Ler ou antre e pe reste dan en lakaz lwe. • Premye drwa en lokater se en lozman ki abitab savedir en lakaz ki an sekirite pou reste ladan san okenn kondisyon ki kapab anmenn danze pou ou ek ou fanmiy.• Ou devre fer sir ou annan akse avek delo ek elektrisite.• Propriyeter i bezwen fer nenport reparasyon neseser pou gard landrwa dan en kondisyon rezonab letan i annan lokater ke pe lwe sa landrwa.• I en draw fondamantal e legal ki sa lokater i zwir son trankilite prive e i pa ganny deranze a nenport ler par son propriyeter. Propriyeter i bezwen donn son lokater en letan rezonab si i anvi ou i bezwen vizit sa landrwa.• En propriyeter pa kapab koup koneksyon delo ouswa elektrisite e menm pa kapab sanz oken lakle lakaz letan en lokater pe legalman lwe e reste dan sa landrwa.• Si sa lokater i kas okenn lartik dan son kontra lokasyon ki enkli pa pey lokasyon, Lalwa Kontrol lokasyon ek Kontra Lokasyon i permet enpropriyeter pou tir en lokater dan son lakaz swivan en laplikasyon fer devan tribinal Rent Board pli byen konnen konman Bord.• Lokater i bezwen ganny enformen an ekrir ki en laplikasyon i n fer devan Bord kont li. Sa i a donn li letan pou li kapab fer son defans si i annan.• Sa Propriyeter i bezwen oparavan donn notis en ekri parey kontra i dir si sa lokater pa pe pey lokasyon atan ouswa i an aryeraz avek son lapey.• Si lokater i refize sorti e kit landrwa, propriyeter i bezwen fer en laplikasyon devan Bord pou retir li. Sa lokater i ganny enformen par notis an ekrir e i ganny sans pou vinn eksplik son defans devan Bord.
