ЗА ДОДЕЛУВАЊЕ НА ДОГОВОР ЗА ЈАВНА НАБАВКА НА ВИРТУЕЛИЗАЦИЈА, ЛИЦЕНЦИ, АНИВИРУСНО РЕШЕНИЕ И РЕШЕНИЕ ЗА BACKUP

ОТВОРЕНА ПОСТАПКА БР. 02/2014

ЗА ДОДЕЛУВАЊЕ НА ДОГОВОР ЗА ЈАВНА НАБАВКА НА ВИРТУЕЛИЗАЦИЈА, ЛИЦЕНЦИ, АНИВИРУСНО РЕШЕНИЕ И РЕШЕНИЕ ЗА BACKUP

ТЕНДЕРСКА ДОКУМЕНТАЦИЈА ЗА ПОСТАПКА КОЈА СЕ СПРОВЕДУВА ВО ХАРТИЕНА ФОРМА И ЗАВРШУВА СО Е-АУКЦИЈА

Скопје, јануари 2014 година

ПОКАНА ЗА ПОДНЕСУВАЊЕ ПОНУДА

Договорниот орган Државен завод за ревизија, со адреса на ул. Македонија бр.12/3, телефон за контакт 02/3211-520, факс 02/3126-311 електронска адреса xxx@xxx.xxx.xx; интернет адреса: xxx.xxx.xx, има потреба од набавка на виртуелизација, лиценци, анивирусно решение и решение за backup.

За таа цел, договорниот орган спроведува постапка за доделување на договор за јавна набавка на стоки со отворена постапка, во согласност со член 21 од Законот за јавните набавки („Службен весник на Република Македонија“ бр. 136/07, 130/08, 97/10, 53/11 , 185/11, 15/13, 148/13 и 160/13 ), за што објави оглас број 02/2014 година.

Ве молиме да ни ја доставите Xxxxxx понуда за горенаведениот предмет на договорот за јавна набавка најдоцна до 06.02.2014 во 11.00 часот (по локално време) по пошта на горната адреса или лично со поднесување во архивата на договорниот орган.

Отворањето на понудите ќе биде јавно и ќе се изврши на 06.02.2014 година во 11.00 часот во просториите на Државниот завод за ревизија.

Ви благодариме на соработката.

Во Скопје 16.01.2014 година Овластено лице
м-р Тања Таневска

1. ИНСТРУКЦИИ ЗА ЕКОНОМСКИТЕ ОПЕРАТОРИ

1. ОПШТИ ИНФОРМАЦИИ

1. Дефиниции

1.1.1 Одредени поими употребени во оваа тендерска документација го имаат следново значење:

• „Договор за јавнa набавкa“ е договор од финансиски интерес склучен во писмена форма меѓу договорниот орган од една страна и носителот на набавката од друга страна, а чиј предмет е испорака на стоките кои претставуваат предмет на договорот;

• „Постапка за доделување на договор за јавна набавка“ е постапка што ја спроведува договорниот орган, чија цел или дејство е купување или стекнување на стоки;

• „Отворена постапка“ е постапка во која секој економски оператор има право да поднесе понуда;

• „Електронска аукција“ е повторлив процес на негативно наддавање кој се реализира по првична целосна евалуација на понудите, во кој понудувачите имаат можност, исклучиво со користење на електронски средства, да ги ревидираат дадените цени или да подобрат одредени елементи од понудата, така што рангирањето се врши автоматски со помош на електронски средства;

• „Тендерска документација“ е збир на документи, информации и услови кои претставуваат основа за изготвување, доставување и оценување на пријавата за учество, односно понудата;

• „Техничка спецификација“ е збир на технички услови, прописи, препораки и стандарди со кои детално се дефинираат минималните барања од технички аспект кои стоките, услугите или работите предмет на договорот за јавна набавка треба да ги задоволат;

• „Економски оператор“ е секое физичко или правно лице или група на такви лица кои на пазарот нуди стоки, услуги или работи;

• „Поврзан економски оператор“ е економски оператор:

  • врз кој економскиот оператор со кој е поврзан има доминантно влијание,

  • кој има доминантно влијание врз економскиот оператор со кој е поврзан или

  • кој заедно со економскиот оператор со кој е поврзан е предмет на доминантно влијание од страна на трет субјект;

• „Доминантно влијание“ е кога:

  • едниот економски оператор директно или индиректно е сопственик на повеќе од половина од капиталот во другиот економски оператор и на тој начин го контролира мнозинството гласови врз основа на акциите или уделите издадени од страна на другиот економски оператор и може да назначи повеќе од половина членови во органите на управување или во надзорниот одбор на другиот економски оператор или

  • постои роднинска поврзаност помеѓу основачите на двата економски оператори до втор степен;

• „Понудувач“ е секој економски оператор кој поднел понуда;

• „Понуда“ е предлог од понудувачот изготвен врз основа на тендерската документација и претставува основа за доделување на договорот за јавна набавка;

• „Техничка понуда“ е дел од понудата со која се докажува исполнувањето на поставените технички барања и услови од тендерската документација;

• „Финансиска понуда“ е дел од понудата во кој се содржани понудените цени согласно со условите од тендерската документација;

• „Алтернативна понуда“ е понуда со која се нудат поинакви карактеристики на предметот на договорот за јавна набавка од оние утврдени во тендерската документација;

• „Носител на набавката“ е понудувач или група на понудувачи кои склучиле договор за јавна набавка;

• „Евалуација на понуда“ е оцена на поднесена понуда во постапката за доделување на договор за јавна набавка;

• „Прифатлива понуда“ е понуда која е поднесена во утврдениот рок и за која е утврдено дека во потполност ги исполнува сите барања од тендерската документација и техничките спецификации и одговара на сите критериуми, условите и евентуалните барања за способноста на понудувачите;

• „Соодветна понуда“ е прифатлива понуда која е во рамки на износот што го утврдил договорниот орган со одлуката за јавна набавка или што може да го дообезбеди согласно со член 28 став (4) од Законот за јавните набавки;

• „Одговорно лице“ е функционер кој раководи со државен орган, градоначалник на единицата на локалната самоуправа или директор на правно лице, односно лице овластено од него;

• „Електронски средства“ е користење на електронска опрема за обработка и чување на податоци (вклучувајќи и дигитална компресија), кои се пренесени, испорачани и примени преку кабелски, радио или оптички средства или преку други електромагнетни средства;

• „Електронски систем за јавни набавки“ е единствен компјутеризиран систем достапен на интернет, кој се користи со цел да се овозможи поголема ефикасност и економичност во областа на јавните набавки;

• „Писмено или во писмена форма“ e секој израз кој се состои од зборови или бројки кои можат да се прочитаат, умножат и дополнително да се соопштат, како и информации кои се пренесуваат и чуваат со помош на електронски средства под услов сигурноста на содржината да е обезбедена и потписот да може да се идентификува.

2. Договорен орган

   1. Договорен орган е Државен завод за ревизија, со адреса на ул. “Македонија” 12/3, Палата Македонија, телефон за контакт 02/3211-520, факс 02/3126-311, електронска пошта: xxx@xxx.xxx.xx; интернет адреса: xxx.xxx.xx.

2. Лице за контакт кај договорниот орган е Тања Јаневска, електронска пошта: xxxxx.xxxxxxxx@xxx.xxx.xx, телефон 02/0000-000 и факс 02/3126-311.

3. Предмет на договорот за јавна набавка

   1. Предмет на договорот за јавна набавка е набавка на виртуелизација, лиценци, анивирусно решение и решение за backup по техничката спецификација, составен дел на тендерската документација.

2. Предметот на договорот е делив по делови како што е дефинирано во техничката спецификација. Детален опис на предметот на договорот за јавна набавка и бараните количини е даден во техничката спецификација, составен дел на тендерската документација и тоа:

Дел 1 Оперативни системи и лиценци

Дел 2 Виртуелизација на новиот систем и префрлање на постојниот, решение за Backup, решение за антивирусна заштита

Понудувачот/економскиот оператор може да даде понуда за еден, повеќе или за сите делови од предметот на договорот за јавна набавка. Економскиот оператор не може да ги дели составните елементи на поединечниот дел. За секој поединечен дел од предметот на договорот ќе се спроведе посебна електронска аукција преку електронскиот систем за јавни набавки (xxxxx://xxx.x-xxxxxxx.xxx.xx). Предмет на секоја аукција ќе биде вкупната цена, вклучувајќи ги сите трошоци и попусти без ДДВ за секој дел од предметот на договорот за јавна набавка.

4. Вид на постапка за доделување на договор за јавна набавка

   1. Договорот за јавна набавка ќе се додели со примена на отворена постапка, која ќе заврши со електронска аукција како последна фаза во постапката.

2. Подетални информации за користењето на електронски средства: За да можете да учествувате на електронската аукција, потребно е да се регистрирате во ЕСЈН. Економскиот оператор се регистрира во ЕСЈН со пополнување на регистрациска форма која е составен дел од ЕСЈН¹ , по што ЕСЈН автоматски ги обработува податоците од регистрациската форма, генерира шифра и истата ја доставува на регистрираната електронска пошта на економскиот оператор. Повеќе информации за начинот на регистрација и користење на системот ќе најдете во Прирачникот за користење на ЕСЈН наменет за економски оператори, кој можете да го преземете од почетната страна на ЕСЈН во делот „Економски оператори“.

3. Подетални информации за електронската аукција: Договорниот орган ќе користи електронска аукција како последна фаза во отворената постапка. Предмет на електронската аукција е вкупната цена вклучувајќи ги сите трошоци и попусти и увозни царини, без ДДВ. Почетна цена на електронската аукција е најниската цена од прифатливите понуди поднесени во првичната фаза од постапката.

Поканите за учество на аукцијата ќе се достават во електронска форма преку ЕСЈН по целосната евалуација на првичните понуди, до сите економски оператори кои доставиле прифатливи понуди во првата фаза од постапката и кои се регистрирани во ЕСЈН.

Поканата за учество на аукцијата ќе биде електронски испратена на е-меил адресата на лицето за контакт наведено во Образецот за понуда кое претходно е регистрирано во ЕСЈН.

Во поканата за учество на аукцијата ќе бидат содржани следниве податоци: почетната цена на аукцијата, односно најниската цена од првично поднесените понуди; датумот и часот на започнување и завршување на аукцијата; интервалот во кој ќе се спроведува негативното наддавање (минимална и максимална разлика во понудени цени).

Доколку е поднесена само една понуда или само една прифатлива понуда, електронската аукција нема да се одржи, а договорниот орган ќе го покани единствениот понудувач да поднесе конечна цена преку ЕСЈН.

Во поканата за поднесување конечна цена се содржани следниве податоци: идентификување на делот на понудата кој ќе биде предмет на поднесување конечна цена, информации кои ќе му бидат достапни пред поднесувањето на конечната цена и временскиот период за поднесување конечна цена. Единствениот понудувач ја поднесува конечната цена во утврденото време само еднаш, а доколку не поднесе конечна цена , првично понудената цена ќе се смета за конечна.

5. Посебни начини за доделување на договорот за јавна набавка

   1. Оваа постапка ќе заврши со доделување на договор за јавна набавка, односно нема да се користи посебниот начин за доделување на договорот со рамковна спогодба.

2. Oваа постапка ќе заврши со спроведување на електронска аукција.

6. Применливи прописи

   1. Оваа постапка се спроведува согласно со Законот за јавните набавки, објавен во Службен весник на Република Македонија број бр. 136/07, 130/08, 97/10, 53/11, 185/11, 15/13, 148/13 и 160/13) и донесените подзаконски акти.

2. При подготовка на својата понуда, понудувачот треба да ги има предвид важечките прописи од областа на даноците и другите јавни давачки, работните односи, работните услови и заштитата при работа и Правилник за спроведување на ослободување од царина и други давачки, акциза и данок на додадена вредност (ДДВ), при увоз на добра -стоки и за обезбедување средства за ДДВ за промет на добра и услуги во земјата, потребни за реализирање на проекти финансирани со парични средства на странски донатори (Сл. весник на РМ бр. 54/2003 и 58/2003) и Упатство за начинот на спроведување на ослободување од царина и други давачки, акциза и данок на додадена вредност (ДДВ), при увоз на добра -стоки и за обезбедување средства за ДДВ за промет на добра и услуги во земјата, потребни за реализирање на проекти финансирани со парични средства на странски донатори издадено од Министерството за финансии.

Сите прописи може да се најдат во соодветните изданија на Службен весник на Република Македонија. Дополнителни податоци во однос на важечките прописи од горенаведените области, понудувачот може да добие од Управата за јавни приходи, Царинската управа и Министерството за финансии (за даноците и другите јавни давачки), Министерството за труд и социјална политика (за работните односи, работните услови и заштитата при работа).

7. Извор на средства

   1. Средствата за реализација на договорот за јавна набавка кој е предмет на оваа постапка се обезбедени од буџетот на Државен завод за ревизија од сметката на проектот МАК-12/0015 „Имплементација на систем за управување со ревизија“ финансиран од грант на Кралството Норвешка.

8. Право на учество

   1. Економскиот оператор кој има една или повеќе негативни референци, групата економски оператори во која членува економски оператор кој има негативна референца, како и економскиот оператор кој претставува поврзано друштво со економскиот оператор кој има негативна референца, нема право на учество.

2. Право да достави понуда има секое заинтересирано домашно и странско правно и физичко лице - понудувач, кое е регистрирано за вршење на дејноста поврзана со предметот на договорот за јавна набавка и кое подигнало тендерска документација од договорниот орган или ја превземало истата од ЕСЈН.

3. Право да достави понуда има и група на понудувачи без обврска за здружување во соодветна правна форма. Договорниот орган нема да бара од групата на понудувачи да се здружи во посебна правна форма доколку истата биде избрана за носител на набавката.

4. Составен дел од групната понуда е договор за поднесување групна понуда со кој членовите во групата економски оператори меѓусебно и кон договорниот орган се обврзуваат за извршување на договорот за јавна набавка. Овој договор потребно е да ги содржи следниве податоци: членот на групата кој ќе биде носител на групата, односно кој ќе ја поднесе понудата и ќе ја застапува групата, членот на групата кој во име на групата економски оператори ќе го потпише договорот за јавна набавка, членот на групата кој ќе ја издаде фактурата и сметка на која ќе се вршат плаќањата, краток опис на обврските на секој од членовите на групата економски оператори за извршување на договорот.

5. Сите членови на групата на понудувачи се поединечно и солидарно одговорни пред договорниот орган за извршување на своите обврски. Договорниот орган ќе комуницира со претставникот на групата на понудувачи.

6. Економскиот оператор во рамките на иста постапка за доделување на договор за јавна набавка може да учествува само во една понуда. Сите понуди ќе бидат отфрлени ако економскиот оператор:

• учествува во повеќе од една самостојна и/или како член во групна понуда или

• учествува како подизведувач во друга самостојна и/или како член во групна понуда.

7. Економскиот оператор може да учествува како подизведувач во повеќе од една понуда.

8. Понудувачот може да ангажира подизведувачи. Доколку економската и финансиската состојба, како и техничката или професионалната способност на понудувачот не е поддржана од други субјекти во вид на подизведувачи, тој нема обврска да доставува документација за утврдување на способност од подизведувачите. Во спротивно, ќе се постапи согласно со членовите 151 и 154 од Законот за јавните набавки, без оглед на тоа дали другите субјекти се јавуваат како подизведувачи или не.

9. Доколку понудувачот има намера дел од договорот за јавна набавка да го отстапи на еден или повеќе подизведувачи, во понудата мора да наведе податоци за делот од договорот кој има намера да го отстапи на подизведувачи, како и податоци за сите предложени подизведувачи (фирма, седиште, единствен даночен број и слично). Понудувачот е одговорен пред договорниот орган за извршување на договорот за јавна набавка, без оглед на бројот на подизведувачите.

10. Лицата кои учествувале во изработка на тендерската документација не смеат да бидат понудувачи или членови во група на понудувачи во постапката за доделување на договорот.

9. Трошоци за поднесување на понуда

   1. Економскиот оператор ги сноси сите трошоци поврзани со подготовката и со доставувањето на понудата, а договорниот орган не е одговорен за тие трошоци без оглед на водењето и на исходот од постапката за доделување на договор за јавна набавка.

10. Критериум за доделување на договорот за јавна набавка

    1. Критериум за доделување на договорот за јавна набавка е најниска цена. За носител на набавката ќе биде избран оној економски оператор кој ќе понуди најниска цена во текот на електронската аукција, а чија понуда претходно е оценета како прифатлива. Со оглед на тоа дека конкретнава постапка завршува со спроведување на електронска аукција нема да се врши бодување на понудите, туку само рангирање на понудувачите според висината на понудените цени.

2. Евалуацијата на понудите ќе се врши согласно со Методологијата за изразување на критериумите за доделување на договорот за јавна набавка во бодови („Службен весник на Република Македонија“ бр. 41/08).

11. Спречување на судир на интереси

    1. За спречување на судир на интересите во постапките за доделување на договори за јавни набавки соодветно се применуваат одредбите од Законот за спречување судир на интереси.

12. Начин на комуникација

    1. Секое барање, информација, известување и други документи во постапката се испраќаат во писмена форма. Секој документ се евидентира во моментот на испраќање, односно во моментот на примање.

2. Документите, освен понудата, се испраќаат:

• по пошта,

• по факс, или

• со електронски средства.

3. Документот кој бил испратен по факс, доставувачот е должен да го достави по пошта или со користење на електронски средства во рок од два дена од денот на испраќањето на документот по факс.

4. Начинот на поднесување на понудата е утврден во точка 4 од Инструкциите за понудувачите.

13. Информации од доверлив карактер

    1. Договорниот орган ќе ги заштити информациите кои економскиот оператор ги има означено како доверливи, особено кога станува збор за деловна тајна или права од интелектуална сопственост, освен во случаите каде по сила на закон договорниот орган е должен да ги достави овие информации до надлежните органи (во случај на жалбена постапка, поведување на управен спор и слично). За таа цел, економскиот оператор треба да направи листа на доверливи информации со користење на Образецот на листа на доверливи информации во прилог на оваа тендерска документација, и истата да ја достави заедно со својата понуда.

2. Доколку економскиот оператор не ја достави листата на доверливи информации заедно со својата понуда, договорниот орган ќе смета дека предметната понуда не содржи информации од доверлив карактер.

3. Цената на понудата не се смета за доверлива информација во ниту еден случај.

2. СПОСОБНОСТ НА ЕКОНОМСКИТЕ ОПЕРАТОРИ

1. Начин на докажување на способноста

   1. Со понудата економскиот оператор задолжително треба да достави придружна документација со која ќе ги докаже:

• личната состојба,

• способноста за вршење професионална дејност,

• економската и финансиска состојба,

• техничката или професионалната способност,

• стандардите за системи за квалитет.

2. Бараната документација се поднесува во оригинал или во копија заверена од економскиот оператор со печат и со потпис на одговорното лице, со назнака „Верно на оригиналот“.

3. При проверката на комплетноста и валидноста на документацијата за утврдување на способноста на економскиот оператор и при евалуација на понудата, комисијата може да побара економските оператори да ги појаснат или дополнат документите, доколку не станува збор за значителни отстапувања од бараната документација.

4. Бараното објаснување економскиот оператор го доставува во писмена форма во рокот кој го определил договорниот орган.

5. Никакви промени во понудата, освен исправката на аритметички грешки, не смеат да се бараат, нудат или да се допуштат од страна на комисијата или од економскиот оператор.

6. Во случај на група економски оператори, сите членови на групата поединечно ја докажуваат својата лична состојба и способноста за вршење професионална дејност.

2. Лична состојба

   1. Договорниот орган ќе го исклучи од постапката за доделување на договор за јавна набавка секој економски оператор:

• на кој во последните 5 години му била изречена правосилна пресуда за учество во злосторничка организација, корупција, измама или перење пари;

• на кој му е изречена споредна казна забрана за учество во постапки за јавен повик, доделување на договори за јавна набавка и договори за јавно приватно партнерство;

• на кој му е изречена споредна казна привремена или трајна забрана за вршење на одделна дејност;

• кој е во постапка на стечај или во постапка на ликвидација;

• кој има неплатени даноци, придонеси и други јавни давачки, освен ако на економскиот оператор му е одобрено одложено плаќање на даноците, придонесите или другите јавни давачки во согласност со посебните прописи и истите редовно ги плаќа;

• кому му е изречена прекршочна санкција забрана за вршење на професија, дејност или должност, односно привремена забрана за вршење одделна дејност и

• кој дава лажни податоци или не ги доставува податоците што ги барал договорниот орган.

2. За докажување на својата лична состојба, економскиот оператор ги доставува следниве документи:

• изјава на економскиот оператор дека во последните 5 години не му била изречена правосилна пресуда за учество во злосторничка организација, корупција, измама или перење пари;

• потврда дека не е отворена постапка за стечај од надлежен орган;

• потврда дека не е отворена постапка за ликвидација од надлежен орган;

• потврда за платени даноци, придонеси и други јавни давачки од надлежен орган од земјата каде економскиот оператор е регистриран;

• потврда од Регистарот на казни за сторени кривични дела на правните лица дека не му е изречена споредна казна забрана за учество во постапки за јавен повик, доделување на договори за јавна набавка и договори за јавно-приватно партнерство;

• потврда од Регистарот на казни за сторени кривични дела на правните лица дека не му е изречена споредна казна привремена или трајна забрана за вршење на одделна дејност;

• потврда дека со правосилна пресуда не му е изречена прекршочна санкција забрана за вршење на професија, дејност или должност, односно привремена забрана за вршење одделна дејност.

3. Изјавата од алинеја 1 од потточка 2.2.2 ја изготвува и потпишува самиот економски оператор и истата не мора да биде заверена од надлежен орган.

4. Потврдите дека не е отворена постапка за стечај и постапка за ликвидација, како и потврдите од регистарот на казни за сторени кривични дела од алинеја 5 и 6 од потточка 2.2.2, ги издаваат надлежни органи во земјата каде е регистриран економскиот оператор. Во Република Македонија надлежен орган за издавање на овие потврди е Централниот регистар на Република Македонија.

5. Потврдата за платени даноци, придонеси и други давачки ја издава надлежен орган од земјата каде е регистриран економскиот оператор. Во Република Македонија надлежен орган за издавање на оваа потврда е Управата за јавни приходи.

6. Потврдата од алинеја 7 од потточка 2.2.2 ја издава надлежниот орган во државата каде е регистриран економскиот оператор. Во Република Македонија надлежен орган за издавање на оваа потврда е Централниот регистар на Република Македонија.

7. Документите од потточка 2.2.2 не смеат да бидат постари од 6 (шест) месеци сметано од крајниот рок за доставување на понудите наназад.

8. Комисијата ќе прифати документи за утврдување на личната состојба кои се издадени и по денот на јавното отворање на понудите, но не подоцна од денот на донесување на одлуката за избор на најповолна понуда.

9. Ако земјата во која е регистриран економскиот оператор не ги издава документите наведени во потточка 2.2.2 или ако тие не ги опфаќаат сите погоре наведени случаи, економскиот оператор може да достави изјава заверена кај надлежен орган.

3. Способност за вршење на професионална дејност

   1. За да ја докаже способноста за вршење на професионална дејност, економскиот оператор треба да достави документ за регистрирана дејност како доказ дека е регистриран како физичко или правно лице за вршење на дејноста поврзана со предметот на договорот за јавна набавка (ДРД-Образец) или доказ дека припаѓа на соодветно професионално здружение согласно со прописите на земјата каде што е регистриран.

4. Економска и финансиска состојба

   1. За да се квалификува како способен за извршување на предметниот договор за јавна набавка од аспект на неговата економска и финансиска состојба, економскиот оператор треба да ги исполнува следниве минимални услови:

• Понудувачот/ економскиот оператор да остварил позитивен финансиски резултат во последната година.

2. Економскиот оператор го докажува исполнувањето на минималниот услов од подточка 2.4.1 со доставување на:

• извештај на билансот на состојбата издаден од надлежен орган, односно ревидиран биланс на состојба и извештај на билансот на успех издаден од надлежен орган, односно ревидиран биланс на успех или

• информација за економско финансиската состојба на субјектот заверени од надлежен орган или извадоци од извештајот за билансот на состојба и податоци за билансот на успех во случаи кога објавување на билансот на состојба е пропишано со закон во земјата каде што понудувачот/ економскиот оператор е регистриран.

3. Доколку билансите на состојба и успех биле предмет на комерцијална ревизија, економскиот оператор може да ги достави истите како доказ дека го исполнува минималниот услов за утврдување на економската и финансиската состојба без да бидат дополнително заверени од надлежен орган.

4. Доколку билансите на состојба и успех не биле предмет на комерцијална ревизија, економскиот оператор ги доставува истите заверени, односно издадени од надлежен орган како доказ дека го исполнува минималниот услов за утврдување на економската и финансиската состојба. Надлежен орган во Република Македонија е Централниот регистар на Република Македонија.

5. Економската и финансиската способност на економскиот оператор може да биде поддржана од друг субјект, без оглед на правните врски меѓу економскиот оператор и тој субјект. Ако економскиот оператор ја докажува својата економска и финансиска способност повикувајќи се на поддршката од друг субјект тој е должен да ја докаже поддршката со xxxxxxx доказ дека тој субјект ќе му ги стави на располагање на економскиот оператор соодветните финансиски средства. Против субјектот кој ја обезбедува финансиската поддршка не смее да е изречена правосилна пресуда за учество во криминална организација, корупција, измама или за перење на пари.

6. Ако економски оператори поднесат понуда како група на економски оператори, економската и финансиската состојба се докажува со земање предвид на ресурсите на сите членови на групата. Ако групата на економски оператори настапува со финансиска поддршка од трет субјект, економската и финансиска состојба се утврдува согласно напред наведеното.

5. Техничка или професионална способност

   1. За да се квалификува како способен за извршување на предметниот договор за јавна набавка од аспект на неговата техничка или професионална способност, економскиот оператор треба да ги исполнува следниве минимални услови:

• претходно искуство - понудувачот/економскиот оператор во последните три години да има вршено испораки на стоки предмет на набавката (според спецификациите предмет на понудата);

• да располага со најмалку 2 лица со висока стручна спрема од областа на ИКТ кои се сертифицирани за имплементација и одржување на предметот на набавката, за дел 2 од техничката спецификација, со што ќе гарантира професионалност и квалитет;

• понудувачот/економскиот оператор да располага со каталози /спецификација за производите предмет на понудата, а чија веродостојност понудувачот/ економскиот операторот е должен да ја потврди во секој момент, доколку тоа го побара договорниот орган;

• Известување за елементите на договорот кои економскиот оператор има намера да ги отстапи на подизведувач и името на подизведувачот.

2. Економскиот оператор го докажува исполнувањето на минималните услови од под точка 2.5.1 со доставување на:

• листа на главни испораки на понудувачите или кандидатите извршени во последните три години, со вредности, датуми, купувачи (договорни органи или економски оператори), со обезбедување на најмалку 3 (три) потврди за извршени испораки издадени од примателите или, доколку такви потврди не можат да се обезбедат од причини вон контрола на економскиот оператор, само со негова изјава за извршени испораки;

• Изјава за ангажирање на стручен кадар со висока стручна спрема од областа на ИКТ задолжени за реализација на договорот со прилог на М1/М2 образец за минимум 2 лица и соодветни сертификати за имплементација и одржување на предметот на набавката наведен во дел 2 од техничката спецификација;

• Каталози/ спецификација за производите предмет на понудата, а чија веродостојност понудувачот/економскиот операторот е должен да ја потврди во секој момент, доколку тоа го побара договорниот орган;

• Известување за елементите на договорот кои економскиот оператор има намера да ги отстапи на подизведувач и името на подизведувачот како и податоци за предложените подизведувачи.

3. Техничката и професионалната способност на економскиот оператор може да биде поддржана од друг субјект, без оглед на правните врски меѓу економскиот оператор и тој субјект. Ако економскиот оператор ја докажува својата техничка и професионална способност повикувајќи се на поддршката од друг субјект тој е должен да ја докаже поддршката со xxxxxxx доказ дека тој субјект ќе му ги стави на располагање на економскиот оператор соодветните технички и професионални ресурси. Против субјектот кој ја обезбедува техничка или професионална поддршка не смее да е изречена правосилна пресуда за учество во криминална организација, корупција, измама или за перење на пари.

4. Ако економски оператори поднесат понуда како група на економски оператори, техничката и професионалната способност се докажува со земање предвид на ресурсите на сите членови на групата. Ако групата на економски оператори настапува со техничка или професионална поддршка од трет субјект или трети субјекти, техничката и професионалната способност се утврдува согласно напред наведеното.

6. Стандарди за системи за квалитет

   1. За да се квалификува како способен за извршување на предметниот договор за јавна набавка од аспект на стандардите за системи на квалитет, економскиот оператор треба да ги исполнува следниве стандарди:

• имплементиран систем за управување со контрола на квалитет ISO 9001.

2. Економскиот оператор го докажува исполнувањето на стандардите од под точка 2.6.1 со доставување на:

• Валиден сертификат за имплементиран систем за управување со контрола на квалитет ISO 9001.

3. ПОЈАСНУВАЊЕ, ИЗМЕНА И ДОПОЛНУВАЊЕ НА ТЕНДЕРСКАТА ДОКУМЕНТАЦИЈА

1. Појаснување на тендерската документација

   1. Економскиот оператор може да побара појаснување на тендерската документација од договорниот орган, исклучиво во писмена форма, најдоцна 6 дена пред крајниот рок за поднесување понудите.

2. Појаснувањето договорниот орган ќе го достави до сите економски оператори што подигнале тендерска документација, без при тоа, да се идентификува економскиот оператор што побарал појаснување.

2. Измена и дополнување на тендерската документација

3.2.1 Договорниот орган го задржува правото најдоцна 6 дена пред истекот на крајниот рок за поднесување на понудите, по свое наоѓање или врз основа на поднесените прашања за објаснување поднесени од страна на понудувачите, да ја измени или да ја дополни тендерската документација, за што веднаш ќе ги извести сите економски оператори што неа ја подигнале.

3.2.2 Во случај на измена на тендерската документација, договорниот орган ќе го продолжи крајниот рок за доставување на понудата за најмалку 6 дена.

3.2.3 За продолжување на крајниот рок, договорниот орган писмено ќе ги извести сите економски оператори што подигнале тендерска документација.

4. ПОДГОТОВКА И ПОДНЕСУВАЊЕ НА ПОНУДИТЕ

1. Содржина на понудата

   1. Понудата треба да биде подготвена врз основа на оригиналната тендерска документација и се состои од следниве елементи:

• пополнета Техничка спецификација (Прилог I);

• пополнет Образец на понуда (Прилог II);

• пополнет образец на листа на доверливи информации (ако нема доверливи информации, образецот не мора да се доставува) (Прилог III);

• документи за утврдување на личната состојба наведени во подточка 2.2.2 од тендерската документација;

• документ за утврдување на способноста за вршење на професионална дејност наведен во точка 2.3.1 од тендерската документација;

• докази за утврдување на економската и финансиската способност наведени во точка 2.4.2 од тендерската документација;

• докази за утврдување на техничката или професионалната способност наведени во точка 2.5.2 од тендерската документација;

• докази за исполнувањето на стандардите за системи на квалитет од под точка 2.6.2;

• Образец за општи информации (Прилог IV);

• Изјава за сериозност на понудата (Прилог V);

• Изјава за независна понуда (Прилог VI);

• Изјава за гаранција за квалитетно извршување на договорот за предметот на набавка специфициран во дел 2 од техничката спецификација (Прилог VII);

• Договор за групна понуда (само за група на економски оператори).

2. Економскиот оператор понудата ја изготвува и доставува врз основа на образецот на понуда даден во оваа тендерска документација.

Доколку на дадениот образец на понуда во оваа тендерска документација економскиот оператор не може целосно и сеопфатно да ја изрази својата понуда, може да користи друг образец на која ќе ја достави својата понуда под услов таквиот образец да ги содржи сите елементи од образецот на понуда даден во оваа тендерска документација. Понудата поднесена на образец на понуда кој не ги содржи сите елементи согласно тендерската документација може да биде отфрлена како неприфатлива.

3. Доколку понудувачот има намера дел од договорот за јавна набавка да го отстапи на еден или повеќе подизведувачи, во понудата мора да наведе податоци за делот од договорот кој има намера да го отстапи на подизведувачи, како и податоци за сите предложени подизведувачи (фирма, седиште, единствен даночен број и слично). Понудувачот е одговорен пред договорниот орган за извршување на договорот за јавна набавка, без оглед на бројот на подизведувачите.

2. Јазик на понудата

   1. Понудата, како и целата кореспонденција и документи поврзани со понудата се доставува на македонски јазик.

2. При изразување на цената со букви, странскиот економски оператор во делот на понудата може да се послужи со англиски јазик.

3. Печатената литература може да биде и на друг јазик. Договорниот орган го задржува правото во фазата на евалуација на понудите да побара од понудувачот да изврши превод на печатената литература која е поднесена на друг јазик.

3. Цена на понудата

   1. Економскиот оператор во листата на цени и рокови на испорака ја внесува цената за секој дел поединечно, заедно со рокот на испорака.

2. Понудената цена треба да ги вклучува сите трошоци и попусти на економскиот оператор, да биде искажана без данок на додадена вредност кој се искажува посебно. Понудената цена треба да ги вклучува и увозните царини доколку ги има, а истите треба да бидат искажани и посебно. Оттука, предмет на евалуација ќе биде вкупната понудена цена со вклучени увозни царини без ДДВ.

3. Цената на понудата се пишува со бројки и букви. (Доколку понудата е поднесена од странски економски оператор, цената на понудата покрај со бројки, се пишува и со букви на англиски јазик).

4. Доколку одделна понуда содржи невообичаено ниска цена која е значително пониска од реалната пазарна цена што предизвикува сомнеж дека договорот ќе биде извршен, договорниот орган од понудувачот бара во писмена форма и пред одбивање на понудата, детали околу понудата за кои смета дека се важни и ги проверува доказите што биле доставени за оправдување на цената на понудата. Ако економскиот оператор не успее да објасни на писмено, кои се причините за таквата цена во рок од 5 дена од датумот на поднесување на барањето, или пак ако Комисијата не ги прифати неговите причини, понудата ќе биде отфрлена.

4. Валута на понудата

   1. Цената на понудата се изразува во денари.

5. Период на важност на понудата

   1. Периодот на важност на понудата ќе изнесува 150 дена од денот на јавното отворање за чие времетраење понудата во сите нејзини елементи е обврзувачка за понудувачот. Доколку денот на отворањето на понудата е неработен, периодот на важноста на понудата се смета од наредниот работен ден. Понудите кои содржат покус период на важност од оној утврден во оваа точка од тендерската документација ќе бидат отфрлени како неприфатливи.

2. Доколку договорниот орган процени за потребно може да побара од понудувачот продолжување на периодот на важност на понудата.

6. Изјава за сериозност на понудата

   1. Во прилог на понудата, понудувачот доставува и потпишана изјава за сериозност на понудата, при што треба да го користи образецот на изјава даден во прилог на тендерската документација. Доколку дојде до прекршување на дадената изјава за сериозност на понудата, истото ќе резултира со исклучување од натамошната постапка и издавање негативна референца против таквиот понудувач на начин и согласно условите утврдени во Законот за јавните набавки. Изјавата ја потпишува лицето што ја потпишува и понудата. Доколку лицето што ја потпишува изјавата се разликува од лицето што ја потпишува понудата, во прилог се доставува и овластување за потпишување на изјавата.

2. Негативната референца ќе биде објавена истовремено со објавување на известувањето за склучен договор или за поништување на постапката.

7. Форма и потпишување на понудата

   1. Понудувачот подготвува еден оригинален примерок со ознака „оригинал“. Понудата се пишува со неизбришливо мастило и ја потпишува овластено лице од страна на понудувачот. Сите страници на понудата, освен за неизменетата печатена литература, ги парафира лицето кое ја потпишува понудата. Секое пишување меѓу редовите, бришење или пишување врз претходен текст важи само доколку е парафирано од лицето кое ја потпишува понудата. Доколку понудувачот има намера дел од договорот за јавна набавка да го отстапи на еден или повеќе подизведувачи, во понудата мора да наведе податоци за делот од договорот кој има намера да го отстапи на подизведувачи, како и податоци за сите предложени подизведувачи (фирма, седиште, единствен даночен број и слично). Понудувачот е одговорен пред договорниот орган за извршување на договорот за јавна набавка, без оглед на бројот на подизведувачите.

8. Затворање и обележување на понудите

   1. Понудувачот го приложува оригиналниот примерок во затворен внатрешен плик кој го содржи називот на понудувачот со целосна и точна адреса.

Внатрешниот плик се приложува во затворен надворешен плик кој:

• е адресиран со точна адреса на договорниот орган,

• го содржи бројот на огласот 02/2014,

• во горниот лев агол стои ознака „Не отварај“, да не се отвора пред времето и датумот за отворањето на понудите.

2. Доколку двата плика не се затворени и обележани како што се бара, договорниот орган не презема одговорност за затурање или предвремено отворање на понудата. Понудите кои се отворени предвремено поради непридржување кон условите за затворање и обележување на истите ќе се отфрлат како неуредни.

9. Краен рок и место за поднесување на понудите

   1. Краен рок за доставување на понудите е 06.02.2014 година, во 11.00 часот.

2. Понудите се поднесуваат на следнава адреса: ул. Македонија 12/3, 1000 Скопје, со назнака "За отворена постапка бр. 02/2014".

3. Понудата која е поднесена по истекот на крајниот рок за поднесување на понудите, се отфрла како задоцнета и истата ќе му биде вратена на економскиот оператор неотворена.

10. Алтернативни понуди

    1. Во оваа постапка за доделување на договор за јавна набавка не се дозволени алтернативни понуди.

11. Измена, замена и повлекување на понудата

    1. Понудувачите можат да ги изменат, заменат или повлечат своите понуди по поднесување на понудата, под услов измените, замените или повлекувањата да се добиени од договорниот орган пред крајниот рок за поднесување на понудите наведен во точка 4.9.

2. Измените, замените и повлекувањата на понудите ќе бидат подготвени, ковертирани, обележани и доставени согласно точка 4.8, со тоа што ковертот соодветно ќе биде обележан со „измена“, „замена“ или „повлекување“.

3. Понудата не може да биде изменета, заменета или повлечена по крајниот рок за поднесување на понудите предвиден во точка 4.9.

4. Повлекувањето на понудата во периодот помеѓу крајниот рок за поднесување на понудите и истекувањето на периодот на важност на понудата ќе резултира со издавање на негативна референца согласно точка 4.6.1.

4.12 Изјава за независна понуда

4.12.1 Во прилог на понудата, покрај изјавата за сериозност на понудата, понудувачот доставува и потпишана изјава за независна понуда, користејќи го образецот на изјава дадена во прилог на тендерската документација. Доколку дојде до прекршување на дадената изјава, истото ќе резултира со поведување на прекршочна или кривична постапка. Изјавата ја потпишува лицето што ја потпишува и понудата. Доколку лицето што ја потпишува изјавата се разликува од лицето што ја потпишува понудата, во прилог се доставува и овластување за потпишување на изјавата.

5. ОТВОРАЊЕ И ЕВАЛУАЦИЈА НА ПОНУДИТЕ

1. Отворање на понудите

   1. На јавното отворање на понудите може да присуствува секое заинтересирано лице.

2. Само овластените претставници на понудувачите можат да учествуваат во постапката на јавно отворање на понудите со давање на свои забелешки во записникот од отворањето на понудите.

3. Овластените претставници на економските оператори на јавното отворање мораат да носат овластување потпишано од одговорното лице на економскиот оператор. Сите овластени претставници на економските оператори, присутни на јавното отворање, треба да потпишат евидентен лист.

4. Јавното отворање ќе се одржи на 06.02.2014 година, во 11.00 часот, во просториите на Државниот завод за ревизија, Скопје.

5. Доставените понуди се отвораат согласно Законот за јавните набавки и тоа: една по една, со читање на името на економскиот оператор, при што се констатира дали понудите се доставени според точка 4.8 од тендерската документација и дали се во оригинал, а потоа се пристапува кон читање на понудите по истиот редослед по кој тие се отворени, освен понудите, кои согласно Законот за јавните набавки, се исклучуваат од натамошната постапка. При тоа, најпрво ќе се отворат и прочитаат замените, измените и повлекувањата на понудите. После тоа се пристапува кон читање на цените на понудата, вклучувајќи какви било попусти. Само попустите кои се прочитани на јавното отворање на понудата ќе се разгледуваат при евалуацијата на понудите. Ниту една понуда нема да биде отфрлена на отворањето на понудите, освен задоцнетите понуди.

6. Комисијата за јавни набавки ќе пристапи кон јавно отворање на понудите доколку е пристигната и само една понуда. Во таков случај нема да се спроведе електронска аукција. Условот за спроведување на електронска аукција е во постапката да се пристигнати најмалку две прифатливи понуди.

7. Во текот на отворањето на понудите се води записник според Правилникот за постапката на отворањето на понудите и Образецот за водење на записник за отворањето на понудите („Службен весник на Република Македонија“ бр. 154/07).

2. Доверливост на процесот на евалуација на понудите

   1. Ниту една информација во врска со разгледувањето, оценката и споредбата на понудите во процесот на евалуација нема да им се откријат на економските оператори или на кои било други лица што не се службено вклучени во тој процес.

3. Појаснување на понудите

   1. Во периодот на разгледување и оценување на понудите, договорниот орган може, да побара од кој било економски оператор појаснување на неговата понуда. Барањето од договорниот орган за појаснување и одговорот се во писмена форма. Никаква промена на цените или на содржината на понудата нема да се бара, нуди или да се дозволува, освен за потврдување на корегирањето на аритметички грешки што ги открил договорниот орган при проценката на понудите.

2. Секое појаснување доставено од страна на економскиот оператор во поглед на неговата понуда што не е дадено како одговор на барање од договорниот орган, нема да се разгледува.

4. Исправка на аритметички грешки

   1. Ако понудата е прифатлива и е составена и доставена во согласност со тендерската документација, договорниот орган ги коригира аритметичките грешки на следниот начин:

• ако постои несовпаѓање меѓу зборовите и бројките, преовладува износот што е напишан со зборови.

• ако постои разлика помеѓу единечната цена и вкупната цена, тогаш преовладува единечната цена.

2. Комисијата за јавни набавки ќе ги коригира грешките во понудата според опишаната постапка и таа ќе се смета обврзувачка за него.

3. Ако економскиот оператор не ја прифати корекцијата на аритметичките грешки, понудата ќе биде отфрлена и ќе биде издадена негативна референца од страна на договорниот орган заради прекршување на изјавата за сериозност на понудата.

6. ДОДЕЛУВАЊЕ НА ДОГОВОРОТ ЗА ЈАВНА НАБАВКА

1. Доделување на договорот за јавна набавка

   1. Договорниот орган, по спроведената електронска аукција како последна фаза во отворената постапка, договорот му го доделува на економскиот оператор чија понуда има најниска цена.

2. Доколку две или повеќе понуди имаат иста цена, за најповолен понудувач ќе биде избран оној кој прв ја поднел понудата.

3. Доколку во текот на постапката за доделување договор за јавна набавка, најповолната прифатлива понуда согласно условите на постапката е со цена повисока од износот на средства утврден во одлуката за јавна набавка, договорниот орган може да ја измени одлуката и да дообезбеди средства потребни за реализација на договорот, под услов понудената цена да не е понеповолна од реалните цени на пазарот и да не го надминува вредносниот праг пропишан за видот на постапката согласно со Законот за јавните набавки.

4. По завршувањето на електронската аукција и изборот на најповолен понудувач, доколку предметот на набавката или поединечниот дел се состои од повеќе ставки, цената на секоја од поединечните ставки ќе се пресметува со соодветно намалување кое ќе биде еднакво на процентот на намалување на цената на првичната понуда на избраниот најповолен понудувач (пред електронската аукција) и цената на последната понуда (по завршувањето на аукцијата).

5. По завршувањето на електронската аукција и изборот на најповолен понудувач, Носителот на набавката е должен да достави корегирана/ изменета понуда, согласно вредноста постигната со завршувањето на аукцијата врз основа на која ќе биде склучен договорот за јавна набавка. Останатите карактеристики на понудата остануваат непроменети.

2. Известување за доделување на договорот за јавна набавка

   1. По завршувањето на електронската аукција на јавниот дел од ЕСЈН автоматски се објавува и до сите учесници на аукцијата автоматски се испраќа известување за економскиот оператор кој што поднел најповолна понуда во текот на негативното наддавање. Известувањето е од информативен карактер и не предизвикува правни последици. Исходот од електронската аукција е основ за донесување на одлука за избор на најповолна понуда.

2. Избраниот најповолен економски оператор ќе биде известен во писмена форма дека неговата понуда е прифатена, најдоцна во рок од 3 дена од донесувањето на одлуката за избор на најповолна понуда. Во исто време, и сите други економски оператори ќе бидат известени за резултатите од спроведената постапка, одлуката кој е најповолен економски оператор како и за причините за неизбор на нивната понуда. Економските оператори што учествувале во постапката имаат право на увид во извештајот од спроведената постапка.

3. Правна заштита

   1. Секој понудувач кој има правен интерес за добивање на договорот за јавна набавка и кој претрпел или би можел да претрпи штета од евентуално прекршување на одредбите од овој закон, може да бара правна заштита против одлуките, дејствијата и пропуштањата за преземање дејствија од страна на договорниот орган во постапката за доделување на договор за јавна набавка, во согласност со условите и постапката предвидени со Законот за јавните набавки. Правото на жалба во постапка која завршува со електронска аукција во однос на утврдување на способноста на понудувачите и целосната евалуација на првичните понуди се остварува по донесување на одлуката за избор на најповолен понудувач или поништување на постапката.

2. Жалбата треба да ги содржи следниве елементи:

• податоци за подносителот на жалбата (име презиме, назив на економскиот оператор, адреса на престојувалиште и седиште),

• податоци за застапникот или полномошникот,

• назив и седиште на договорниот орган,

• број и датум на постапката за доделување на договор за јавна набавка и податоци за огласот за доделување на договор за јавната набавка,

• број и датум на одлуката за избор на најповолна понуда, поништување на постапката или други одлуки на договорниот орган,

• податоци за дејствијата или пропуштањата за преземање на дејствија од страна на договорниот орган,

• опис на фактичката состојба,

• опис на неправилностите и образложение по истите,

• предлог на докази,

• жалбено барање и/или барање за надомест за трошоците на постапката и

• потпис на овластено лице и печат.

3. Подносителот на жалбата е должен да приложи и доказ за уплата на надомест за водење на постапката.

4. Подносителот на жалбата кој нема седиште на територијата на Република Македонија е должен да определи полномошник за прием на писмена.

5. Жалбата се изјавува до Државната комисија. Жалбата се поднесува лично или по препорачана пошта истовремено до договорниот орган и до Државната комисија. Денот на поднесување на жалбата по препорачана пошта се смета за ден на поднесување. Во случај на лично поднесување на жалбата договорниот орган е должен да му издаде на подносителот потврда за времето на приемот.

6. Во постапката пред Државната комисија подносителот на жалбата, покрај административната такса, плаќа и надоместок за водење на постапката во зависност од висината на понудата.

7. Во случај на непостоење на понуда, висината на надоместокот за водење на постапката се пресметува врз основа на проценетата вредност на договорот за јавна набавка, при што Државната комисија го известува подносителот на жалбата за висината на надоместокот и рокот во кој треба да достави доказ за негова уплата.

8. Надоместокот за водење на постапката е приход на Буџетот на Република Македонија.

9. Договорниот орган не смее да го потпише договорот за јавна набавка и да пристапи кон негово извршување во рок од 12 дена, сметајќи од денот на приемот на одлуката со која се одлучува за поединечно право во постапката за доделување на договорот за јавна набавка, освен:

• во случаите од членовите 99 и 198 од овој закон,

• во случај кога во постапката учествувал само еден понудувач чија понуда е избрана за најповолна или

• во случај на поединечни договори за јавни набавки врз основа на рамковна спогодба.

4. Склучување на договорот за јавна набавка

   1. Договорниот орган ќе го достави договорот за јавна набавка до избраниот најповолен понудувач во 4 примероци на потпишување.

2. Избраниот најповолен понудувач има обврска да го потпише договорот за јавна набавка во рок од 15 дена од денот на добивање на договорот и истиот да му го врати на договорниот орган. Договорниот орган презема обврска на избраниот најповолен понудувач да му го испрати потребниот број на примероци од договорот откако истиот ќе го потпише овластеното лице на договорниот орган.

3. Доколку избраниот најповолен понудувач не го потпише договорот во рокот утврден во точка 6.4.2 од тендерската документација, договорниот орган го задржува правото да смета дека избраниот најповолен понудувач се откажал од склучување на договорот и објави негативната референца.

7. ЗАДОЛЖИТЕЛНИ ЕЛЕМЕНТИ ОД ДОГОВОРОТ ЗА ЈАВНА НАБАВКА

1. Начин на плаќање

   1. Се предвидува следниов начин на плаќање: по приемот на фактура со приложен записник потпишан и заверен од страна на економскиот оператор и овластените лица во ДЗР, за обемот , видот и квалитетот на извршената набавка на стоки/услуги во рок од 45 дена од денот на приемот на фактурата, заедно со приложениот и заверен записник.

Начинот на плаќање е задолжителен. Секоја понуда која содржи начин на плаќање поинаков од оној утврден во оваа точка ќе се смета за неприфатлива и како таква ќе биде одбиена од страна на комисијата за јавни набавки.

2. Рок и место на испорака

   1. Носителот на набавката е должен да го испорача предметот на договорот во рок од 45 дена од денот на потпишување на договорот и по писмена нарачка на договорниот орган заверена од овластено лице на следнава локација ул. Македонија бр.12/3 Палата Македонија.

Испораката се смета за извршена со квантитативен и квалитативен прием на предмет на набавката на денот на потпишување на испратницата за прием и записник од двете договорни страни.

Секоја понуда која содржи рок и место на испорака поинакви од тие утврдени во оваа точка ќе се смета за неприфатлива и како таква ќе биде одбиена од страна на комисијата за јавни набавки.

3. Разлики во цена (корекција на цени)

   1. Не се предвидува корекција на цените, односно цените искажани во понудата на најповолниот понудувач ќе бидат фиксни за целото времетраење на договорот за јавна набавка.

4. Авансно плаќање

   1. За извршување на договорот за јавна набавка не е дозволено авансно плаќање.

5. Гаранција за квалитетно извршување на договорот

   1. Услов за потпишување на договорот со избраниот најповолен понудувач е обезбедување гаранција од страна на избраниот најповолен понудувач за квалитетно извршување на договорот во висина од 5% од вредноста на договорот.

2. Гаранцијата од точка 7.5.1 се доставува во вид на банкарска гаранција во писмена форма. Гаранцијата треба да биде поднесена во оригинална форма. Копии не се прифаќаат.

3. Гаранцијата за квалитетно извршување на договорот ќе биде со важност до целосното реализирање на договорот. Договорниот орган по извршениот избор на најповолен понудувач дополнително го утврдува крајниот датум на важност на гаранцијата.

4. Банкарската гаранција за квалитетно извршување на договорот ќе биде во валутата на која гласи договорот.

5. Гаранцијата за квалитетно извршување на договорот треба да биде издадена од банка.

6. Гаранцијата за квалитетно извршување на договорот избраниот најповолен понудувач ја доставува со денот на потпишување на договорот.

7. Гаранцијата за квалитетно извршување на договорот се доставува во определениот рок, и тоа: по пошта или лично на лицето за контакт од точка 1.2.2 од тендерската документација.

8. Гаранцијата за квалитетно извршување на договорот ќе биде наплатена доколку носителот на набавката не исполни некоја од обврските од договорот за јавна набавка во рокот на стасаноста, за што писмено ќе го извести носителот на набавката. Доколку дојде до наплата на гаранцијата за квалитетно извршување на договорот, договорниот орган ќе објави до ЕСЈН негативна референца.

9. Доколку договорот за јавна набавка е целосно реализиран согласно договореното, банкарската гаранција за квалитетно извршување на договорот договорниот орган му ја враќа на носителот на набавката во рок од 14 дена од целосното реализирање на договорот.

10. Гаранцијата за квалитетно извршување на договорот договорниот орган му ја враќа на носителот на набавката по пошта, лично во седиштето на економскиот оператор или лично во седиштето на договорниот орган.

8. ПОНИШТУВАЊЕ НА ПОСТАПКАТА

1. Договорниот орган може да ја поништи постапката за доделување на договор за јавна набавка ако:

• бројот на кандидати е понизок од минималниот број предвиден за постапките за доделување на договор за јавна набавка согласно со овој закон,

• не е поднесена ниту една понуда или ниту една прифатлива или соодветна понуда,

• се поднесени прифатливи понуди кои не можат да се споредат поради различниот пристап во техничките или финансиските понуди,

• настанале непредвидени промени во буџетот на договорниот орган,

• понудувачите понудиле цени и услови за извршување на договорот за јавна набавка кои се понеповолни од реалните на пазарот,

• оцени дека тендерската документација содржи битни пропусти или недостатоци, до моментот на отворање на понудите,

• поради непредвидени и објективни околности се промениле потребите на договорниот орган,

• договорниот орган не може да изврши избор на најповолна понуда поради битни повреди на законот согласно со членот 210 од овој закон или

• избраниот понудувач се откаже од склучување на договорот.

9. ЗАВРШУВАЊЕ НА ПОСТАПКАТА ЗА ДОДЕЛУВАЊЕ НА ДОГОВОР ЗА ЈАВНА НАБАВКА

1. Постапката за доделување на договор за јавна набавка завршува на денот на конечноста на одлуката за избор или за поништување на постапката.

2. Веднаш по завршување на постапката, договорниот орган ги враќа мострите, урнеците и документите кои предвидел дека ќе се вратат на понудувачите во тендерската документација.

Прилог I - ТЕХНИЧКА СПЕЦИФИКАЦИЈА

СПЕЦИФИКАЦИЈАТА ЗАДОЛЖИТЕЛНО ДА СЕ ПОПОЛНИ

Виртуелизација, лиценци, анивирусно решение и решение за backup

Опис на минималните карактеристики што се бараат

Количина

Модел и марка на производот

со опис Дали ги исполнува бараните минимални карактеристики (ДА/НЕ)

Дел 1 Оперативни системи и лиценци

Windows Server Datacenter 2012 R2 OLP NL Gov 2Proc Qlfd

2

Windows Server Standard 2012 R2 OLP NL Gov 2Proc

5

Exchange Server Standard 2013 OLP NL Gov

2

Windows Server CAL 2012 R2 OLP NL Gov DvcCAL

100

Exchange Standard CAL 2013 OLP NL Gov DvcCAL

100

Дел 2 Виртуелизација на новиот систем и префрлање на постојниот, решение за Backup, решение за антивирусна заштита

2.1 Виртуелизација на новиот систем и префрлање на постојниот

1

Економскиот оператор треба да изготви предлог решение за виртуелизација и конфигурација на целокупната серверска ИТ структурата на ДЗР. Предлог решението треба да содржи акционен план, кој ќе биде усогласен со договорниот орган.

Хардверски карактеристики на ИТ инфраструктурата на договорниот орган:

Системот кој ќе се виртуелизира ќе работи на 4 двaпроцесорски сервери DELL PowerEdge R720 и 2 SAN уреди DELL EqualLogic PS4110E меѓусебно поврзани со iSCSI со 10Gbps конекција.

Техничките карактеристики на серверите DELL PowerEdge R720 се:

• Процесор: Intel XEON 2.50 GHz, 15MB cache, 6 cores (2 процесори по сервер)

• RAM меморија: 128GB DDR3

• Дискови: 2x146GB SAS

• Raid Controller Card (Supports RAID 0,1,10)

• Интерфејс: 4x1Gb ethernet (RJ-45), 2x10Gb DA/SFP + Converged Network Adapter, 4xUSB

Техничките карактеристики на двата SAN уреди DELL EqualLogic PS4110E се:

• Инсталиран капацитет од 24TB на едниот уред и 36ТВ на другиот уред, со брзина на вртежи на HDD од 7.2К

• Внатрешни HDDs: SAS/SATA

• 2 (два) контролери инсталирани во array, HA with failover

• Cache меморија по контролер: 4 GB

• Поврзување со надворешни уреди: iSCSI

• Надворешни порти по контролер: минимум 2 ports (at least one 10GbE connectivity with one (1) 10GBASE-T with RJ45 and one (1) 10GbE SFP+ for fibre or twin-ax copper cabling)

• Брзина на надворешни порти: 10Gbps

• Поддржани RAID нивоа: RAID 10,5,6

Економскиот оператор, покрај подигањето на виртуелните сервери, обврзан е да изврши подигање и конфигурирање на 4 (четири) физички сервери ( два DELL PowerEdge R710 и два DELL PowerEdge R210 II), кои ќе работат самостојно (надвор од виртуелната околина, но поврзани со storage решението).

Техничките карактеристики на серверите DELL PowerEdge R710 се:

• Процесор: Intel XEON 2.40 GHz, (1 процесор по сервер)

• RAM меморија: 4GB

• Дискови: 2x146GB

• Raid Controller Card (Supports RAID 0,1,10)

• Интерфејс: 2x1Gb ethernet (RJ-45),

Техничките карактеристики на серверите DELL PowerEdge R210 II се:

• Процесор: Intel XEON 2.13 GHz (1 процесор по сервер)

• RAM меморија: 8 GB

• Дискови: 2x1ТB SAS

• Raid Controller Card (Supports RAID 0,1,10)

• Интерфејс: 2x1Gb ethernet (RJ-45)

Економскиот оператор е обврзан да изврши подготовка на сите физички сервери, како и SAN уредите. Сите уреди треба да бидат соодветно конфигурирани (RAID нивоа) и форматирани (подготвени за инсталирање на ОС и имплементација на виртуелизацијата).

Седум физички сервери ќе работат со оперативен систем Windows Server 2012 со лиценци прикажани во Дел 1. Останатите физички сервери ќе работат со оперативни системи Windows Server 2008 и Windows Server 2003.

Со воспоставување на виртуелизација ќе се подигнат најмалку 16 виртуелни сервери на кои ќе работат различни апликации.

Економскиот оператор треба да обезбеди решение за отпорност од грешки на виртуелизациската платформа, од можен испад на дел од дисковите подсистеми или од целосен испад на примарниот storage. Решението треба да овозможи непрекинато работење на виртуелните сервери хостирани на HyperV платформа и во случај на целосен испад на примарниот storage на начин што HyperV платформата без прекин во работењето ќе продолжи да работи со реплика на дисковиот систем на секундарниот storage.

Економскиот оператор треба да ги искористи можностите што ги нуди софтверот набавен во дел 1. Доколку неговото решение повлекува дополнителни лиценци истите треба да бидат вклучени во цената.

Како дополнителен механизам за отпорност од можни хардверски проблеми, во случај на хаварија на некој од серверите, решението треба да овозможи брзо активирање на виртуелните сервери на некој од преостанатите активни сервери без да се врши реставрирање на податоците од Backup, односно ваквата активација да се изврши во време помало од 15 минути (под претпоставка дека дисковите подсистеми односно storage-от е во функција).

Економскиот оператор треба да изготви предлог решение за префрлање и да изврши префрлање на имплементираната Active Directory и Exchange инфраструктура од постојните сервери во новата виртуелна околина.

Економскиот оператор, покрај подигањето на виртуелните сервери, обврзан е да изврши подигање и конфигурирање на 4 (четири) физички сервери, кои ќе работат самостојно (надвор од виртуелната околина, но поврзани со storage решението) и ќе ги содржат следниве решенија:
DOMAIN CONTROLLER (сервер)
BACKUP SERVER (сервер)
TEST ENVIRONMENT SERVER (сервер за тестирање на нови закрпи и решенија)

FIREWALL SERVER (сервер)
Како Firewall заштита ДЗР користи Microsoft ISA server 2006.

Економскиот оператор е должен да обезбеди непречено функционирање на Microsoft ISA server 2006 со целокупната работна околина.

Префрлање (миграција) од постојната доменска структура:

Целосно префрлање на архитектурата на постојниот систем (апликации и бази, МS SQL 2008 базa) нивно нагодување и проверка на функционалност.
Префрлањето подразбира подигање и префрлање во виртуелна околина на постојните решенија:

ACTIVE DIRECTORY
DOMAIN CONTROLLER (виртуелен сервер кој ќе биде огледален со физички сервер)

Имплементација на Active Directory инфраструктура со искористување на можностите на Windows 2012 Active Directory и останатите Windows сервиси вклучувајќи ги:

Active Directory физичка и логичка инфраструктура. Проверка на постојната и доконфигурирање со поставување на групни полиси за зголемување на безбедноста на серверите и клиентските работни станици, зголемување на функционалноста на доменот

Проверка/конфигурирање на редундантност на клучните AD сервиси како што се DNS сервисот, Global Catalogue Server и сл.

Подесување на безбедносни политики за лозинките (минимална големина, комплексност, време за кое треба да се променат и сл.)

Креирање на структура на организациски единици во AD (Organizational Unit) за полесно управување со корисничките и компјутерските профили акаунти во доменот.

Креирање на групи на корисници за различни тимови, сектори.

Инсталирање на Certificate Services со цел издавање на сертификати.

Конфигурирање на Certificate сервисот со креирање на дигитални сертификати според потребите на Државниот завод за ревизија.

Издавање на сертификати за потребите на Exchange Server (за сигурен SSL пристап до маилот од надвор).

Издавање на сертификати за потребите на VPN конекциите (автентикација со помош на сертификати).

(Инсталација и конфигурирање на VPN конекција од најмалку една клиентска станица со различен оперативен систем).

Виртуелизирање на постоечки сервер на кој ги има следниве апликации:

IFIS /HR клиент- сервер апликација од домашен добавувач која користи SQL 2008 база на податоци
SAPRI клиент – сервер апликација од домашен добавувач која користи SQL 2008 база на податоци
Архивирање (апликација од домашен добавувач, инсталирана на Lotus Domino база под Windows)

EXCHANGE SERVER (префрлање од верзија 2003 на верзија 2013)
Подготовка на AD инфраструктурата за имплементација на Exchange 2013

Подготовка на серверот за инсталација на Exchange 2013

Инсталација на Exchange 2013

Преземање на постојните бази на поштенските сандачиња од Exchange 2003 (до 500MB по сандаче на околу 100 сандачиња) на Exchange 2013 без губење на податоци

(Дозволен е downtime на е-маил серверот од најмногу 1 неработен ден)

Конфигурирање на базите на Exchange 2013, поставување на лимити и известувања за големината на корисничките сандачиња на секоја база и големина на порака.

(Распределба на корисниците во соодветни бази според дефинираниот лимит за секој корисник)

Конфигурирање на таканаречени recipient политики и политики за генерирање на е-маил адреси на корисниците.

Креирање на посебни адресни листи и преземање на постојните без губење на податоци

Конфигурирање на Exchange серверот за пристап од надвор со помош на Active Sync (дефинирање на Active sync политики), Outlook Web Access, Outlook Anywhere (RPC/HTTPS).

Пристап до сандачињата на корисниците преку MS Outlook 2007 апликација, преку клиентски компјутер со VPN конекција.

Конфигурирање на Exchange серверот за пристап од надвор со мобилни уреди.

Креирање на е-маил профили за корисниците и конфигурирање на клиентските Microsoft Outlook апликации за пристап до Microsoft Exchange 2013.

Конфигурирање на File сервер структура на виртуелни сервери и на SAN storage, мапирање на нови дискови простори по групи корисници дефинирани во AD.

Префрлање на постоечките податоци (100GB).

Префрлање на корисничките профили на новата виртуелна структура (моментално 100 корисници со најмногу 3GB по корисник)

Креирање на фолдерска структура на серверите за споделување на документи помеѓу тимовите, одделенијата и секторите и поставување на соодветни привилегии врз истите.

Креирање на скрипти за автоматско креирање на т.н. “shortcut” за пристап до мрежните фолдери на секој вработен зависно во која група припаѓа, со што ќе се олесни пристапот до документи на централно ниво и секогаш ќе биде запазен принципот да на корисникот му се појавуват оние фолдери до кој тој има пристап согласно неговото членство во одредени групи. Оваа скрипта треба да се извршува автоматски за секој нов корисник кој ќе се додаде во доменот без дополнителни администраторски активности освен креирањето на корисничкиот акаунт и вметнувањето на корисниот во соодветна група

(Бројот на креирани скрипти треба да биде 20)

Ќе се креираат нови виртуелни сервери и тоа за:

• ANTIVIRUS (согласно решението во понудата)

• WSUS (Windows System Update Services)

• LOG SERVER

• SPAM SERVER (да се реконфигурира постојниот Brightmail)

Имплементација на систем за автоматско инсталирање на безбедносни закрпи и сервисни пакети (Security Patch & Service Packs) на клиентските компјутери со што ќе се подобри нивната безбедност и секогаш ќе бидат ажурирани со последните верзии на софтверите.

Економскиот оператор е должен да обезбеди имплементација на решението. Исто така, треба да обезбеди обука за 5 лица, како и илустрирани упатства за користење и базично администрирање.

Идните сервери кои ќе бидат подигнати во виртуелната околина, ќе подлежат на постоечките услови за сервисирање и одзив.

2.2. Решение за Backup

1

ДЗР има имплементирано решение за правење сигурносни копии Symantec Backup Exec 2012 со 4 (четири) трајни лиценци. Решението прави сигурносни копии на следниве продукти: Active Directory, MS Exchange 2003 сервер, Windows File сервер, MS SQL 2008 сервер, Windows Systems на серверски машини.

Економскиот оператор треба да понуди решение за Backup, со трајни лиценци, како и  со вкалкулирано одржување и надградба од нови верзии за период од 3 години од денот на имплементација.

Економскиот оператор треба да изготви предлог решение за backup на целокупната серверска ИТ структурата на ДЗР.

Решението треба да обезбеди backup на следните продукти: Active Directory, MS Exchange 2013, Windows Server 2012, MS SQL server 2012 и 2008, како и на Windows OS на серверски машини.

Треба да се има во предвид дека ДЗР има набавено 4 (четири) сервери на кои ќе работат виртуелните сервери, 2 (два) SAN уреди, и 4 (четири) други физички сервери поврзани со SAN уредите и виртуелната околина, со обезбедена редундантност на системот.

Решението треба да врши backup на целокупната серверска инфраструктура (виртуелна и физичка). Решението треба да биде инсталирано на посебен сервер.

Економскиот оператор треба да понуди дедупликација која ефикасно ќе го користи дисковиот простор доделен на бекап серверот за складирање на бекапираните податоци.

Можности за брзо и сигурно податочно и системско реставирање вклучувајќи и поединечни датотеки и фолдери или цели оперативни системи на ист или различен хардвер или пак во виртуелна околина.

Решението треба да понуди агенти за бекап кои ќе можат да вршат т.н. "application aware backup" и грануларно реставрирање на податоците од апликативните решенија како што се Active Directory,од SQL Server 2012, од Exchange server 2013 и од File серверите.

Решението да овозможува снимање на копијата на еден од SAN уредите како и на надворешни мемориски уреди (USB хард дискови и NAS уреди).

Решението треба да овозможи грануларно реставрирање на фајлови и фолдери од бекапи на иста или друга локација.

Снимањето да може да биде на ниво на цел виртуелен сервер како и на ниво на дневни инкременти (промени).

Потребно е понуденото решение / софтвер да биде докажано и признаено од независни истражувачки куќи во светот кои се занимаваат со оваа проблематика (пр. Gartner) или потврда од успешно инсталирано решение во компании со најмалку 100 вработени.

Во цената да биде пресметан и периодот на целосна поддршка во времетраење од 3 години.

Условите за целосна поддршка се дадени подолу.

Економскиот оператор е должен да обезбеди имплементација на решението, да обезбеди упатства за користење, како и обука за додавање и менување на ресурси за backup, поврат на податоци и администрирање, за 5 вработени.

2.3 Решение за антивирусна заштита за тригодишен период

150

Антивирусна заштита за работни станици/самостојни компјутери (WINDOWS XP, WINDOWS VISTA, WINDOWS 7 и WINDOWS 8)

Антивирусна заштита за сервери (Windows server 2003, Windows server 2008, Windows server 2012)

Вкупниот број на работни станици и сервери е 150.

Во моментов се користи централизирано антивирусно решение Symantec Endpoint Protection, со лиценцна поддршка до 24.02.2014 година.

Повеќеслојна заштита - антивирус, антиспајвер, десктоп firewall, спречување на упади, контрола на уреди и апликации и контрола на пристап до мрежа.

Активна заштита од вируси, црви, тројанци, спајвер, ад-вер, ботови, 0-days и rootkits

Целосна интеграција на сите компоненти во еден агент со можност за инсталација на клиентски и серверски Windows оперативни системи: Windows XP, Windows Vista, Windows 7, Windows 8, Windows Server 2003, Windows Server 2003 R2, Windows Server 2008, Windows Server 2008 R2, Windows Server 2012 R2.

Централно управување на системот преку една менаџмент конзола за сите компоненти.

Единствен изглед на менаџмент конзолата, за сите оперативни системи.

Можност од реален приказ на сите кориснички машини со моменталната состојба (последен update, детектирани вируси, превземени чекори и сл.)

Можност за активирање/деактивирање на слоевите од заштитата преку централна менаџмент конзола без потреба за преинсталација на страната на клиентот.

Можност за поставување на различни политики за различни групи на компјутери или корисници (според име на компјутер или име на корисник, по група на компјутери или корисници).

Заштита на сите делови од компјутерот: системска меморија, boot сектори и слично, интелигентна заштита од нови непознати вируси, можност за heuristic скенирање.

Заштита на таргетирани напади, напади кои користат т.н. Social Engineering, како и да врши заштита од напади на мрежата од веб базираните напади.

Проверка на архивирани и компресирани датотеки на повеќе слоеви навнатре.

Предефинирани урнек полиси со можност за брзо и лесно конфигурирање.

Опции за конфигурирање на заштита на екстерни УСБ мемориски или други слични уреди, со можност за поставување посебни политики (да може само да се читаат податоци од уредот без можност за снимање, забрана/блокирање на извршување на програми и други извршни фајлови директно од уредот, заштита од модификација на податоци, регистри локации и процеси, оневозможување на запишување на уредот и сл.).

Интегрирана заштита за e-mail клиентски апликации.

Можност за автоматско чистење на заразени фајлови без интервенција на корисникот.

Можност за користење на различни безбедносни политики во зависност од локацијата и мрежните параметри, на пример: зголемување на безбедност кога се работи на WiFi мрежи

Способност за следење и за контрола на однесувањето на апликациите (блокирање пристап до одредени Windows клучеви во регистерот, датотеки и папки, блокирање или прекинување на можност за апликациите да започнат други процеси, дефинирање на апликации кои не може да се прекинат преку нерегуларни процеси, дефинирање кои апликации можат да повикаат DLL датотеки).

Мала зафатнина на работна меморија.

Да не влијае значително на брзината на извршување на останатите апликации (потврдено со тестирања од независни истражувачки организации).

Централизирано автоматско инсталирање и администрација за сите сервери и клиентски компјутери.

Овозможена инсталација на антивирусни решенија за машини кои не се дел од Active Directory домен т.е. немаат физичка конекција со конзолата, при што истите мораат да влечат updates од самиот производител или друга online локација.

Можност за заштита на неколку нивоа (Network базирана заштита, Заштита на ниво на фајл, Заштита базирана на репутација, Заштита базирана на однесувањето на сите процеси , отстранување на веќе заразени датотеки и сл.)

Можност да се вршат тестови за интегритетот на компјутерите.

Можност за заштита и во виртуелна околина.

Вклучен Network Access Control за дескоп компјутери.

Заштита од закани за влезниот и излезниот е-маил сообраќај.

Заштита од нови типови на спам преку real-time мониторирање од страна на производителот.

Скенирање на сите пораки пратени преку MS Exchange сервер.

Решението треба како прв филтер да го прима SMTP сообраќајот (поставен пред или позади firewall-от), а потоа филтрираните емаил пораки да ги препраќа до xxxxx xxxxxxxx.

Можност за складирање на сомнителните пораки во карантин, и можност клиентите сами да ги гледаат сопствените пораки во карантинот.

Проверка на содржината на пораките со повеќе технологии на заштита (текст, содржина, наслов, прикачени датотеки, слики).

Можност за напредно филтрирање на содржини на емаил пораките (content control).

Можност за поставување на различни политики за различни групи на корисници.

Анализа на ИП репутација со можност за авто-учење.

Пригушување на спам сообраќајот пред да влезе во мрежата.

Автоматско ажурирање на антиспам дефинициите на интервали не поголеми од 20 минути (во понудата детално да се опише update механизмот).

Сигурна и ефикасна антивирус заштита, вклучувајќи нулти-ден заштита.

Одбрана против насочени напади за заштита од напади со низок волумен како фишинг и “419” спам измами.

Поддршка за Domain Key Identified Mail (DKIM) со можност за потпишување и проверка за заштита на домените од страна на спамери.

Можност за користење на TLS енкрипција, енкрипција на комуникацијата со одредени организации преку полиси и според домени, а притоа да нема потреба од управување со дополнителна инфраструктура.

Интеграција со LDAP за валидација на примач, автентикација, разрешување на адреси и емаил рутирање.

Aдминистрација базирана на улоги (можност за поставување на повеќе нивоа на администрација – roll based administration).

Сеопфатно известување вклучувајќи табела, резиме и детални извештаи (reporting).

Заштита на гранично (gateway) ниво за повеќе протоколи за влезниот и излезниот интернет сообраќај.

Заштита од штетни закани вклучувајќи спајвер, ботови, вируси и други типови на штетен софтвер.

Можност да врши увид, откривање и блокирање на активни и неактивни ботови.

Препознавање на компромитирани работни станици и сервери во мрежата преку земање на мрежни отпечатоци и моделот на однесувањето на истите.

Имплементацијата на уредот не треба да предизвика никаква промена на подесувањата на клиентските компјутери за да може да пристапуваат на интернет (да не бара подесување на Proxy сетирања на веб пребарувачите кај клиентските компјутери).

Понуденото решение треба да има вградени можности за автоматско пропуштање на сообраќајот.

Детални извештаи и можности за алармирање преку е-маил.

Потребно е понудениот софтвер да биде докажан и признаен од повеќе независни истражувачки куќи во светот кои се занимаваат со оваа проблематика (пр. Gartner, Virus Bulletin, Xxxxxxxxx)

Потребно е целосното решение да има поддршка/интеграција за Active Directory

Потребно е целосното решение да биде интегриран софтверски пакет кој ќе овозможува целосна поддршка на вклучените апликации во истиот.

Вклучена цена за ажурирање на софтверот (update на базите) за период од 3 (три) години.

Во цената да биде вклучена инсталација, имплементација и конфигурација на антивирусот и сите компоненти и на пакетот, на сите хардверски уреди (сервери, лаптопи, десктопи).

Вклучена обука за административно користење (инсталација, управување преку централна козола, креирање кориснички инсталациски пакети) за 5 (пет) вработени.

Локална поддршка во периодот на траење на лиценците.

Гаранција и одржувањето на системот да биде за период од 3 (три) години.

2.4 Одржување на ИТ инфраструктурата за период од 3 години (точка 2.1, точка 2.2 и точка 2.3 од оваа техничка спецификација)

Одржувањето на ИТ инфраструктурата опфаќа:

Задолжителни месечни превентивни посети за одржување, опишани со динамика и технички опис на предвидените редовни активности.

Инсталација на сите неопходни софтверски закрпи и сервисни надградби на серверите вклучени во инфраструктурата на Државниот завод за ревизија

Поддршка по телефон и e-mail

Поддршка во случај на инциденти, согласно минималните барања од табелата подолу:

Вид на инциденти	Време за реакција	Време за пријава на инцидент	Вкупен Број на инциденти
ИТНО во работно време степен на сериозност кој подразбира проблем во функционирањето на системот при што системот не функционира (System Down) , односно не може да ја извршува својата основна функција и се предизвикува застој во деловниот процес поддржан од тој систем или во поголемиот негов дел, а се пријавува во дефинираното работно време.	4 часа	Понеделник - Петок 08-17ч	18
НЕ-КРИТИЧНО степен на сериозност кој подразбира проблем во функционирањето на системот при што не е попречено функционирањето системот, односно корисниците може да ја извршуваат својата основна функција, а проблемот на предизвикува застој во поголемиот дел од деловниот процес поддржан од тој систем. Се пријавува во дефинираното работно време.	24 часа	Понеделник- Петок 08-17ч	18
НЕ-КРИТИЧНО степен на сериозност кој подразбира проблем во функционирањето на системот при што не е попречено функционирањето системот, односно корисниците може да ја извршуваат својата основна функција, а проблемот на предизвикува застој во поголемиот дел од деловниот процес поддржан од тој систем. Се пријавува во дефинираното работно време.	48 часа	Понеделник- Петок 08-17ч	18

Очекуваното време за поправка и поврат на податоци при инцидент е дадено во табелата за RPO и RTO (Recovery Point Objective and Recovery Time Objective) согласно потребите.

Сервис	RTO	RPO	Моментален капацитет (GB)	Проектиран капацитет во иднина (GB)
DOMAIN CONTROLLER (server)	1 ден		16	30
DOMAIN CONTROLLER (virtual)	1 ден		16	30
EXCHANGE SERVER 2013	1 ден	15 минути	40	150
ACTIVE DIRECTORY	1 ден	15 минути	65	600
FIREWALL SERVER (server)	1 ден	последна копија	25	50
LOG SERVER	1 ден	последна копија	10	50
SPAM SERVER	1 ден	последна копија	25	25
ANTIVIRUS SERVER	1 ден	последна копија	50	100
BACKUP SERVER (server)	1 ден	15 минути	350	2000
WSUS	1 ден	последна копија	5	10
SQL 2008 и 2012	1 ден	15 минути	5	25
IFIS /HR	1 ден	15 минути	75	250
SAPRI	1 ден	15 минути
ARCHIVING	1 ден	15 минути	5	15

Идните сервери кои ќе бидат подигнати во виртуелната околина, ќе подлежат на условите за сервисирање и одзив наведени погоре.

Прилог II- ОБРАЗЕЦ НА ПОНУДА

[меморандум на понудувачот]

Врз основа на огласот број 02/2014 објавен од страна на Државен завод за ревизија, за доделување на договор за јавна набавка на виртуелизација, лиценци, анивирусно решение и решение за backup со спроведување на отворена постапка, која се спроведува во хартиена форма и завршува со електронска аукција преку Електронскиот систем за јавни набавки (xxxxx://xxx.x-xxxxxxx.xxx.xx) и на тендерската документација која ја подигнавме од договорниот орган, ја поднесуваме следнава:

П О Н У Д А

1. ОПШТ ДЕЛ

1.1.Име на понудувачот: _____________________________________________

1.2. Контакт информации

1. Адреса: ________________________________________________________

• Телефон: ____________________________________________________

• Факс: _______________________________________________________

• Е-пошта: ____________________________________________________

• Лице за контакт: ______________________________________________

1.3. Одговорно лице: ________________________________________________

1.4. Даночен број: __________________________________________________

1.5.Согласни сме да ја дадеме оваа понуда за предметот на договорот за јавна набавка согласно тендерската документација со цените дефинирани во листата на цени прикажана подолу.

1.6. Нашата понуда е составена од следниве делови:

• пополнета Техничка спецификација (Прилог I);

• пополнет Образец на понуда (Прилог II);

• пополнет образец на листа на доверливи информации (ако нема доверливи информации, образецот не мора да се доставува) (Прилог III);

• документи за утврдување на личната состојба наведени во подточка 2.2.2 од тендерската документација;

• документ за утврдување на способноста за вршење на професионална дејност наведен во точка 2.3.1 од тендерската документација;

• докази за утврдување на економската и финансиската способност наведени во точка 2.4.2 од тендерската документација;

• докази за утврдување на техничката или професионалната способност наведени во точка 2.5.2 од тендерската документација;

• докази за исполнувањето на стандардите за системи на квалитет од под точка 2.6.2;

• Образец за општи информации (Прилог IV);

• Изјава за сериозност на понудата (Прилог V);

• Изјава за независна понуда (Прилог VI);

• Изјава за гаранција за квалитетно извршување на договорот за предметот на набавка специфициран во дел 2 од техничката спецификација (Прилог VII);

• Договор за групна понуда (само за група на економски оператори).

2. Финансиска понуда

2.1. Вкупната цена на нашата понуда, вклучувајќи ги сите трошоци и попусти, без ДДВ, кој е искажан посебно, изнесува:

Делови	Вкупна цена без ДДВ	ДДВ
Дел 1 Оперативни системи и лиценци
Дел 2 Виртуелизација на новиот систем и префрлање на постојниот, решение за Backup, решение за антивирусна заштита

2.2. Детален приказ на вкупната цена на нашата понуда е даден во следнава листа на цени:

Дел 1 Оперативни системи и лиценци
Опис на минималните карактеристики што се бараат	Количина	Производител, тип и модел	Единечна цена без ДДВ	Вкупна цена без ДДВ	Стапка на ДДВ	ДДВ	Вкупна цена со ДДВ
1	2	3	4	5=4*2	6	7	8=5+7
Windows Server Datacenter 2012 R2 OLP NL Gov 2Proc Qlfd	2
Windows Server Standard 2012 R2 OLP NL Gov 2Proc	5
Exchange Server Standard 2013 OLP NL Gov	2
Windows Server CAL 2012 R2 OLP NL Gov DvcCAL	100
Exchange Standard CAL 2013 OLP NL Gov DvcCAL	100
Вкупен износ:
Вкупната цена без ДДВ на нашата понуда за ДЕЛ 1, вклучувајќи ги сите трошоци и попусти, изнесува __________________________денари, (__________________________________________________________________________денари). (Вкупната цена се изразува со бројки и букви. Во случај понудата да е поднесена од странски економски оператор, вкупната цена се изразува со букви на англиски јазик.)

Дел 2 Виртуелизација на новиот систем и префрлање на постојниот, решение за Backup, решение за антивирусна заштита
Опис на минималните карактеристики што се бараат	Количина	Производител, тип и модел	Единечна цена без ДДВ	Вкупна цена без ДДВ	Стапка на ДДВ	ДДВ	Вкупна цена со ДДВ
1	2	3	4	5=4*2	6	7	8=5+7
2.1 Виртуелизација на новиот систем и префрлање на постојниот	1
2.2 Решение за Backup	1
2.3 Решение за антивирусна заштита за тригодишен период	150
2.4 Одржување на ИТ инфраструктурата за период од 3 години	1
Вкупен износ:
Вкупната цена без ДДВ на нашата понуда за ДЕЛ 2, вклучувајќи ги сите трошоци и попусти, изнесува __________________________денари, (__________________________________________________________________________денари). (Вкупната цена се изразува со бројки и букви. Во случај понудата да е поднесена од странски економски оператор, вкупната цена се изразува со букви на англиски јазик.)

2.3. Нашата понуда важи за периодот утврден во тендерската документација. Се согласуваме со начинот на плаќање утврден во тендерската документација.

2.4. Со поднесување на оваа понуда, во целост ги прифаќаме условите предвидени во огласот и тендерската документација и не го оспоруваме Вашето право да ја поништите постапката за доделување на договор за јавна набавка согласно со член 169 од Законот за јавните набавки.

Место и датум
___________________________ Одговорно лице
___________________________ (потпис и печат)

Прилог III - ОБРАЗЕЦ НА ЛИСТА НА ДОВЕРЛИВИ ИНФОРМАЦИИ

Информации кои се доверливи Бројот на страниците со тие информации Причини за доверливост на тие информации Временски период во кој тие информации ќе бидат доверливи

Место и датум
___________________________ Одговорно лице
___________________________ (потпис и печат)

Прилог IV - ОБРАЗЕЦ ЗА ОПШТИ ИНФОРМАЦИИ²

1. Назив на економскиот оператор / претставник на група економски оператори / член на група економски оператори:
2. Адреса на седиштето:
3. Телефон:	4. Контакт:
5. Факс:	6.e-mail:
7. Место на основањето / регистрацијата:	8. Година на основањето / регистрацијата:
9. Основни дејности на економскиот оператор:

Место и датум
___________________________ Одговорно лице
___________________________ (потпис и печат)

Прилог V - ИЗЈАВА ЗА СЕРИОЗНОСТ НА ПОНУДАТА

И З Ј А В А

Јас, долупотпишаниот __________________________________________ [име и презиме] врз основа на член 47 став 1 од Законот за јавните набавки, а во својство на овластено лице на понудувачот________________________________ _________________________________________________ изјавувам дека во целост ја гарантирам содржината на понудата и дека понудата е xxxxxxx и правно обврзувачка за нас во сите нејзини делови до истекот на периодот на нејзината важност.

Исто така, изјавувам дека сум целосно свесен со последиците од прекршување на оваа изјава во случаите од член 47 став 6 од Законот за јавните набавки, што ќе доведе до издавање на негативна референца од страна на договорниот орган против понудувачот во чие име и за чија сметка сум овластен да ја дадам оваа изјава.

Место и датум
___________________________ Овластено лице
___________________________ (потпис и печат)

Прилог VI - ИЗЈАВА ЗА НЕЗАВИСНА ПОНУДА

И З Ј А В А

Јас, долупотпишаниот ______________________________________ [име и презиме], врз основа на член 129 став 2 од Законот за јавните набавки, а во својство на овластено лице на понудувачот ______________________________________, под целосна материјална и кривична одговорност изјавувам дека понудата во oтворената постапка бр. 02/2014 ја поднесувам независно, без договор со други економски оператори на начин кој не е спротивен на прописите за заштита на конкуренцијата, како и дека во постапката не учествувам со други економски оператори со кои сум капитално, сопственички или роднински поврзан.

Исто така, изјавувам дека сум целосно свесен за последиците од давање на невистинити наводи во изјавата, што може да доведе до поведување на постапка за утврдување прекршочна или кривична одговорност против понудувачот во чие име и за чија сметка сум овластен да ја дадам оваа изјава.

Место и датум Овластено лице

________________ _____________________

Прилог VII - ИЗЈАВА ЗА ГАРАНЦИЈА ЗА КВАЛИТЕТНО ИЗВРШУВАЊЕ НА ДОГОВОРОТ

ИЗЈАВА

Изјавуваме дека, доколку нашата понуда биде избрана за најповолна за јавната набавка на виртуелизација, лиценци, анивирусно решение и решение за backup за дел 2 по оглас 02/2014 година, ќе доставивме банкарска гаранција за квалитетно извршување на договорот во висина од 5% од вредноста на договорот со вклучен ДДВ со важност до целосно реализирање на договорот.

Место и датум
___________________________ Овластено лице
___________________________ (потпис и печат)

1 Линк „Регистрирај се“ во делот „Економски оператори“ на почетната страна на ЕСЈН

2 Во случај на групна пријава за учество, образецот со општи информации се пополнува за секој член на групата на економски оператори.