Indishyi zisabwa na ECOBANK RWANDA LTD. 19] Me RUSANGANWA Jean Bosco yasabye ko abaregwa bategekwa guha ECOBANK RWANDA LTD indishyi zingana na 2.000.000Frw z’ikurikiranarubanza n’igihembo cy’Avoka. [20] Kubera ko kutubahiriza amasazerano ari ko kwatumye ECOBANK RWANDA LTD ijya mu rukiko kurega, Urukiko rushingiye ku ngingo ya 258 CCLIII ivuga ko igikorwa cyose cy’umuntu cyangirije undi gitegeka nyir’ugukora ikosa rigikomokaho kuriha ibyangiritse, rurasanga RWEMA NDAYISENGA Kennedy, KARAMBIZI Pierre na NYIRABUDERI Ester bagomba gutegekwa guha ECOBANK RWANDA LTD indishyi z’ikurikiranarubanza n’igihembo cy’Avoka zingana na 600.000Frw zigenwe mu bushishozi bw’urukiko.
