MU NKIKO ZABANJE. 3] Uru rubanza rwatangiriye mu Rukiko Rwisumbuye rwa Nyarugenge rwanditswe kuri n° 1886/05/TP/kig, RUMANYIKA Jean Marie Vianney arega Mme UWINGABIRE Spéciose Habiba na NEW OKAPI CAR SARL asaba gusesa amasezerano y’ubugure bw’izina ry’ubucuruzi OKAPI CAR, gusesa sosiyete NEW OKAPI CAR SARL, indishyi zinyuranye, n’amafaranga y’ikurikirana rubanza. [4] Urwo rukiko ruca urubanza kuwa 19/09/2006, rutegeka ko amasezerano yo kuwa 30/03/2005 yakozwe hagati ya Rumanyika na UWINGABIRE agumana agaciro kayo, ariko Uwingabire agaha Rumanyika amafaranga 19.000.000Frws yasigaye ku kiguzi cya 30.000.000Frw bari barumvikanye, Rumanyika nawe akagomba kwishyura UWINGABIRE indishyi zihwanye n’amafaranga 62.454.693 frw yamujukije.[5] RUMANYIKA na UWINGABIRE bajuririye Urukiko Rukuru rwa Repubulika, ruca urubanza RCOM.A124/06/HC/KIG ku wa 20/09/2007 rutegeka ko RUMANYIKA asubirana izina rya sosiyete OKAPI CAR, amaparikingi n’ibiro byayo, ariko nawe agasubiza UWINGABIRE amafaranga 15. 000. 000 agize igice cy’ikiguzi atamuhaye.
