Avan antre dan en kontra lokasyon. Lease Agreement) • Fer sir ou lir byen sa dokiman e ki ou konpran ki ou pe antre ladan.• Tir porter avan ou antre dan sa lakaz pou montre ki kondisyon sa landrwa i ete. Osi fer sir ou annan en lenvanter tou sa ki ladan, si ou pe al lwe li meble. Sa lenvanter i ganny sinnyen par tou lede parti.• Touzour fer sir ou ganny en resi ler ou fer peyman lokasyon. Propriyeter osi i bezwen asire ki i donn son lokater en resi ler i pey li son lokasyon.• Esey devlop en lalinny kominikasyon ouver ant propriyeter avek lokater otan ki i posib.• Raport okenn reparasyon ki bezwen ganny fer osito ki i posib.• En lokater napa okenn drwa fer okenn reparasyon ou amelyorasyon lo ou dan sa lakaz san en lord Bord.• En lokater i osi annan drwa fer en laplikasyon dan Bord pou aranze, fer desann lokasyon pandan ki i pe okip sa landrwa e damande pou fer serten reparasyon lo sa lakaz si i neseser.
