᕕᖃᖅᑎᑦᑎᓂᐊᖅᐳᑦ, ᕿᒥᕐᕈᔭᐅᔪᓐᓇᖅᑐᓂᑦ ᐃᒡᓗᓕᕆᔨᖅᔪᐊᒃᑯᓐᓄᑦ ᖃᐅᔨᒃᑲᖅᑕᐅᓚᐅᖅᑎᓪᓗᒋᑦ.

10. ᐱᓇᓱᐊᒐᕐᓂᑦ ᐅᓂᒃᑳᑦ

ᐊᕐᕌᒍᑕᒫᑦ ᖃᐅᔨᓴᕐᓂᐅᑉ, ᑮᓇᐅᔭᐃᑦ ᐅᓂᒃᑳᑦ ᐊᓯᖏᓪᓗ ᐱᓇᓱᐊᒐᐃᑦ ᐅᓂᒃᑳᑦ ᖄᒃᑲᓐᓂᐊᒍᑦ ᓇᓗᓇᐃᖅᑕᐅᓯᒪᔪᑦ ᐅᕙᓂ ᐊᖏᖃᑎᒌᒍᑎᒥ, ᑎᒥᐅᔪᖅ ᐱᓇᓱᐊᒐᕐᓂᑦ ᐅᓂᒃᑳᓕᐅᖅᐸᓐᓂᐊᖅᐳᖅ, ᐅᑯᐊ ᐱᖃᓯᐅᑎᓗᒋᑦ:

ᐃ) ᑕᖅᑭᑕᒫᑦ ᑮᓇᐅᔭᐃᑦ ᐅᓂᒃᑳᖏᓐᓂᑦ, ᐋᖅᑭᒃᑕᐅᓯᒪᔪᑦ ᓄᓇᓕᓐᓂ ᐃᒡᓗᓕᕆᔨᓄᑦ/ᐊᐅᓚᑦᑎᔪᓄᑦ ᑮᓇᐅᔭᓕᕆᓂᕐᒥ

ᐅᖃᓕᒫᒐᕐᒥ;

ᐅ) ᑕᖅᑭᑕᒫᑦ ᐊᓯᐊᒍᓪᓘᓐᓃᑦ ᐱᔭᕆᐊᖃᖅᑎᑕᐅᔪᒃᑯᑦ:

(I) ᑐᑭᓯᒋᐊᕈᑎᑦ ᓴᖅᑭᖅᑕᐅᔪᑦ ᐊᑐᖅᑐᐊᒐᐃᑦ ᐊᑭᖏᓐᓂᑦ, ACCPAC, MMOS ᐊᓯᖏᓐᓄᓪᓗ ᖃᕆᓴᐅᔭᒃᑰᕈᑎᓂᑦ ᐊᑐᖅᑕᐅᔭᒃᑐᑦ ᑎᒥᐅᔪᒧᑦ. ᖃᕆᓴᐅᔭᒃᑯᑦ ᑕᒪᒃᑯᐊ ᑐᑭᓯᒋᐊᕈᑎᑦ Nᓕᖅᑲᖏᑦ ᑐᓂᔭᐅᖔᕈᓐᓇᖅᐳᑦ ᑎᑎᕋᖅᓯᒪᔪᑦ ᐱᓐᖏᖔᕐᓗᒋᑦ.

(II) ᑲᑎᒪᔩᑦ ᐊᒻᒪ ᑲᑎᒪᔨᕋᓛᑦ ᑲᑎᒪᐅᑎᒥᓂᖏᑦ ᑲᑎᒪᓂᓕᒫᖏᓐᓄᑦ ᐱᓕᕆᑎᓪᓗᒋᑦ ᐃᒡᓗᐃᑦ ᑐᓂᐅᖅᑲᖅᑕᐅᓂᖏᓐᓄᑦ, ᑐᒃᓯᕋᖅᑐᓂᑦ ᓈᓴᐅᓯᖅᓱᐃᓂᕐᒧᑦ, ᑮᓇᐅᔭᓕᕆᔾᔪᑎᓂᑦ ᐊᒻᒪ ᐃᖅᑲᓇᐃᔭᖅᑐᓕᕆᔾᔪᑎᓂᑦ.

(III) ᐃᒡᓗᒃᓴᓂᑦ ᐅᑕᖅᑭᔪᑦ ᐱᖃᓯᐅᑎᓗᒋᑦ ᓈᓴᐅᑎᖃᖅᑎᑕᐅᓂᖏᑦ, ᐃᒡᓗᕈᓯᖃᕆᐊᖃᕐᓂᖏᑦ ᐊᒻᒪ ᑐᒃᓯᕋᕐᓂᖏᑕ ᐅᓪᓗᖏᓐᓂᑦ ᑐᒃᓯᕋᖅᑐᒥᓂᓕᒫᓂᑦ ᐃᓄᓕᒫᓄᑦ ᐃᒡᓗᒃᓴᒥᒃ.

ᐊ) ᑲᒪᒋᔭᐅᓂᕐᒧᑦ ᐅᓂᒃᑳᖅ ᓇᓗᓇᐃᖅᑕᐅᓯᒪᔪᑦ ᓇᓗᓇᐃᔭᐅᑦ ᐃ, 7(ᐊ)-ᒥ ᑐᓂᔭᐅᔪᒃᓴᐅᕗᑦ ᐊᖏᖅᑕᐅᓯᒪᔪᒥᒃ ᖃᐅᔨᓴᖅᑕᐅᓯᒪᔪᒥᒃ ᑮᓇᐅᔭᐃᑦ ᐅᓂᒃᑳᖏᑦ ᐱᖃᓯᐅᔾᔭᐅᓗᑎᑦ ᐊᒻᒪ ᑐᒃᓯᕋᖅᑕᐅᒑᖓᑕ ᐃᒡᓗᓕᕆᔨᖅᔪᐊᒃᑯᓐᓄᑦ.

11 ᐊᓪᓚᑦᑕsᓯᒪᔪᓂᑦ ᐊᐅᓚᑦᑎᓂᖅ ᐊᒻᒪ ᐅᓂᒃᑳᓕᐅᕐᓂᖅ

ᐃ) ᑎᒥᐅᔪᖅ ᐊᑕᖏᐅᒪᔪᓂᑦ ᐊᓪᓚᑦᑕᐅᓯᒪᔪᖁᑎᖃᕐᓂᐊᖅᐳᖅ ᐃᒡᓗᓄᑦ ᐋᖅᑭᒃᑕᐅᔪᓕᒫᓂᑦ, ᐊᑐᓂ ᐊᑐᖅᑐᐊᖅᑎᑕᐅᔪᓄᑦ, ᑮᓇᐅᔭᓕᕆᔾᔪᑕᐅᔪᓕᒫᓂᑦ ᒪᓕᓪᓗᒋᑦ ᑮᓇᔭᓕᕆᓂᕐᒧᑦ ᐃᓕᖅᑯᓯᐅᕙᒃᑐᑦ, ᑲᒪᒋᔭᐅᔪᓄᑦ ᐊᑐᖅᑕᐅᔪᓕᒫᓂᑦ ᐊᑐᓂ ᐃᒡᓗᓄᑦ ᐊᒻᓗ ᐱᖁᑎᓕᒫᓄᑦ ᓴᖅᑭᑕᐅᓯᒪᔪᑦ ᑕᒪᑐᒨᓇ ᐊᖏᖃᑎᒌᒍᑎᑎᒍᑦ.

ᐅ) ᑎᒥᐅᔪᖅ ᑐᓂᓯᕙᓐᓂᐊᖅᐳᖅ ᐃᒡᓗᓕᕆᔨᖅᔪᐊᒃᑯᓐᓄᑦ ᐅᓂᒃᑳᓂᑦ ᐊᐅᓚᑦᑎᖃᑦᑕᕐᓂᕐᒧᐊᖓᔪᓂᑦ ᐃᒡᓗᓂᑦ ᓇᓗNᐃᖅᑕᐅᓯᒪᔪᑦ ᑕᕝᕙᓂ ᐊᖏᖃᑎᒌᒍᒻᒥ.

ᐊ) ᑎᒥᐅᔪᖅ ᐱᓯᒪᑦᑎᕙᓐᓂᐊᖅᐳᖅ ᐊᓪᓚᑕᐅᓯᒪᔪᓕᒫᓂᑦ ᑮᓇᐅᔭᓄᐊᖓᔪᓂᑦ ᐊᒻᒪ ᐱᓇᓱᐊᒐᒧᐊᖓᔪᓂᑦ ᐊᐅᓚᑦᑎᓂᕐᒥᒃ ᑕᒪᑐᒥᓐᖓ ᐊᖏᖃᑎᒌᒍᑎᒥᒃ ᐅᑭᐅᓂᑦ ᒥᑭᓂᖅᐹᒥᒃ 7-ᓂᑦ.

12. ᐃᑭᑦᑐᒥᓃᑦ

ᐃ) ᑎᒥᐅᔪᖅ ᑐᓴᖅᑎᑦᑎᕙᓐᓂᐊᖅᐳᖅ ᐃᒡᓗᓕᕆᔨᖅᔪᐊᒃᑯᓐᓂᑦ ᖃᓄᑐᐃᓐᓇᖅ ᐃᑭᑦᑐᒥᓂᕐᓂᑦ ᐃᓄᓕᒫᓄᑦ ᐃᒡᓗᓄᑦ ᐃᑲᕐᕋᐃᑦ 24 ᐃᓗᐊᓂ. ᑎᒥᐅᔪᖅ ᐃᑭᑦᑐᒥᓂᕐᒧᑦ ᐅᓂᒃᑳᓕᐅᕐᓂᐊᖅᐳᖅ ᐃᒡᓗᓕᕆᔨᖅᔪᐊᒃᑯᓐᓄᑦ ᐅᓪᓗᐃᑦ 14 ᐃᓗᐊᓂ.

ᐅ) ᑎᒥᐅᔪᖅ ᓴᐳᑎᑦᑎᒋᐊᕐᓂᐊᖅᐳᖅ ᓇᓪᓕᐊᓐᓂᒃ ᐃᒡᓗᒥᒃ ᐃᑭᑦᑐᖃᖅᑐᒥᓂᕐᒥᒃ.

ᐊ) ᑎᒥᐅᔪᖅ ᐃᓛᒃᑰᖅᑐᓂᑦ ᐊᖏᖃᑎᒌᒍᑎᑖᕈᓐᓇᖅᐳᖅ ᐃᒡᓗᓕᕆᔨᖅᔪᐊᒃᑯᓐᓂᑦ ᐊᐅᓚᑦᑎᓂᕐᒥᒃ ᓱᕋᒃᓯᒪᔪᓕᕆᓂᕐᒥᒃ ᐃᒡᓗᓄᑦ ᓱᕋᒃᑕᐅᔪᓄᑦ ᐃᑯᒪᒧᑦ.

ᓇᓗᓇᐃᔭᐅᑦ ᐅ:

ᐃᖅᑲᓇᐃᔭᖅᑎᓄᑦ ᐃᒡᓗᖃᖅᑎᑦᑎᒍᑏᑦ

ᓄᓇᕘᒥ ᐃᒡᓗᓕᕆᔨᖅᔪᐊᒃᑯᑦ (ᑕᒪᑐᒪᓂ ᑕᐃᔭᐅᓂᐊᖅᑐᑦ ᐃᒡᓗᓕᕆᔨᖅᔪᐊᒃᑯᑦ) ᒫᓐᓇ ᐊᐅᓚᑦᑎᕙᑉᐳᑦ ᓇᒻᒥᓂᕆᔭᓂᑦ ᐊᒻᒪ ᐊᑐᖅᑐᐊᖅᑕᓂᑦ ᐃᒡᓗᓂᑦ ᐃᖅᑲᓇᐃᔭᖅᑎᖏᓐᓄᑦ ᐃᒡᓗᓂᑦ ᐊᒻᒪ ᐅᐃᒍᓕᕇᓄᑦ ᓄᓇᕘᓕᒫᒥ.

ᐃᒡᓗᓕᕆᔨᖅᔪᐊᒃᑯᑦ ᐊᖅᑯᑎᖃᕈᒫᓐᓂᐊᖅᓯᒪᕗᑦ ᓄᓇᓕᓐᓂ ᐃᒡᓗᓕᕆᔨᓂᑦ ᓄᓇᓕᓕᒫᓂ (ᑕᒪᑐᒪᓂ ᑕᐃᔭᐅᓂᐊᖅᑐᑦ ᐃᖅᑲᓇᐃᔭᖅᑎᓄᑦ ᐃᒡᓗᓕᕆᔨ) ᐊᐅᓚᑦᑎᖁᓪᓗᒋᑦ ᑕᒪᒃᑯᓂᓐᖓ ᐃᒡᓗᓂᑦ ᑭᒡᒐᖅᑐᐃᓗᑎᑦ ᐃᒡᓗᓕᕆᔨᖅᔪᐊᒃᑯᓐᓂᑦ.

ᐃᒡᓗᐃᑦ ᑐᓂᐅᖅᑲᖅᑕᐅᕙᓐᓂᐊᖅᐳᑦ ᓄᑖᓄᑦ ᐊᒻᒪ ᐱᑕᖃᑦᑕᐅᑎᒋᔪᓄᑦ ᐊᑐᖅᑐᐊᖅᑎᓄᑦ ᐃᒡᓗᓕᕆᔨᖅᔪᐊᒃᑯᓐᓄᑦ, ᐱᓗᐊᖅᑐᒥ ᐃᒡᓗᓂᑦ ᐊᐅᓚᑦᑎᔨ (ᑕᐃᔭᐅᓂᐊᖅᑐᖅ ᐊᐅᓚᑦᑎᔨ) ᐊᓯᓄᓪᓘᓐᓃᑦ ᑎᒃᑯᐊᖅᑕᐅᔪᒧᑦ ᐃᖅᑲᓇᐃᔭᖅᑎᒧᑦ ᒪᓕᒃᑕᐅᓗᓂ ᐃᖅᑲᓇᐃᔭᖅᑎᓄᑦ ᐃᒡᓗᖃᖅᑎᑦᑎᓂᕐᒧᑦ ᐊᑐᐊᒐᕐᒧᑦ ᑐᑭᓕᐊᕈᑎᓂᑦ.

ᓄᓇᓕᓐᓂ ᐃᒡᓗᓕᕆᔨᒃᑯᑦ ᑐᓴᖅᑎᑕᐅᕙᓐᓂᐊᖅᐳᑦ ᑐᓂᐅᖅᑲᖅᑕᐅᔪᓂᑦ ᐊᒻᒪ ᐃᒡᓗᓕᕆᔨᐅᑎᑕᐅᓗᑎᑦ ᐃᒡᓗᓕᕆᔨᖅᔪᐊᒃᑯᓐᓄᑦ ᑭᖑᓂᐊᒍᑦ ᐱᓕᕆᐊᖑᔪᓕᒫᓂᑦ ᐊᑐᖅᑐᐊᖅᑎᑕᐅᔪᓄᑦ.

ᑖᓐᓇᓗ ᐃᒡᓗᓕᕆᔨ ᓇᓕᖅᑲᖃᖅᑎᑦᑎᕙᓐᓂᐊᖅᐳᖅ ᑎᑎᖅᑲᓕᐊᖑᔪᓕᒫᓂᑦ ᐱᓕᕆᓂᖏᓐᓂ ᑕᒪᒃᑯᓂᓐᖓ ᑭᖑᕙᓐᖏᑦᑐᒥᒃ ᐃᒡᓗᓂᑦ ᐊᐅᓚᑦᑎᔨᒥᒃ. ᐅᑯᐅᖑᕗᑦ ᐊᑐᖅᑐᐊᒐᐃᑦ, ᐊᑎᓕᐅᕈᑎᑦ ᐃᓯᕐᓂᕐᒧᑦ/ᐊᓂᔪᓄᑦ, ᐃᒡᓗᐃᑦ ᐊᑐᖅᑐᖏᓐᓂᑦ ᓇᓗᓇᐃᔭᐅᑎᑦ ᐊᒻᒪ ᖃᐅᔨᒃᑲᐃᒍᑎᑦ ᐊᑐᖅᑐᐊᖅᑎᑕᐅᔪᓄᑦ. ᖃᑯᑎᒃᑯᑦ ᐊᓯᖏᓐᓂᑦ ᑐᓴᒐᒃᓴᖃᑐᐃᓐᓇᕆᐊᓕᒃ ᑐᒃᓯᕋᖅᑕᐅᒧᑦ ᐃᒡᓗᓂᑦ ᐊᐅᓚᑦᑎᔨᒧᑦ.

ᐃᒡᓗᓂᑦ ᐃᒡᓗᓕᕆᔨ, ᐊᖏᖅᑕᐅᓚᐅᖅᑎᓪᓗᒍ ᐃᒡᓗᓕᕆᔨᖅᔪᐊᒃᑯᓐᓄᑦ, ᑳᓐᑐᕌᒃᑎᑦᑎᔪᓐᓇᖅᐳᖅ ᑕᒪᑐᒪᐅᑉ ᓇᓗᓇᐃᔭᐅᑎᐅᑉ ᐃᓘᓐᓇᖓᓂᒃ ᐃᓚᖓᓂᓪᓘᓐᓃᑦ. ᐃᒡᓗᓕᕆᔨ ᑲᒪᖃᑦᑕᐃᓐᓇᕆᐊᖃᕐᓂᐊᖅᐳᖅ ᖃᓄᐃᑦᑕᕆᐊᖃᖅᑐᓕᒫᓂᑦ ᑕᒪᑐᒥᓐᖓ ᓇᓗᓇᐃᔭᐅᑎᒥᒃ.

ᐱᓕᕆᐊᒃiᑦ ᓇlᐃᖅᓯᒪᓂᖏᑦ

1. ᐱᔨᑦᑎᕋᐅᑎᑦ ᐃᒡᓗᓂᑦ ᐃᒡᓗᓕᕆᔨᒃᑯᓐᓂᑦ ᑐᒃᓯᕋᖅᑕᐅᔪᑦ:

ᐃ. ᐊᐅᓚᑦᑎᓂᖅ

i. ᐱᓯᒪᑦᑎᓂᖅ ᒫᓐᓇᓂᓴᕐᓂᑦ ᐊᑕᖏᖅᑐᓂᑦ ᐊᒻᒪ ᑕᒻᒪᖅᓯᒪᓐᖏᑦᑐᓂᑦ ᐊᓪᓚᑦᑕᐅᕕᓐᓂᑦ ᐃᒡᓗᓕᕆᔨᖅᔪᐊᒃᑯᑦ ᐃᖅᑲᓇᐃᔭᖅᑎᓕᒫᖏᓐᓂᑦ ᐃᒡᓗᓂᑦ ᐃᒡᓗᓕᕆᔨᐅᑉ ᐊᐅᓚᑕᖏᓐᓂᑦ ᑕᒪᑐᒪᓂ ᐊᖏᖃᑎᒌᒍᑎᒥ ᐊᑐᕐᓗᑎᑦ ᐃᒡᓗᓕᕆᔨᖅᔪᐊᒃᑯᑦ ᑕᑕᑎᕈᑎᖏᓐᓂᑦ ᐊᒻᒪ ᓇᓗᓇᐃᔭᐅᑎᖏᓐᓂᑦ.

ii. ᐊᑐᖅᑐᐊᖅᑎᑕᐅᔪᓄᑦ ᓈᒻᒪᓐᖏᓕᐅᕈᑕᐅᔪᑦ ᐊᒻᒪ ᐃᓱᒫᓘᑕᐅᔪᑦ ᐃᖅᑲᓇᐃᔭᕐᓇᐅᑉ ᐃᑲᕐᕋᖏᓐᓂ ᐱᓕᕆᕙᓪᓗᑎᑦ ᑎᑎᕋᕐᕕᒥᓂ ᐊᒻᒪᓗ ᐃᖅᑲᓇᐃᔭᖅᑎᖃᖅᐸᓪᓗᑎᑦ ᐱᔪᓐᓇᖅᑐᓂᑦ ᐃᑲᕐᕋᓂᑦ 24ᓂᑦ ᐱᓇᓱᐊᕈᓯᑕᒫᑦ ᑐᐊᕕᓐᓇᖅᑐᓕᕆᖁᓪᓗᒋᑦ. ᑐᐊᕕᓐᓇᖅᑑiᕋᖅᑕᐅᕗᑦ ᑭᓱᑐᐃᓐᓇᑦ ᓱᕋᔾᔪᑕᐅᔪᓐᓇᖅᑐᑦ ᐃᒡᓗᒧᑦ ᐅᕝᕙᓘᓐᓃᑦ ᐊᑦᑕᓇᖅᑐᖅ ᑎᒥᒧᑦ ᐊᑐᖅᑐᐊᖅᑐᒧᑦ.

iii. ᑭᒡᒐᖅᑐᐃᔨᒋᔭᐅᓗᓂ ᐃᒡᓗᓕᕆᔨᖅᔪᐊᒃᑯᓐᓄᑦ ᐱᓕᕆᓂᖃᖃᑕᐅᑎᓪᓗᒋᑦ ᓄᓇᕘᒥ ᐊᑐᖅᑐᐊᖅᑐᓕᕆᔨᒥᒃ. ᐃᒡᓗᓂᑦ ᐃᒡᓗᓕᕆᔨ ᑐᓂᓯᕙᓐᓂᐊᖅᐳᖅ ᑎᑎᖅᑲᐃᑦ ᓇᓕᖅᑲᖏᓐᓂᑦ ᐃᒡᓗᓂᑦ ᐊᐅᓚᑦᑎᔨᒧᑦ ᐊᒻᒪᓗ ᐊᑐᖅᑐᐊᖅᑐᓕᕆᔨᒧᑦ ᐱᔭᕆᐊᖃᖅᑐᑦ ᑐᓴᖅᑎᑦᑎᒍᑕᐅᔪᓂᑦ ᐊᒻᒪᓗ ᐃᒻᒪᖃᓗ ᐃᖅᑲᖅᑐᐃᒍᑕᐅᔪᓂᑦ.

iv. ᐱᓯᒪᑦᑎᓗᑎᑦ ᐊᑐᓂ ᐊᓪᓚᑕᐅᕕᒻᒥᒃ ᐱᖁᑎᓕᒫᓂᑦ ᐱᓕᕆᔾᔪᑎᓂᓪᓗ ᐊᑐᓂ ᐃᖅᑲᓇᐃᔭᖅᑎᓄᑦ ᐃᒡᓗᓂ, ᓄᓇᓕᓐᓂ ᐃᖅᑲᓇᐃᔭᖅᑏᑦ ᓯᕐᓗᐊᖓᓂ ᐊᒻᒪᓗ ᑲᑎᓯᒪᔪᒥᒃ ᐱᖁᑎᑦ ᐊᓪᓚᑕᐅᕕᒻᒥᒃ. ᐃᒡᓗᓕᕆᔨᖅᔪᐊᒃᑯᑦ ᖃᕆᓴᐅᔭᓯᐅᑎᒥᒃ ᑕᑕᑎᕈᑎᖃᖅᑎᑦᑎᓂᐊᖅᐳᑦ ᐊᑐᖅᑕᐅᔪᒃᓴᒥᒃ. ᐃᒡᓗᓂᑦ ᐃᒡᓗᓕᕆᔨ ᑐᓴᖅᑎᑦᑎᕙᓐᓂᐊᖅᐳᖅ ᐃᒡᓗᓂᑦ ᐊᐅᓚᑦᑎᔨᒥᒃ ᐱᖁᑎᑦ ᓄᑦᑎᖅᑕᐅᖃᑦᑕᕐᓂᖏᓐᓂᑦ ᐅᕝᕙᓘᓐᓃᑦ ᑕᐅᖅᓯᖅᑕᐅᓂᖏᓐᓂᑦ ᑕᖅᑭᑕᒫᑦ ᐅᓂᒃᑳᓕᐅᖅᐸᓐᓂᖓᑕ ᐃᓚᒋᔭᐅᓗᓂ ᐊᒻᒪᓗ ᑐᒃᓯᕋᕐᕕᐊᒑᖓᑕ.

v. ᑐᓴᖅᑎᑦᑎᕙᓪᓗᑎᑦ ᐃᒡᓗᓂᑦ ᐱᖁᑎᓖᑦ/ᐊᐅᓚᑦᑎᔩᑦ ᑲᒪᒋᔭᐅᔭᕆᐊᖃᖅgᓕᒫᓂᑦ, ᐊᑐᕐᓗᑎᑦ ᐅᖄᓚᐅᑎᑦ ᓈᓴᐅᑎᖏᓐᓂᑦ/ᖃᕆᓴᐅᔭᒃᑯᑦ ᑐᕌᕈᑎᖏᓐᓂᑦ ᑐᓂᔭᐅᖃᑦᑕᕐᓂᐊᖅᑐᒥᒃ ᐃᒡᓗᓂᑦ ᐊᐅᓚᑦᑎᔨᒧᑦ.

vi. ᖃᓄᖅᑑᖅᐸᓪᓗᑎᑦ ᑲᒪᒋᔭᐅᔭᕆᐊᓕᓐᓂᑦ ᑐᒃᓯᕋᐅᑕᐅᔪᓂᑦ ᑕᒪᒡ`rᓐᓂᒃ ᐊᑐᖅᑐᐊᖅᑎᓂᒃ ᐊᒻᒪᓗ Wᖁᑎᖃᖅᑐᓂᑦ/ᐊᐅᓚᑦᑎᔪᓂᑦ ᐊᒻᒪ ᑎᑎᕋᖅᓯᒪᔪᒥᒃ ᓇᓗᓇᐃᔭᐅᑎᖃᖅᑎᑦᑎᓗᑎᑦ ᐃᒡᓗᓂᑦ ᐊᐅᓚᑦᑎᔨᒧᑦ ᖃᕆᓴᐅᔭᑎᒍᑦ ᐅᕝᕙᓘᓐᓃᑦ ᓱᒃᑲᔫᒃᑯᑦ.

vii. ᐃᒡᓗᓂᑦ ᐃᒡᓗᓕᕆᔨ ᐊᑭoᒃᓴᓕᐅᖅᐸᓐᓂᐊᖅᐳᖅ ᐃᒡᓗᓕᕆᔨᖅᔪᐊᒃᑯᓐᓄᑦ ᐊᑭᓪᓗᐊᖓᓂᒃ ᐃᓚᓗᒍ 10%-ᒥᒃ ᑲᒪᒋᔭᐅᔾᔪᑎᓕᒫᓄᑦ, ᐊᑐᖅᑐᓄᑦ ᐊᒻᒪ ᓴᓇᔭᐅᔾᔪᑎᓄᑦ, ᐱᖃᓯᐅᑎᓗᒋᑦ ᐱᓕᕆᐊᖑᔪᑦ ᑭᒡᒐᑐᖅᑕᐅᓪᓗᑎᑦ ᐃᒡᓗᒥᒃ ᐱᖁᑎᓕᒃ/ᐊᐅᓚᑦᑎᔨ. ᐃᒡᓗᓕᕆᔨᖅᔪᐊᒃᑯᑦ ᐅᑎᖅᑎᑦᑎᒋᐊᕋᔭᖅᐳᑦ ᐃᒡᓗᒥᒃ ᐱᖁᑎᓕᒻᒥᒃ/ᐊᐅᓚᑦᑎᔨᒥᒃ.

viii. ᑕᑯᑎᑦᑎᕙᓪᓗᑎᑦ ᐃᖅᑲᓇᐃᔭᖅᑎᓄᑦ ᐃᒡᓗᓂᑦ ᐊᒻᒪᓗ ᐅᐃᕈᓕᕇᓂᑦ ᐊᑐᖅᑐᒃᓴᓄᑦ ᐊᒻᒪᓗ ᐃᒻᒪᖃᓗ ᓂᐅᕕᕈᒪᔪᓂᑦ.

ix. ᐃᓯᖅᐸᓪᓕᐊᔪᓂᑦ/ᐊᓂᕙᓪᓕᐊᔪᓂᑦ ᖃᐅᔨᓴᕐᓂᖃᖅᐸᓪᓗᑎᑦ ᐊᑐᓂ ᐊᑐᖅᑐᐊᖅᑐᕐᒥᒃ ᐱᒋᐊᖅᑎᑦᑎᓚᐅᓐᖏᓐᓂᖏᓐᓂ ᐊᑐᖅᑐᐊᓂᕐᒧᑦ ᐊᖏᖃᑎᒌᒍᑎᒥᒃ ᐊᒻᒪᓗ ᓄᖅᑲᐅᓯᓕᖅᑎᓪᓗᒋᑦ ᐊᑐᖅᑐᐊᕐᓂᐅᔪᒥᒃ. ᐃᒡᓗᓕᕆᔨᖅᔪᐊᒃᑯᑦ ᑕᑕᑎᕈᑎᓂᑦ ᑕᒪᑐᒧᖓ ᑐᓂᓯᓂᐊᖅᐳᑦ ᐃᖅᑲᓇᐃᔭᖅᑎᓄᑦ ᐃᒡᓗᓄᑦ ᐊᒻᒪ ᐊᑐᖅᑕᐅᓗᓂ. ᐃᒡᓗᓂᑦ ᐃᒡᓗᓕᕆᔨ ᓇᓗᓇᐃᖅᓯᕙᓐᓂᐊᖅᐳᖅ ᐊᑐᖅᑐᐊᖅᑎ ᐊᑎᓕᐅᕋᓗᐊᕐᒪᖔᖅ ᐃᓯᖅᐸᓪᓕᐊᒍᑎᒥᒃ ᑐᓂᓯᓚᐅᖅᑎᓐᓇᒍ ᐃᒡᓗᒥᒃ. ᐊᑐᖅᑐᐊᖅᑎ ᐊᑐᐃᓐᓇᐅᓐᖏᑉᐸᖅ ᐊᓂᕙᓪᓕᐊᓂᕐᒧᑦ ᖃᐅᔨᓴᕐᓂᐅᔪᒥᒃ, ᐃᒡᓗᓂᑦ ᐃᒡᓗᓕᕆᔨ ᐃᓛᒃᑰᖅᑐᒥᒃ ᑕᐃᑲᓃᖃᑎᖃᖅᑎᑦᑎᓂᐊᖅᐳᑦ.

x. ᓇᓗᓇᐃᖅᓯᓗᑎᑦ ᐊᑐᖅᑐᐊᖅᑐᐃᑦ ᑐᑭᓯᐊᒐᓗᐊᕐᒪᖔᑕ ᐊᑎᓕᐅᕋᓗᐊᕐᒪᖔᑕᓗ ᐊᑐᖅᑐᐊᖅᑎᑦᑎᓂᕐᒧᑦ ᐊᖏᖃᑎᒌᒍᑎᓂᑦ ᖃᐃᑕᐅᔪᓂᑦ ᐃᒡᓗᓕᕆᔨᖅᔪᐊᒃᑯᓐᓄᑦ. ᑕᒪᓐᓇ ᐊᑕᖏᖅᑕᐅᔭᕆᐊᖃᖅᐳᖅ ᐃᒡᓗᓂᑦ ᐃᒡᓗᓕᕆᔨ ᑐᓂᓯᓚᐅᖅᑎᓐᓇᒍ ᐃᒡᓗᒥᒃ. ᐃᒡᓗᓂᑦ ᐃᒡᓗᓕᕆᔨ ᐊᑎᓕᐅᖅᑕᐅᓯᒪᔪᒥᒃ ᓇᓕᖅᑲᖓᓂᒃ ᑐᓂᓯᕙᓐᓂᐊᖅᐳᖅ ᐊᑐᖅᑐᐊᖅᑎᒧᑦ, ᐱᓯᒪᒃᓯᓗᑎᓪᓗ ᐊᓪᓚᑕᐅᕕᒻᒥ ᐊᒻᒪ ᐊᑎᓕᐅᕐᕕᐅᔪᖅ ᓱᒃᑲᔫᒃᑰᕈᑎᒋᓗᒍ ᐃᒡᓗᓂᑦ ᐊᐅᓚᑦᑎᔨᒧᑦ.

xi. ᐋᖅᑮᓗᑎᑦ ᐊᑐᖅᑐᒃᓴᐃᑦ ᓄᑦᑎᖅᑕᐅᓂᖏᓐᓄᑦ ᓄᑖᓄᑦ/ᐊᓂᕙᓕᐊᔪᓄᑦ ᐊᑐᖅᑐᐊᖅᑎᓄᑦ. ᓄᑦᑎᖅᑕᐅᓂᕐᒧᑦ ᓇᓕᖅᑲᖏᓐᓂᒃ ᑐᓂᔭᐅᓗᓂ ᐃᒡᓗᓂᑦ ᐊᐅᓚᑦᑎᔨ. ᓇᓗᓇᐃᖅᓯᓗᓂ ᐊᑐᖅᑐᒃᓴᐃᑦ ᓄᑦᑎᖅᑕᐅᒐᓗᐊᕐᒪᖔᑕ ᐊᒻᒪ ᐊᑐᐃᓐᓇᐅᑎᑦᑎᕙᓪᓗᑎᑦ ᓄᑦᑎᕐᓂᕐᒧᑦ ᑕᑕᑎDᑎᒥᒃ ᐊᑐᖅᑐᐊᖅᑑᑉ ᐊᓪᓚᑕᐅᕝᕕᖓᓐᓂ ᓇᒃᓯᐅᔾᔭᐅᓗᓂᓗ ᐃᒡᓗᓂᑦ ᐊᐅᓚᑦᑎᔨᒧᑦ ᑕᖅᑭᐅᑉ ᓄᓐᖑᐊᓂ

ᖃᖓᒃᑯᓪᓘᓐᓃᑦ ᑐᒃᓯᕋᐅbsᕌᖓᑕ.

xii. ᖃᐅᔨᒋᐊᕐᓗᒋᑦ ᐊᑐᖅᑐᐊᖅᑎᒧᑦ ᓱCᒃᑕᐅᓂᑯᐃᑦ ᐱᑦᑕᐅᑎᒋᔪᒥᒃ, ᐊᒻᒪ ᓇᓚᐅᒃᓵᖅᑕᐅᔫᑉ ᐊᑭᖓᑕ ᓇᓕᖅᑲᖓᓂᒃ ᑐᓂᔭᐅᓗᓂ ᐊᑐᖅᑐᐊᖅᑎ ᐊᒻᒪ ᐃᒡᓗᓄᑦ ᐊᐅᓚᑦᑎᔨ. ᓴᓇᔾᔪᑕᐅᓯᒪᔪᑦ ᐊᒻᒪ ᐊᑭᓕᕆᐊᓕᓕᐊᑦ ᑐᓂᔭᐅᓂᐊᖅᐳᑦ ᐊᑐᖅᑐᐊᖅᑎᒧᑦ ᐊᒻᒪ ᓇᓕᖅᑲᖏᑦ ᓇᒃᓯᐅᔾᔭᐅᓗᑎᑦ ᐃᒡᓗᓄᑦ ᐊᐅᓚᑦᑎᔨᒧᑦ ᐱᔭᕇᖅᑕᐅᑐᐊᕌᖓᑕ.

xiii. ᐱᓯᒪᑦᑎᓗᑎᑦ ᑮᒃᓯᒪᒍᓯᑦᑎᐊᕙᓐᓂᑦ ᐃᒡᓗᓕᒫᓄᑦ, ᑐᓴᖅᑎᑦᑎᓗᑎᑦ ᐃᒡᓗᓂᑦ ᐊᐅᓚᑦᑎᔨᒥᒃ ᐊᓯᔾᔨᖅᑕᐅᔪᓂᑦ ᑮᖑᔪᓂᑦ.

xiv. ᐃᒡᓗᓂᑦ ᐊᐅᓚᑦᑎᔨ ᑐᓴᖅᑎᑦᑎᕙᓐᓂᐊᖅᐳᖅ ᐃᒡᓗᓂᑦ ᐃᒡᓗᓕᕆᔨᒥᒃ ᐊᑐᖅᑐᐊᖅᑐᑦ ᐊᓂᓂᐊᓕᕌᖓᑕ ᐃᒡᓗᒥᓐᓂᑦ. ᐃᒡᓗᓂᑦ ᐃᒡᓗᓕᕆᔨ ᑐᓴᖅᑎᑦᑎᑲᐅᑎᒋᕙᓐᓂᐊᖅᐳᖅ ᐃᒡᓗᓂᑦ ᐊᐅᓚᑦᑎᔨᒥᒃ ᖃᕆᓴᐅᔭᒃᑯᑦ ᐊᒻᒪ ᐅᖄᓚᐅᑎᒃᑯᑦ ᖃᐅᔨᑐᐊᕌᖓᑕ ᐃᒡᓗᒥᒃ ᐃᓄᖃᕈᓐᓃᖅᑐᒥᒃ ᓂᕆᐅᓇᓐᖏᑦᑐᒥᒃ ᐊᒻᒪᓗ ᐃᒻᒪᖃᓗ ᐊᑐᖅᑐᐊᖅᑎᒧᑦ ᓇᓗᓇᐃᕐᕕᐅᑉXᑕ ᓄᖅᑲᕐᓂᐊᕐᓂᖓᓂᒃ

ᐊᑐᖅᑐᐊᓂᕐᒧᑦ ᐊᖏᖃᑎᒌᒍᑎᒥᓂᒃ.

xv. ᐃᒡᓗᓂᑦ ᐃᒡᓗᓕᕆᔨ ᑐᓂᓯᕙᓐᓂᐊᖅᐳᖅ ᐃᒡᓗᓂᑦ ᐊᐅᓚᑦᑎᔨᒥᒃ ᓇᓚᐅᒃᓵᒐᕐᒥᒃ (ᖃᕆᓴᐅᔭᒃᑯ ᓱᒃᑲᔫᒃᑯᓪᓘᓐᓃᓐ) ᖃᖓᒃᑯᑦ ᐃᓄᖃᕈᓐᓃᖅᑐᖅ ᐃᓐᓄᑦᑕᐅᔪᓐᓇᖅᓯᒑᖓᑦ. ᓇᓗᓇᐃᖅᓯᓂᐊᖅᐳᑦ ᐃᓄᖃᕈᓐᓃᖅᑐᑦ ᖃᐅᔨᓴᖅᑕᐅᓂᖏᓐᓂᑦ, ᓱᕋᖅᓯᒪᔪᖅᓯᐅᖅᑕᐅᓯᒪᓂᖓᓐᓂᒃ, ᓴᓗᒻᒪᓴᖅᑕᐅᓯᒪᓂᖓᓂᒃ ᐊᒻᒪ ᐊᑐᐃᓐᓇᐅᓕᕐᓂᖓᓂᑦ ᐃᓄᒃᑕᐅᔪᓐᓇᖅᓯᓂᖏᓐᓄᑦ ᐅᓪᓗᐃᑦ

ᐃᖅᑲᓇᐃᔭᕐᓇᐃᑦ 5 ᐃᓗᐊᓂ ᐊᑐᖅᑐᐊᖅᑐᒥᓂᐅᑉ ᓴᒃᑯᐃᓂᖓᓂᒃ ᐃᒡᓗᒥᒃ. ᑭᖑᕙᕈᑕᐅᔪᑦ ᑕᒪᑐᒪᐅᑉ ᐅ9ᓗᐃᑦ 5 ᐅᖓᑖᓂ ᐅᖃᐅᓯᐅᔪᒃᓴᐅᕗᑦ ᐃᒡᓗᓂᑦ ᐊᐅᓚᑦᑎᔨᒧᑦ ᐱᔾᔪᑎᖓᓗ ᓇᓗᓇᐃᖅᑕᐅᓗᓂ.

xvi. ᖃᐅᑕᒫᑦ ᖃᐅᔨᓴᖅᐸᓪᓗᑎᑦ ᐃᓄᖃᓐᖏᑦᑐᓕᒫᓂᑦ ᐅᖅᑰᓴᑦᑎᐊᕋᓗᐊᕐᒪᖔᑕ ᐊᒻᒪᓗ ᑲᒪᒋᔭᐅᓗᑎᑦ ᓈᒻᒪᒋᔭᒥᒃ ᐃᒡᓗᓕᕆᔨᖅᔪᐊᒃᑯᓐᓄᑦ ᓇᓗᓇᐃᖅᑕᐅᓯᒪᓂᖓ ᒪᓕᓪᓗᒍ ᓯᒃᓯᐊᓐ ᐊ-ᒥ.

xvii. ᐊᕐᕌᒍᑕᒫᑦ ᖃᓄᐃᓐᓂᕆᔭᖓᓄᑦ ᓈᓴᐅᓯᖅᓱᐃᕙᓪᓗᑎᑦ ᐊᑐᕐᓗᑎᑦ ᐃᓄᓕᒫᓄᑦ ᐃᒡᓗᓄᑦ ᐋᖅᑭᒃᑕᐅᓯᒪᔪᑦ ᑕᒪᐃᓐᓄᑦ ᐃᖅᑲᓇᐃᔭᖅᑎᓄᑦ ᐃᒡᓗᓄᑦ. ᑕᒪᓐᓇ ᐱᔭᐅᖃᑦᑕᖅᑐᒃᓴᐅᕗᖅ ᔪᓚᐃ ᑕᒫᑦ ᐊᒻᒪ ᓇᒃᓯᐅᔾᔭᐅᓗᓂ ᐃᒡᓗᓄᑦ ᐊᐅᓚᑦᑎᔨᒧᑦ ᐋᒍᓯ 15ᖑᕋᓱᓐᓂᖓᓄᑦ ᐊᕐᕌᒍᑕᒫᑦ.

ᐅ. ᑲᒪᒋᔭᐅᒍᑏᑦ, ᓱᕋᒃᓯᒪᔪᖅᓯᐅᕈᑕᐅᔪᐃᑦ ᐊᓯᖏᓪᓗ ᐱᓕᕆᐊᖑᔪᑦ

ᐃᒡᓗᓕᕆᔨᖅᔪᐊᒃᑯᑦ ᐊᑭᓖᕙᓐᓂᐊᖅᐳᑦ ᓄᓇᓕᓐᓂ ᐃᒡᓗᓕᕆᔨᒃᑯᓐᓂᑦ ᐊᑭᓕᐅᑎᒥᓂᖏᓐᓄᑦ ᐃᓚᓗᒋᑦ 10%-ᒥᒃ ᐊᑐᖅᑐᓄᑦ ᐊᒻᒪ ᐃᖅᑲᓇᐃᔭᖅᑎᖃᕐᓂᕐᒧᑦ ᐊᑭᓕᐅᑎᓕᐊᖑᔪᓂᑦ

i. ᐃᒡᓗᓂᑦ ᐃᒡᓗᓕᕆᔨ ᑎᓕᐅᖅᑕᐅᓗᓂ ᐃᒡᓗᓂᑦ ᐊᐅᓚᑦᑎᔨᒧᑦ ᐱᔭᕆᐊᖃᖅᑐᓂᑦ ᑲᒪᒋᔭᖃᖅᐸᓐᓂᐊᖅᐳᖅ ᑲᒪᒋᔭᐅᑎᑕᐅᓯᒪᓐᖏᑦᑐᓂᑦ ᐱᖁᑎᓕᒻᒧᑦ/ᐊᐅᓚᑦᑎᔨᒧᑦ. ᐃᒡᓗᓂᑦ ᐃᒡᓗᓕᕆᔨ ᐊᑐᕈᓐᓇᖅᐳᖅ ᐱᖁᑎᒥᓂᑦ ᐅᕝᕙᓘᓐᓃᑦ ᑳᓐᑐᕌᒃᑎᓂᑦ ᑎᓕᐅᕈᑕᐅᔪᑦ ᑲᒪᒋᔭᐅᓂᖏᓐᓄᑦ.

ii. ᑐᑭᒧᐊᖅᑎᑦᑎᓗᑎᑦ ᐃᓚᒋᐊᕈᑕᐅᔪᓂᑦ ᐃᖅᑲᓇᐃᔭᖅᑎᓄᑦ ᐃᒡᓗᓂᑦ ᑐᒃᓯᕋᐅbsᕌᖓᑕ ᐊᒻᒪᓗ ᐊᖏᕈᑕᐅᒑᖓᑕ ᐃᒡᓗᓕᕆᔨᖅᔪᐊᒃᑯᓐᓄᑦ.

iii. ᑐᐊᕕᓐᓇᖅᑐᓕᕆᔭᓪᓗᑎᑦ, ᐱᔭᕆᐊᖃᕌᖓᑦ, ᑭᒡᒐᑐᕐᓗᒋᑦ ᐱᖁᑎᓖᑦ/ᐊᐅᓚᑦᑎᔩᑦ ᐱᖁᑎᐅᑉ ᐊᑐᖅᑕᐅᖏᓐᓇᕐᓂᒃᓴᖓᓄᑦ ᐅᕝᕙᓘᓐᓃᑦ ᓴᐳᒻᒥᑦᑎᓂᕐᒧᑦ ᐋᓐᓂᐊᓇᖅᑎᑕᐅᖁᓇᒍ ᐊᑦᑕᓇᖅᑎᑕᐅᖁᓇᒍᓗ ᐊᑐᖅᑐᐊᖅᑐᖅ. ᐃᒡᓗᓂᑦ ᐃᒡᓗᓕᕆᔨ ᖃᐅᔨᑲᐃᓂᐊᖅᐳᖅ ᐱᖁᑎᓕᒻᒥᒃ/ᐊᐅᓚᑦᑎᔨᒥᒃ ᐊᒻᒪ ᐃᒡᓗᓂᑦ ᐊᐅᓚᑦᑎᔨ ᑐᓴᖅᑎᑦᑎᓗᑎᑦ ᐱᓕᕆᐊᖑᔭᕆᐊᓕᓐᓂᑦ,

ᐱᖁᑎᓕᒃ/ᐊᐅᓚᑦᑎᔨ ᓇᓕᕌᕈᓐᓇᕐᓗᓂ ᑕᒪᒃᑯᐊ ᓱᕋᒃᓯᒪᔪᖅᓯᐅᖅᑕᐅᓂᐊᕐᓂᖏᓐᓂᑦ. ᓇᐅᒃᑯᑦ ᐱᑦᑕᐅtᒋᔭᐅᔪᖃᕆᐊᖃᖅᐸᑦ ᐃᒡᓗᒧᑦ, ᐃᒡᓗᓄᑦ ᐃᒡᓗᓕᕆᔨ ᐱᔭᕆᐊᖃᓗᐊᖅᑐᒥᒃ ᑭᓯᐊᓂ ᐱᓕᕆᓂᐊᖅᐳᖅ ᐃᒡᓗᓂᑦ ᐊᐅᓚᑦᑎᔨ ᐊᒻᒪᓗ ᐃᒻᒪᖃᓗ ᐱᖁᑎᓕᒃ/ᐊᐅᓚᑦᑎᔨ ᖃᐅᔨᒃᑲᖅᑕᐅᔪᓐᓇᖅᓯᓚᐅᓐᖏᓐᓂᖓᓂ.

2. ᑮᓇᐅᔭᐃᑦ

ᑮᓇᐅᔭᐃᑦ ᑐᓐᖓᕕᖃᖅᐳᑦ ᐃᖅᑲᓇᐃᔭᖅᑎᓄᑦ ᐃᒡᓗᐃᑦ ᖃᑦᑎᐅᓂᖏᓐᓂᑦ ᐊᐅᓚᑕᐅᓂᖃᖅᑎᑕᐅᔪᑦ.

ᓇᓗᓇᐃᔭᐅᑦ: ᐅᓇ ᐊᓯᔾᔨᑕᖅᑐᒥᒃ ᐊᑭᓕᐅᑎᖃᖅᑐᒥᒃ ᐊᖏᖃᑎᒌᒍᑎᐅᕗᖅ. ᐊᕐᕌᒍᒧᑦ ᐊᑕᖏᕐᓂᖓ ᐊᔾᔨᖃᑐᐃᓐᓇᕆᐊᓕᒃ ᐋᒡᒐᓘᓐᓃᑦ ᑮᓇᐅᔭᓂᑦ ᓇᓗᓇᐃᖅᑕᐅᔪᒥᒃ ᐊᒻᒪ ᐊᓯᔾᔨᑲᑕᑐᐃᓐᓇᕆᐊᓕᒃ ᐃᒡᓗᐃᑦ ᐃᓚᔭᐅᓂᖏᓐᓄᑦ ᐃᓚᓐᖓᖅᑕᐅᓂᖏᓐᓄᓪᓗ ᐃᖅᑲᓇᐃᔭᖅᑎᑦ ᐃᒡᓗᒋᔭᖏᓐᓂᑦ.

3. ᐱᔨᑦᑎᕈᑏᑦ ᖃᓄᐃᓕᖓᓂᖏᑦ ᐃ. ᐊᑐᖅᑐᑦ

i. ᐃᒡᓗᓂᑦ ᐃᒡᓗᓕᕆᔨ ᑐᑭᒧᐊᖅᑎᑦᑎᓂᐊᖅᐳᖅ ᐊᑐᖅᑐᓄᑦ ᐱᔨᑦᑎᕋᐅᑎᑦ ᓄᑦᑎᖅᑕᐅᓂᖏᓐᓂᑦ ᐊᑑᑎᖃᑐᐊᕌᖓᑕ ᐊᒻᒪᓗ ᐅᑉᐱᕐᓇᐅᑎᓂᑦ ᐱᓯᒪᑦᑎᓗᑎᑦ ᑕᐃᒪᓐᓇᒃ ᓄᑦᑎᕆᓂᕐᒥᒃ ᐊᒻᒪᓗ ᐊᓯᒃᑲᓐᓂᖏᓐᓂᑦ ᑐᒃᓯᕋᕐᕕᐅᒑᖓᑕ ᑕᒪᒃᑯᓂᓐᖓ ᐅᑉᐱᕐᓇᐅᑎᓂᑦ ᐃᒡᓗᓂᑦ ᐊᐅᓚᑦᑎᔨᒧᑦ.

• ᐃᒥᖅᑐᕈᑎᑦ/ᑭᓈᓗᓕᕆᔾᔪᑦ`tᑦ

• ᐊᑦᑕᖅᑐᐃᒍᑎᑦ

• ᐅᐊᔭᓕᕆᔾᔪᑎᑦ

ᐅ. ᑮᓇᐅᔭᓕᕆᔾᔪᑎᑦ

i. ᐃᒡᓗᓕᕆᔨᖅᔪᐊᒃᑯᑦ ᐅᑎᖅᑎᑦᑎᓂᐊᖅᐳᑦ ᐊᑭᓕᐅᑕᒥᓂᕐᓂᑦ, ᐊᖏᖅᑕᐅᓯᒪᓂᖏᑦ ᓯᕗᓂᐊᒍᑦ ᐃᒡᓗᓂᑦ ᐊᐅᓚᑦᑎᔨᒧᑦ, ᐃᒪᓐᓇᒃ ᓈᒻᒪᒃᑐᒥᒃ ᐃᒡᓗᓕᕆᔨᖅᔪᐊᒃᑯᓐᓄᑦ, ᐊᑭᓕᐅᑕᐅᔪᒥᓂᕐᓂᑦ ᐊᖏᖃᑎᒌᒍᑎᐅᑉ ᐱᕕᒃᓴᖓᑕ ᐃᓗᐊᓂ ᐊᒻᒪ ᐊᑭᓕᐅᑎᑦ ᓇᓕᖅᑲᖏᑦ ᐊᓪᓚᑦᑕᐅᓂᖏᓪᓗ ᐱᔭᕆᐊᓖᑦ ᑐᓐᓂᕆᔭᐅᓗᑎᑦ.

ii. ᐊᑭᒋᔭᐃᑦ ᐱᔨᑦᑎᕋᕐᓂᕐᒧᑦ ᐊᑭᓕᕆᐊᓕᓐᖑᖅᑎᑕᐅᓂᐊᖅᐳᑦ ᐃᒡᓗᓕᕆᔨᒃᑯᓐᓄᑦ, ᐅᓪᓗᖃᕐᓗᑎᑦ ᑭᖑᓪᓕᖅᐹᖓᑕ ᑕᖅᑭᒥ ᐊᑭᓕᒐᒃᓴᓕᐊᖑᓯᒪᓂᖓᑕ. ᐊᑭᓕᐅᑎᓕᐊᖑᔪᑦ ᑐᓐᓂᕆᔭᐅᓂᐊᖅᐳᑦ ᑭᓯᐊᓂ ᐊᑕᖏᖅᑐᒥᒃ ᑐᓂᔭᐅᓚᐅᖅᑎᓪᓗᒋᑦ ᑕᒪᕐᒥᒃ ᑕᒻᒪᖅᓯᒪᓐᖏᑦᑐᒥᒃ ᐅᓂᒃᑳᓕᐊᖑᔭᕆᐊᖃᖅᑐᑦ ᐊᑭᓕᒐᒃᓴᓕᐊᖑᓯᒪᔫᑉ ᐅᓪᓗᖏᓐᓂ.

ᐊ. ᐃᓄᖃᓐᖏᑦᑐᑦ ᐃᒡᓗᐃᑦ

i. ᐃᒡᓗᓂᑦ ᐃᒡᓗᓕᕆᔨ ᑲᒪᖃᑦᑕᕆᐊᖃᖅᐳᖅ ᓴᐳᔾᔭᐅᓯᒪᑎᑦᑎᓗᓂᓗ ᐃᓄᖃᓐᖏᑦᑐᓂᑦ ᐃᒡᓗᓂᑦ ᐱᕋᔭᑕᐅᔪᖃᖁᓇᒍ ᐊᒻᒪ ᐊᑐᖅᑐᖁᑎᖏᑦ ᑲᔪᓰᓐᓇᖁᓪᓗᒋᑦ. ᐃᓄᖃᓐᖏᑦᑐᓄᑦ ᐃᒡᓗᓄᖅ ᓱᕋᒃᓯᒪᔪᓕᒫᑦ ᐅᖃᐅᓯᐅᑲᐅᑎᒋᖃᑦᑕᕆᐊᖃᖅᐳᑦ ᐱᖁᑎᓕᒻᒧᑦ/ᐊᐅᓚᑦᑎᔨᒧᑦ ᐊᒻᒪᓗ ᐃᒡᓗᓂᑦ ᐊᐅᓚᑦᑎᔨᒧᑦ. ᐃᓄᖃᓐᖏᖅᓱᓕᒫᑦ ᖃᐅᔨᓴᖅᑕᐅᖃᑦᑕᕆᐊᖃᖅᐳᖅ ᖃᐅᑕᒫᑦ ᐅᖅᑰᓴᑦᑎᐊᕋᓗᐊᕐᒪᖔᑕ ᖁᐊᖅᑐᖃᖁᓇᒍ.

ii. ᐃᒡᓗᓂᑦ ᐃᒡᓗᓕᕆᔨ ᖃᐅᔨᒋᐊᖅᐸᓐᓂᐊᖅᐳᖅ ᐊᑐᓂ ᐃᓄᖃᓐᖏᑦᑐᓂᑦ (ᐅᖅᑰᓴᐅᑎᖃᕐᕕᖏᑦ ᐱᖃᓯᐅᑎᓗᒋᑦ) ᖃᐅᑕᒫᑦ. ᓇᓗᓇᐃᖅᓯᖃᑦᑕᕐᓂᐊᖅᐳᑦ ᐊᐅᓚᐅᑎᖃᖅᑐᓕᒫᑦ ᐊᐅᓚᑦᑎᐊᕋᓗᐊᕐᒪᖔᑕ. ᑭᓱᑐᐃᓐᓇᑦ ᓴᓇᔭᐅᔭᕆᐊᓖᑦ

ᐋᖅᑭᑦᑕᐅᑲᐅᑎᒋᖃᑦᑕᕆᐊᖃᖅᐳᑦ ᐅᖃᐅᓯᐅᓗᑎᓪᓗ ᐃᒡᓗᓂᑦ ᐊᐅᓚᑦᑎᔨᒧᑦ ᐅᕝᕙᓘᓐᓃᑦ ᐱᖁᑎᓕᒻᒧᑦ/ᐊᐅᓚᑦᑎᔨᒧᑦ ᑲᒪᒋᔭᐅᑲᐅᑎᒋᖁᓪᓗᒋᑦ. ᐃᒡᓗᓕᕆᔨ ᑲᔪᓯᑎᑦᑎᒋᐊᑲᐅᑎᒋᖃᑦᑕᕐᓂᐊᖅᐳᖅ ᓴᓇᔭᐅᔭᕆᐊᖃᖅᑐᓂᑦ ᑭᖑᕙᓐᖏᑦᑐᒥᒃ.

iii. ᐃᒡᓗᓂᑦ ᐃᒡᓗᓕᕆᔨ ᖃᐅᑕᒫᑦ ᐋᖅᑮᕙᓐᓂᐊᖅᐳᖅ ᖃᐅᔨᓴᖅᐸᓪᓗᓂᓗ ᓂᓪᓚᓱᒃᑐᖅᓯᐅᑎᓂᑦ ᖃᐅᒻᒪᖅᑯᑎᓂᑦ ᖃᐅᔨᓴᐅᑎᓂᓪᓘᓐᓃᑦ ᐃᓄᖃᓐᖏᑦᑐᓕᒫᓂᑦ ᖁᐊᖅᑐᖃᖁᓇᒍ ᐃᒥᖅᑐᕈᑎᓂᑦ ᓱᓪᓗᓕᓂᓪᓗ. ᐃᓄᖃᓐᖏᑦᑐᐃᑦ ᐃᒪᐃᔭᖅᑕᐅᖃᑦᑕᖁᔭᐅᕗᑦ.

iv. ᐃᒡᓗᓂᑦ ᐃᒡᓗᓕᕆᔨ ᑲᒪᖃᑦᑕᕆᐊᖃᖅᐳᖅ ᐃᓯᕐᕕᖃᑦᑎᐊᖁᓪᓗᒋᑦ ᐃᓄᖃᓐᖏᑦᑐᑦ, ᐱᖃᓯᐅᑎᓗᒋᑦ ᐃᑯᒪᑐᖅᑐᖁᑎᖏᑦ ᐊᒻᒪ ᐊᐅᓚᐅᑎᖃᕐᕕᖏᑦ ᖃᖓᓕᒫᒃᑯᑦ (ᓲᕐᓗ ᐊᐳᑕᐃᔭᖅᑕᐅᕙᓪᓗᑎᑦ ᑐᐊᕕᕐᓇᖅᑐᖃᑳᓪᓚᓂᖅᐸᑦ ᐃᓯᖅᑕᐅᔪᓐᓇᖁᓪᓗᒋᑦ ᓴᓇᔨᓄᓪᓘᓐᓃᑦ ᐃᓯᖅᑕᐅᔪᓐᓇᖁᓪᓗᒋᑦ).

ᐱ. ᐃᒡᓗᐃᑦ ᓱᓇᒃᑯᑖᖏᑦ

i. ᐃᒡᓗᓂᑦ ᐃᒡᓗᓕᕆᔨ ᐊᐅᓚᑦᑎᖃᑦᑕᕆᐊᖃᖅᐳᖅ ᐃᒡᓗᐃᑦ ᓱᓇᒃᑯᑖᖏᓐᓂᑦ, ᐅᖃᖃᑎᖃᕐᓗᑎᑦ ᐃᒡᓗᓂᑦ ᐊᐅᓚᑦᑎᔨᒥᒃ, ᑭᒡᒐᑐᕐᓗᒋᑦ ᐃᒡᓗᓕᕆᔨᖅᔪᐊᒃᑯᑦ.

ii. ᐃᒡᓗᓂᑦ ᐃᒡᓗᓕᕆᔨ ᓇᓗᓇᐃᕆᖃᑦᑕᖅᑐᒃᓴᐅᕗᖅ ᐃᒡᓗᐃᑦ ᓱᓇᒃᑯᑖᖏᓐᓂᑦ ᐃᒡᓗᓄᐊᖅᑕᐅᔪᑦ ᑕᐃᑲᓃᖏᓐᓇᖁᓪᓗᒋᑦ ᐊᒻᒪ ᓇᓗᓇᐃᖅᓯᓗᑎᑦ ᓄᑦᑎᖅᑕᐅᔪᑦ ᑕᐅᖅᓯᖅᑕᐅᔪᓪᓘᓐᓃᑦ ᑐᓴᖅᑎᑦᑎᑲᐅᑎᒋᕙᓪᓗᑎᓪᓗ ᐃᒡᓗᓂᑦ ᐊᐅᓚᑦᑎᔨᒥᒃ.

ᐳ. ᑲᒪᒋᔭᖃᕐᓂᖅ

i. ᐃᒡᓗᓂᑦ ᐃᒡᓗᓕᕆᔨ ᓇᓗᓇᐃᖅᓯᕙᓐᓂᐊᖅᐳᖅ ᑲᒪᒋᔭᐅᔭᕆᐊᓕᓐᓂᑦ ᐱᖁᑎᖃᖅᑐᓄᑦ/ᐊᐅᓚᑦᑎᔪᓄᑦ ᐊᒻᒪᓗ ᐃᒡᓗᓂᑦ ᐊᐅMᑦᑎᔨᒧᑦ ᐊᒻᒪ ᓴᓇᔭᐅᔭᕆᐊᓕᓐᓂᑦ ᐱᓕᕆᑲᐅᑎᒋᕙᓪᓗᑎᑦ ᑭᖑᕙᓐᖏᑦᑐᒥᒃ ᒪᓕᓪᓗᒍ ᐃ- xi “ 5 ᖃᐅᑕᒫᒧᑦ ᐃᓄᖃᓐᖏᑦᑐᓂᑦ”.

ii. ᑲᒪᒋᔭᐅᔭᕆᐊᓖᑦ ᐱᖁᑎᖃᖅᑐᓄᑦ/ᐊᐅᓚᑦᑎᔪᓄᑦ, ᓇᓗᓇᐃᖅᓯᒪᓂᖓᑎᒍᑦ ᐊᑐᖅᑐᐊᕈᑎᒧᑦ ᐊᖏᖃᑎᒌᒍᑎᒥ, ᑲᒪᒋᔭᐅᕙᓐᓂᐊᖅᐳᖅ ᐅᖃᖃᑎᒋᔭᐅᕙᓪᓗᓂ ᐃᒡᓗᓂᑦ ᐊᐅᓚᑦᑎᔨ ᐱᓕᕆᔭᐅᑦᑎᐊᖁᓪᓗᒋᑦ. ᐱᖁᑎᓕᒃ/ᐊᐅᓚᑦᑎᔨ ᐊᒻᒪᓗ ᐃᒻᒪᖃᓗ ᐃᒡᓗᓂᑦ ᐊᐅᓚᑦᑎᔨ ᑐᒃᓯᕋᕈᓐᓇᖅᐳᑦ ᐃᒡᓗᓂᑦ ᐃᒡᓗᓕᕆᔨ ᑲᒪᖁᓪᓗᒍ ᑕᒪᒃᑯᓂᓐᖓ ᑲᒪᒋᔭᐅᔭᕆᐊᓕᓐᓂᑦ.

iii. ᐃᒡᓗᓂᑦ ᐃᒡᓗᓕᕆᔨ ᑐᑭᒧᐊᕆᕙᓐᓂᐊᖅᐳᖅ ᐃᖅᑲᓇᐃᔭᖅᑎᓄᑦ ᐃᒡᓗᓂᑦ ᑲᒪᒋᔭᐅᔭᕆᐊᓕᓐᓂᑦ ᐃᓛᒃᑰᖓᔪᓂᓪᓗ ᐱᓕᕆᐊᒃᓴᓕᐊᓂᑦ ᐃᒡᓗᓕᕆᔨᖅᔪᐊᒃᑯᓐᓄᑦ. ᐃᒡᓗᓂᑦ ᐃᒡᓗᓕᕆᔨ ᐊᐅᓚᑦᑎᓂᕐᒧᑦ ᐊᑭᓕᐅᑎᒃᓴᓕᐅᕈᓐᓇᖅᐳᖅ ᐊᒻᒪᓗ ᐃᒻᒪᖃᓗ ᓴᓇᔭᐅᒍᑎᓄᑦ ᐊᒻᒪᓗ ᐊᑐᖅᑐᓄᑦ ᑕᐃᒪᓐᓇᐃᑦᑐᓕᕆᓂᕐᒧᑦ.

4. ᐊᖏᖃᑎᒌᒍᑎᐅᑉ ᐱᕕᒃᓴᖓ

ᑕᒪᓐᓇ ᓇᓗᓇᐃᔭᐅᑦ ᑐᑭᓕᐊᖅᑐᒥᒃ ᐃᖏᕐᕋᓂᖃᕐᓂᐊᖅᐳᖅ ᐊᖏᖃᑎᒌᒍᑎᒥᒃ ᐊᐅMᑦᑎᓂᕐᒥᒃ ᑲᒪᒋᔭᖃᕐᓂᕐᒥᓪᓗ ᓄᓇᓕᓐᓂ ᐃᒡᓗᓕᕆᔨᒃᑯᑦ ᐱᓇᓱᐊᒐᖏᓐᓂᑦ.

5. ᐊᓯᕈᓘᔭᐃᑦ

ᐃᒡᓗᐃᑦ ᖃᑦᑎᐅᓂᖏᑦ ᐊᑐᓂ ᓄᓇᓕᓐᓂ ᐊᓯᔾᔨᖃᑦᑕᑐᐃᓐᓇᕆᐊᓕᒃ ᑕᒫᖅᑕᖅᑐᒥᒃ. ᐃᒡᓗᓕᕆᔨᖅᔪᐊᒃᑯᑦ

ᓇᓕᕌᕈᓐᓇᐅᑎᖃᖅᐳᑦ ᐃᓚᓯᔪᓐᓇᕐᓗᑎᑦ ᐃᓚᓐzᐃᓗᑎᓪᓘᓐᓃᑦ ᐃᖅᑲᓇᐃᔭᖅᑎᓄᑦ ᐃᒡᓗᓂᑦ. ᐊᑭᓕᐅᑎᑦ ᐊᓯᔾᔨᖅᑕᐅᒐᔭᖅᐳᑦ ᑎᒥᐅᔪᒧᑦ ᓈᓴᐅᓯᖅᓱᐃᒍᑎᒃ ᒪᓕᓪᓗᒍ, ᑕᒪᒃᑯᐊ ᖃᑦᑎᐅᓂᖏᑦ ᐊᓯᔾᔨᕌᖓᑕ. ᐊᖏᖃᑎᒌᒍᑎᑎᒍᑦ ᓂᐅᕕᐊᖑᓯᒪᓐᖏᑦᑐᑦ ᐅᐃᒍᓕᕇᑦ ᐃᒡᓗᐃᑦ ᐃᒡᓗᓕᕆᔨᖅᔪᐊᒃᑯᓐᓄᑦ ᐱᒋᔭᐅᔪᑦ ᐃᓱᒪᒋᔭᐅᕙᓐᓂᐊᖅᐳᑦ ᐃᖅᑲᓇᐃᔭᖅᑎᓄᑦ ᐃᒡᓗᒃᓴᐅᓂᖏᓐᓂᑦ.

6. ᐱᓐᖏᑦᑐᖃᓐᓂᕐᒧᐊᖓᔪᖅ:

ᐃᒡᓗᓂᑦ ᐃᒡᓗᓕᕆᔨ ᐱᓐᖏᑳᓪᓚᑦᑐᒥᓂᐅᑉᐸᑦ ᐱᓕᕆᐊᓂᑦ ᐅᖃᐅᓯᐅᔪᓂᑦ ᓇᓪᓕᐊᓐᓂᑦ ᐱᓕᕆᓂᕐᒧᑦ ᓇᐃᓈᕈᑎᒥ ᐅᕝᕙᓘᓐᓃᑦ ᐊᖏᖅᓯᒪᓗᑎᑦ ᑕᒪᓐᓇ ᑳᓐᑐᕌᒧᐊᖓᔪᒥᒃ ᓱᕋᒃᑕᐅᔪᖃᓯᑳᓪᓚᓪᓗᓂᓗ ᐃᓄᓐᓄᑦ ᐱᖁᑎᒋᔭᓄᓪᓘᓐᓃᑦ ᐃᒡᓗᓕᕆᔨᖅᔪᐊᒃᑯᓐᓄᑦ, ᐃᒡᓗᓕᕆᔨᖅᔪᐊᒃᑯᑦ ᓇᓕᕌᕈᓐᓇᕐᓂᖃᖅᐳᑦ ᐅᑎᖅᑎᑦᑎᒍᒪᒍᑎᑦ ᐊᑭᓕᖅᑕᐅᓚᕿᔪᓂᑦ ᑕᐃᒪᓐᓇᒃ ᐱᓐᖏᑦᑐᖃᕐᓂᕐᒧᑦ, ᐃᓚᓐᖓᐃᑎᑦᑎᔪᓐᓇᕐᓗᑎᓪᓗ ᑕᖅᑭᑕᒫᑦ ᑮᓇᐅᔭᖅᑖᖑᕙᒃᑐᓂᑦ ᐃᒡᓗᓂᑦ ᐃᒡᓗᓕᕆᔨᒃᑯᓐᓄᑦ ᐅᕝᕙᓘᓐᓃᑦ ᐊᓯᐊᑎᒍᑦ ᐊᑭᓕᖅᑕᐅᑎᑦᑎᓇᓱᓪᓗᑎᑦ ᐱᔪᓐᓇᖅᑎᑕᐅᓯᒪᔪᓂᑦ ᒪᓕᒐᐃᑦ ᐊᑖᓂ.

ᐅᐃᒍᖅ 1:

ᐱᖁᑎᑦ - ᐃᒡᓗᐃᑦ

ᐃᓄᓕᒫᖅᓯᐅᑎᓄᑦ ᐃᒡᓗᐃᑦ ᑎᑎᕋᕆᐊᓐᖓᐅᑎᖏᑦ ᑭᓲᓂᖏᓐᓂᑦ ᖃᑦᑎᐅᓂᖏᓐᓂᓪᓗ ᐅᐃᒍᖃᓯᐅᔾᔭᐅᓯᒪᕗᑦ ᐃᓛᒃᑰᖓᔪᒥᒃ ᓈᓴᐅᓯᖅᓱᐃᒍᑎᓂᑦ. ᑕᒪᒃᑯᐊᓗ ᕿᒥᕐᕈᔭᐅᔪᒃᓴᐅᕗᑦ ᐋᖅᑭᒋᐊᖅᑕᐅᓗᑎᓪᓗ ᑕᒻᒪᖅᓯᒪᓂᖏᑦ, ᐱᔭᕆᐊᖃᖅᐸᑕ, ᑕᒪᒡᒌᓐᓄᑦ ᐊᑎᓕᐅᖅᑐᓄᑦ.

ᐅᐃᒍᖅ 2:

ᐱᖁᑎᑦ - ᓯᕐᓗᐊᑦ, ᓴᓇᕝᕖᑦ ᐊᒻᒪᓗ/ᐃᒻᒪᖃᓗ ᑎᑎᕋᕐᕖᑦ

ᐅᐃᒍᖅ 3:

ᐊᑕᖏᐅᒪᔪᑦ ᑐᑭᑖᕈᑎᑦ

ᑕᒪᒃᑯᐊ ᑐᑭᑖᕈᑎᑦ ᐋᖅᑭᒋᐊᖅᑕᐅᑐᐃᓐᓇᕆᐊᖃᖅᐳᑦ ᖃᑯᑎᒃᑯᑦ ᐃᒡᓗᓕᕆᔨᖅᔪᐊᒃᑯᓐᓄᑦ. ᐃᒡᓗᓕᕆᔨᖅᔪᐊᒃᑯᑦ ᓄᑖᖑᓛᓂᑦ ᓇᓕᖅᑲᖏᓐᓂᑦ ᑐᓂᓯᕙᓐᓂᐊᖅᐳᑦ ᓄᓇᓕᓐᓂ ᐃᒡᓗᓕᕆᔨᒃᑯᓐᓄᑦ.

ᐃ) ᐃᒡᓗᓂᑦ ᐊᑐᖅᑐᐊᒐᓂᑦ ᐊᖏᕐᓂᕐᒧᑦ ᐃᓕᖅᑯᓰᑦ

ᐅ) ᓄᓇᕘᒥ ᐃᒡᓗᐃᑦ ᐊᑐᖅᑐᐊᕈᑎᖏᑦ, ᐱᖃᓯᐅᑎᓗᒋᑦ ᖃᕆᓴᐅᔭᓯᐅᑎᑦ ᐃᓕᓐᓂᐊᕈᑎᖏᓪᓗ ᐊ) ᓂᐅᕕᐅᑎᖃᕐᓂᕐᒧᑦ ᐊᑐᐊᒐᖅ/ᐃᓕᖅᑯᓰᑦ

ᐱ) ᓄᓇᓕᓐᓂ ᐃᒡᓗᓕᕆᔨᒃᑯᑦ/ᐊᐅᓚᑦᑎᔨᒃᑯᑦ ᑮᓇᐅᔭᓕᕆᓂᕐᒧᑦ ᐃᓕᓐᓂᐊᕈᑎᒃ ᐳ) ᐊᑐᖅᑐᐊᖅᑎᓂᑦ ᐱᓕᕆᓂᕐᒧᑦ ᐃᓕᓐiᐊᕈᑎᒃ

ᑎ) ᐊᑭᓕᖅᑎᑦᑎᖃᑦᑕᕐᓂᖅ ᐃᓄᓕᒫᓄᑦ ᐊᑐᖅᑐᐊᒐᓂᑦ ᐊᒻᒪ ᐊᑐᖅᑐᐊᖅᑎᓄᑦ ᓱᕋᒃᑕᐅᔪᓂᑦ ᐊᑭᓕᒃᓴᓂᑦ ᐊᑐᐊᒐᖅ

ᑐ) ᖁᔭᓈᖅᑎᑦᑎᓂᖅ ᐅᕝᕙᓘᓐᓃᑦ ᐲᔭᐃᓂᖅ ᓄᓇᓕᓐᓂ ᐃᒡᓗᓕᕆᔨᒃᑯᓐᓂ ᐊᑐᖅᑐᐊᒐᓄᑦ ᐊᑭᓕᒃᓴᓄᑦ ᐊᑐᐅᒐᖅ ᑕ) ᑲᒪᒋᔭᐅᔭᕆᐊᓕᓐᓂᑦ ᐊᐅᓚᑦᑎᓂᕐᒧᑦ ᐱᓇᓱᐊᒐᖅ, ᐱᖃᓯᐅᑎᓗᒋᑦ ᖃᕆᓴᐅᔭᓯᐅᑎᑦ ᐃᓕᓐᓂᐊᕈᑎᖏᓪᓗ

ᒋ) ᓄᓇᕗᑦ ᒐᕙᒪᒃᑯᑦ ᑳᓐᑐᕌᒃᑎᑦᑎᓂᕐᒧᑦ ᐃᓕᖅᑯᓯᖏᑦ ᐊᒻᒪ ᓄᓇᕘᒥ ᓇᒻᒥᓂᖃᖅᑐᓂᒃ ᐃᑲᔫᑎᒃ ᒍ) ᓄᓇᓕᓐᓂ ᐃᒡᓗᓕᕆᔨᒃᑯᑦ ᐃᖅᑲᓇᐃᔭᖅᑎᓄᑦ ᐃᓕᓐᓂᐊᕈᑎᒃ

ᒐ) ᐊᑐᖅᑐᓂᑦ ᐊᑭᓖᓂᕐᒧᑦ ᐱᓇᓱᐊᒐᕐᒧᑦ ᑐᑭᓕᐊᕈᑎᑦ

ᒥ) ᐊᑐᖅᑐᐊᖅᑎᓂᑦ ᓇᒻᒥᓂᖅ ᐃᒡᓗᖃᖅᑎᑦᑎᓂᕐᒧᑦ ᐱᓇᓱᐊᒐᖅ

ᒧ) ᐃᒡᓗᓕᕆᔨᖅᔪᐊᒃᑯᑦ ᑐᑭᑖᕈᑎᖏᑦ ᖃᐅᔨᓴᕐᓂᕐᒧᑦ ᐃᓄᓕᒫᓄᑦ ᐃᒡᓗᓕᕆᔨᒃᑯᓐᓄᑦ ᐊᓯᖏᓪᓘᓐᓃᖅ ᑐᑭᑖᕈᑎᑦ ᐊᖏᖅᑕᐅᓯᒪᔪᑦ, ᓯᕗᓂᐊᓂ, ᑮᓇᐅᔭᓕᕆᔨᒻᒪᕆᒋᔭᒧᑦ ᐃᒡᓗᓕᕆᔨᖅᔪᐊᒃᑯᓐᓄᑦ

ᒪ) ᓄᓇᕗᑦ ᒐᕙᒪᒃᑯᑦ ᑲᑎᒪᔾᔪᓯᐊᓄᑦ ᐊᑐᐊᒐᖓᑦ

ᐅᐃᒍᖅ 4:

ᐅᓂᒃᑳᓕᐊᖑᖃᑦᑕᕆᐊᖃᖅᑐᐃᑦ

ᑕᒪᓐᓇ ᓇᓗᓇᐃᖅᓯᒍᑎᐅᕗᖅ ᐅᓂᒃᑳᓕᐊᖑᖃᑦᑕᕆᐊᖃᖅᑐᓂᑦ ᐃᒡᓗᓕᕆᔨᒃᑯᓐᓂᑦ ᐃᒡᓗᓕᕆᔨᖅᔪᐊᒃᑯᓐᓄᑦ. ᐃᒡᓗᓕᕆᔨᖅᔪᐊᒃᑯᑦ ᖃᑯᑎᒃᑯᑦ ᐱᔭᕆᐊᖃᖅᑎᑦᑎᔪᓐᓇᖅᐳᑦ ᐊᓯᖏᓐᓂᑦ ᐅᓂᒃᑳᓂᑦ ᑐᑭᓯᒋᐊᕈᑎᓂᓪᓗ.

ᐅᓂᒃᑳᓕᐊᖑᖃᑦᑕᕆᐊᓖᑦ - ᐊᕐᕌᒍᑕᒫᑦ

ᐅᓂᒃᑳᑉ ᑭᓲᓂᖓ ᐱᔭᕇᖅᓯᒪᕕᖓ ᑭᒃᑯᓐᓃᖔᕐᓂᖓ ᓇᒃᓯᐅᔾᔨᕕᒃ ᑭᓲᓂᖓ ᓇᐅᒃᑯᑦ

1	ᑎᑎᕋᕆᐊᓐᖓᐅᑦ ᖃᐅᔨᓴᖅᑕᐅᓯᒪᔪᑦ ᑮᓇᐅᔭᐃᑦ ᐅᓂᒃᑳᖏᑦ	ᓯᕗᓪᓕᖅ ᐃᖅᑲᓇᐃᔭᕐᓇᖅ ᔫᓂ 7 ᑭᖑᓂᐊᓂ	ᓯᓚᑖᓂᒃ ᖃᐅᔨᓴᖅᑎ	ᑮᓇᐅᔭᓕᕆᔩᑦ	ᐸᐃᑉᐹᖅ	ᖃᖓᑕᓲᒃᑯᑦ
2	ᐊᖏᖅᑕᐅᓯᒪᔪᑦ ᖃᐅᔨᓴᖅᑕᐅᓯᒪᔪᑦ ᑮᓇᐅᔭᐃᑦ ᐅᓂᒃᑳᖏᑦ	120 ᐅᓪᓗᐃᑦ ᐄᐳᕈ 1 ᑭᖑᓂᐊᓂ	ᓯᓚᑖᓂᒃ ᖃᐅᔨᓴᖅᑎ	ᑮᓇᐅᔭᓕᕆᔩᑦ	ᐸᐃᑉᐹᖅ	ᖃᖓᑕᓲᒃᑯᑦ
3	ᐊᑭᓕᒃᓴᐃᑦ ᐊᒻᒪ ᐊᑐᖅᑐᓄᑦ ᓱᕋᒃᑕᐅᔪᑦ	ᐄᐳᕈ 15	ᐱᔨᑦᑎᕋᖅᑕᓄᑦ ᐊᓪᓚᕝᕖᑦ	ᐱᓇᓱᐊᒐᐃᑦ	Excel	ᖃᕆᓴᐅᔭᒃᑯᑦ
4	ᖃᓄᐃᓕᖓᓂᕐᒧᑦ ᓈᓴᐅᓯᖅᓱᐃᒍᑎᓄᑦ ᐅᓂᒃᑳᖅ	ᐋᒍᓯ 1	MMOS-ᑯᓐᓂᒃ	ᐃᓛᒃᑰᖓᔪᑦ	Excel	ᖃᕆᓴᐅᔭᒃᑯᑦ
5	MMOS-ᑯᓐᓄᑦ ᐊᕐᕌᒎᑉ ᐃᓱᐊᓄᑦ ᓇᓪᓕᐅᒃᑯᒫᖅ	ᐱᓇᓱᐊᕈᓯᐅᑉ ᐊᐃᑉᐹ ᐄᐳᕈᒥ	MMOS-ᑯᓐᓂᒃ	ᐃᓛᒃᑰᖓᔪᑦ	.MDB File	CD-ᑯᑦ
6	ᐱᓕᕆᓂᕐᒧᑦ ᐅᓂᒃᑳᖅ	ᐱᓇᓱᐊᕈᓯᐅᑉ ᐊᐃᑉᐹ ᐄᐳᕈᒥ	MMOS-ᑯᓐᓂᒃ	ᐃᓛᒃᑰᖓᔪᑦ	Excel ᐅᕝᕙᓘᓐᓃᑦ ᐸᐃᑉᐹᖅ	ᖃᕆᓴᐅᔭᒃᑯᑦ ᓱᒃᑲᔫᒃᑯᓪᓘᓐ- ᓃᑦ
7	ᐃᒡᓗᒧᑦ ᐅᓂᒃᑳᖅ	ᐱᓇᓱᐊᕈᓯᐅᑉ ᐊᐃᑉᐹ ᐄᐳᕈᒥ	MMOS-ᑯᓐᓂᒃ	ᐃᓛᒃᑰᖓᔪᑦ	Excel ᐅᕝᕙᓘᓐᓃᑦ ᐸᐃᑉᐹᖅ	ᖃᕆᓴᐅᔭᒃᑯᑦ ᓱᒃᑲᔫᒃᑯᓪᓘᓐ- ᓃᑦ
8	M&I-ᒧᑦ ᐱᓕᕆᐊᒃᓴᒥᒃ ᑐᒃᓯᕋᐅᑦ	ᒫᔾᔨ 15	ᖃᓄᐃᓕᖓᓂᕐᒧᑦ ᓈᓴᐅᑎᑦ ᐊᒻᒪ ᐅᑭᐅᑦ 3ᓄᑦ ᐸᕐᓇᐅᑎᒃ	ᐃᓛᒃᑰᖓᔪᑦ	ᑐᓂᔭᐅᔪᖅ ᐃᒡᓗᓕᕆᔨᖅ- ᔪᐊᒃᑯᓐᓄᑦ	ᓱᒃᑲᔫᒃᑯᑦ/ ᖃᖓᑕᓲᒃᑯᑦ
9	ᐊᕐᕌᒍᑕᒫᑦ ᐅᒥᐊᖅᔪᐊᒃᑰᕈᑎᒃ	ᒫᔾᔨ 15	ᐱᖁᑎᑦ ᐊᒻᒪ M&I-ᒧᑦ ᐊᑐᖅᑐᑦ	ᐃᓛᒃᑰᖓᔪᑦ	ᑐᓂᔭᐅᔪᖅ ᐃᒡᓗᓕᕆᔨᖅ- ᔪᐊᒃᑯᓐᓄᑦ	ᓱᒃᑲᔫᒃᑯᑦ/ ᖃᖓᑕᓲᒃᑯᑦ

ᐅᓂᒃᑳᓕᐊᖑᖃᑦᑕᕆᐊᓖᑦ - ᑕᖅᑭᑦ ᐱᖓᓱᑕᒫᖅ

ᐅᓂᒃᑳᑉ ᑭᓲᓂᖓ ᐱᔭᕇᖅᓯᒪᕕᖓ ᑭᒃᑯᓐᓃᖔᕐᓂᖓ ᓇᒃᓯᐅᔾᔨᕕᒃ ᑭᓲᓂᖓ ᓇᐅᒃᑯᑦ

10 ᐊᓯᔾᔨᓂᕐᒧᑦ ᐅᓂᒃᑳᖅ ᔪᓚᐃ, ᐅᑐᐱᕆ, ᔭᓐᓂᐊᕆ, ᐄᐳᕈ ᑮᓇᐅᔭᓕᕆᔾᔪᓯᐅᑎᑦ ᖃᕆᓴᐅᔭᒃᑯᑦ ᑮᓇᐅᔭᓕᕆᔩᑦ Excel ᖃᕆᓴᐅᔭᒃᑯᑦ

ᐅᐃᒍᖅ 4: ᑲᔪᓯᓂᖓ

ᐅᓂᒃᑳᓕᐊᖑᖃᑦᑕᕆᐊᓖᑦ - ᑕᖅᑭᑕᒫᑦ

ᐅᓂᒃᑳᑉ ᑭᓲᓂᖓ ᐱᔭᕇᖅᓯᒪᕕᖓ ᑭᒃᑯᓐᓃᖔᕐᓂᖓ ᓇᒃᓯᐅᔾᔨᕕᒃ ᑭᓲᓂᖓ ᓇᐅᒃᑯᑦ

11	ᑮᓇᐅᔭᐃᑦ ᐅᓂᒃᑳᖏᑦ	ᓯᕗᓕᓪᓕᖅ ᐱᓇᓱᐊᕈᓯᒃ ᑕᖅᑭᑕᒫᑦ	ᑮᓇᐅᔭᓕᕆᔾᔪᓯᐅᑎᑦ ᖃᕆᓴᐅᔭᒃᑯᑦ	ᑮᓇᐅᔭᓕᕆᔩᑦ	Excel	ᖃᕆᓴᐅᔭᒃᑯᑦ
12	ᐃᓄᓕᒫᓄᑦ ᐃᒡᓗᓄᑦ ᖃᓄᐃᓕᖓᓂᕐᒧᑦ ᓈᓴᐅᓯᖅᓱᐃᒍᑎᓄᑦ ᐅᓂᒃᑳᖅ	ᓯᕗᓕᓪᓕᖅ ᐱᓇᓱᐊᕈᓯᒃ ᑕᖅᑭᑕᒫᑦ	ᐊᑭᓕᒐᒃᓴᐃᑦ	ᑮᓇᐅᔭᓕᕆᔩᑦ	Excel	ᖃᕆᓴᐅᔭᒃᑯᑦ
13	vᑎ7ᒪᔨᓄᑦ ᑲᑎᒪᔾᔪᑎᒥᓃᑦ	ᐱᒃᑲᐅᑎᒋᔪᒥᒃ ᐊᖏᖅᑕᐅᓂᖓᑕ	ᐃᒡᓗᓕᕆᔨᒃᑯᑦ ᑲᑎᒪᐅᑎᒥᓂᖏᑦ	ᐱoEp4f5	Word.doc	ᖃᕆᓴᐅᔭᒃᑯᑦ ᑎᑎᖅᑲᒃᑯᓪ- ᓘᓐᓃᑦ
14	ᐊᑐᖅᑐᐊᕈᑎᑦ ᐊᑭᖏᓐᓄᑦ ᓇᓪᓕᐅᒃᑯᒫᑦ	ᓯᕗᓕᓪᓕᖅ ᐱᓇᓱᐊᕈᓯᒃ ᑕᖅᑭᑕᒫᑦ	ᐊᑐᖅᑐᐊᕈᑎᑦ ᐊᑭᖏᓐᓄᑦ ᖃᕆᓴᐅᔭᓯᐅᑎᑦ	ᐱoEp4f5	ZIP. File	ᖃᕆᓴᐅᔭᒃᑯᑦ
15	ᐅᑕᖅᑭᔪᑦ ᐊᑎᖏᑦ	ᓯᕗᓕᓪᓕᖅ ᐱᓇᓱᐊᕈᓯᒃ ᑕᖅᑭᑕᒫᑦ	TRO Records-ᑯᓐᓂᒃ	ᐱoEp4f5	Excel	ᖃᕆᓴᐅᔭᒃᑯᑦ
16	ᐃᓄᖃᓐᖏᑦᑐᓂᑦ ᐅᓂᒃᑳᖅ	ᓯᕗᓕᓪᓕᖅ ᐱᓇᓱᐊᕈᓯᒃ ᑕᖅᑭᑕᒫᑦ	TRO Records-ᑯᓐᓂᒃ	ᐱoEp4f5	Excel	ᖃᕆᓴᐅᔭᒃᑯᑦ
17	ᐅᑕᖅᑭᔪᑦ ᐊᑎᖏᑦ	ᓯᕗᓕᓪᓕᖅ ᐱᓇᓱᐊᕈᓯᒃ ᑕᖅᑭᑕᒫᑦ	TRO Records-ᑯᓐᓂᒃ	ᐱoEp4f5	Excel	ᖃᕆᓴᐅᔭᒃᑯᑦ
18	ᐃᓄᓕᒫᓄᑦ ᐃᒡᓗᓄᑦ ᐊᑭᓕᒃᓴᐃᑦ ᐊᒻᒪ ᐊᑐᖅᑐᓄᑦ ᓱᕋᒃᑕᐅᔪᑦ	ᓯᕗᓕᓪᓕᖅ ᐱᓇᓱᐊᕈᓯᒃ ᑕᖅᑭᑕᒫᑦ	ᐱᔨᑦᑎᕋᖅᑕᓄᑦ ᐊᓪᓚᕝᕖᑦ	ᐱoEp4f5	Excel	ᖃᕆᓴᐅᔭᒃᑯᑦ
19	ᐊᔪᖅᓴᖅᑐᖅᓯᐅᑎᓄᑦ ᐃᒡᓗᓄᑦ ᐊᑐᖅᑕᐅᔪᑦ ᐅᓂᒃᑲᑦ	ᓯᕗᓕᓪᓕᖅ ᐱᓇᓱᐊᕈᓯᒃ ᑕᖅᑭᑕᒫᑦ	ᐊᑭᓕᒐᒃᓴᐃᑦ	ᐃᖅᑲᓇᐃᔭᖅ- ᑎᓄᑦ ᐃᒡᓗᐃᑦ	Excel	ᖃᕆᓴᐅᔭᒃᑯᑦ
20	ᓈᒻᒪᓐᖏᓕᐅᕈᑎᑦ ᓇᐃᓈᕈᑎᒃ	ᓯᕗᓕᓪᓕᖅ ᐱᓇᓱᐊᕈᓯᒃ ᑕᖅᑭᑕᒫᑦ	ᐱᔨᑦᑎᕋᖅᑕᓄᑦ ᐊᓪᓚᕝᕖᑦ	ᐃᖅᑲᓇᐃᔭᖅ- ᑎᓄᑦ ᐃᒡᓗᐃᑦ	Word.doc	ᑎᑎᖅᑲᒃᑯᑦ
21	ᐊᔪᖅᓴᖅᑐᖅᓯᐅᑎᑦ ᐃᒡᓗᓄᑦ ᐊᑭᓕᒃᓴᐃᑦ ᐊᒻᒪ ᐊᑐᖅᑐᓄᑦ ᓱᕋᒃᑕᐅᔪᑦ	ᓯᕗᓕᓪᓕᖅ ᐱᓇᓱᐊᕈᓯᒃ ᑕᖅᑭᑕᒫᑦ	ᐱᔨᑦᑎᕋᖅᑕᓄᑦ ᐊᓪᓚᕝᕖᑦ	ᐃᖅᑲᓇᐃᔭᖅ- ᑎᓄᑦ ᐃᒡᓗᐃᑦ	Excel	ᖃᕆᓴᐅᔭᒃᑯᑦ
22	MMOS-ᒧᑦ ᓇᓪᓕᐅᒃᑯᒫᖅ	ᓯᕗᓕᓪᓕᖅ ᐱᓇᓱᐊᕈᓯᒃ ᑕᖅᑭᑕᒫᑦ	MMOS System-ᑯᓐᓂᒃ	ᐃᓛᒃᑰᖓᔪᑦ	.MDB File	CD-ᑯᑦ
23	M&I-ᒧᑦ ᐅᓂᒃᑳᖅ	ᓯᕗᓕᓪᓕᖅ ᐱᓇᓱᐊᕈᓯᒃ ᑕᖅᑭᑕᒫᑦ	ᖃᐅᔨᓴᕐᓂᑦ/ᓴᓇᔨᑦ ᐊᖓᔪᖅᑲᖓᑕ ᐅᓂᒃᑲᖅ	ᐃᓛᒃᑰᖓᔪᑦ	Excel	ᓱᒃᑲᔫᒃᑯᑦ
24	NNI-ᒧᑦ ᓂᐅᕕᕐᓂᕐᒧᑦ ᐅᓂᒃᑲᑦ	ᓯᕗᓕᓪᓕᖅ ᐱᓇᓱᐊᕈᓯᒃ ᑕᖅᑭᑕᒫᑦ	ᑕᖅᑭᑕᒫᑦ ᓂᐊᕕᐊᖑᔪᐃᑦ	ᐃᓛᒃᑰᖓᔪᑦ	Word.doc	ᖃᕆᓴᐅᔭᒃᑯᑦ ᓱᒃᑲᔫᒃᑯᓪᓘᓐ- ᓃᑦ
25	ᑲᒪᒋᔭᖃᕐᓂᕐᒧᑦ ᓇᐃᓈᕈᑎᒃ	ᓯᕗᓕᓪᓕᖅ ᐱᓇᓱᐊᕈᓯᒃ ᑕᖅᑭᑕᒫᑦ	MMOS-ᑯᓐᓂᒃ	ᐃᓛᒃᑰᖓᔪᑦ	Word.doc	ᓱᒃᑲᔫᒃᑯᑦ

ᐅᐃᒍᖅ 4: ᑲᔪᓯᓂᖓ

ᐅᓂᒃᑳᓕᐊᖑᖃᑦᑕᕆᐊᓖᑦ - ᑐᒃᓯᕋᐅᑐᐊᕌᖓᑕ

ᐅᓂᒃᑳᑉ ᑭᓲᓂᖓ ᐱᔭᕇᖅᓯᒪᕕᖓ ᑭᒃᑯᓐᓃᖔᕐᓂᖓ ᓇᒃᓯᐅᔾᔨᕕᒃ ᑭᓲᓂᖓ ᓇᐅᒃᑯᑦ

26	ᐃᒡᓗᓕᕆᔨᒃᑯᑦ ᐃᖅᑲᓇᐃᔭᖅᑎᖏᑕ ᐊᑎᖏᑦ	ᓄᑖᖑᕆᐊᖅᑕᐅᒑᖓᑕ	ᐃᒡᓗᓕᕆᔨᒃᑯᑦ ᐊᐅMᑦᑎᔨᖏᑕ ᐊᓪᓚᒃᓯᒪᕕᖏᑦ	ᐱoEp4f5	Excel	ᖃᕆᓴᐅᔭᒃᑯᑦ
27	ᑲᑎᒪᔩᑦ ᐊᑎᖏᑦ	ᓄᑖᖑᕆᐊᖅᑕᐅᒑᖓᑕ	ᐃᒡᓗᓕᕆᔨᒃᑯᑦ ᐊᐅᒪᑦᑎᔨᖏᑕ ᐊᓪᓚᒃᓯᒪᕕᖏᑦ	ᐱoEp4f5	Word.doc	ᖃᕆᓴᐅᔭᒃᑯᑦ ᓱᒃᑲᔫᒃᑯᓪᓘᓐ- ᓃᑦ
28	ᐃᑭᓐᓂᕐᒧᑦ ᐅᓂᒃᑳᓕᐅᕆᐊᓐᖓᐅᑦ	ᐱᒃᑲᐅᑎᒋᔪᒥᒃ	ᑕᑯᔪᓄᑦ ᐅᓂᒃᑲᔨᐊᖅ	ᐊᕕᑦᑐᖅᓯᒪ- ᔪᓂ ᐊᐅᓚᑦᑎᔨ	ᐸᐃᑉᐹᖅ	ᐅᖃᓘᑎᒃᑯᑦ ᓱᒃᑲᔫᒃᑯᓪ ᐅᕝᕙᓗ ᖃᕆᓴᐅᔭᒃᑯᑦ
29	ᐃᑭᑦᑐᖃᕐᓂᕐᒧᑦ ᐅᓂᒃᑳᖅ ᐊᒻᒪ ᓱᕋᒃᑕᐅᔪᑦ ᐊᑭᖏᑕ ᓇᓚᐅᒃᓵᒐᖏᑦ	ᐱᔭᐅᓚᐅᖅᑎᓪᓗᒍ ᖃᑦᑎᕆᔨᒃᑯᑦ ᐊᖓᔪᖅᑲᖓᑕ ᐅᓂᒃᑲᖓ ᐱᔭᐅᓂᖓᓂᒃ	ᖃᑦᑎᕆᔨᒃᑯᑦ ᐅᓂᒃᑳᖓᑦ ᐊᒻᒪ ᖃᐅᔨᓴᕐᓂᖓ	ᐃᓛᒃᑰᖓᔪᑦ	ᐸᐃᑉᐹᖅ	ᓱᒃᑲᔫᒃᑯᑦ
30	ᑐᐊᕕᕐᓇᖅᑐᒥᒃ ᖃᐅᔨᒃᑲᐃᓂᖅ	ᐱᒃᑲᐅᑎᒋᔪᒥᒃ	ᐱᔨᑦᑎᕋᖅᑕᓄᑦ ᐊᓪᓚᕝᕖᑦ	ᐃᖅᑲᓇᐃᔭᖅ- ᑎᓄᑦ ᐃᒡᓗᐃᑦ	Word.doc	ᐅᖃᓘᑎᒃᑯᑦ ᐅᕝᕙᓗ ᓱᒃᑲᔫᒃᑯᓪ